18-nji iýulda, düýpli abatlamak üçin iberilen lokomotiwlaryň birinji topary CRRC Corporation Limited-iň kärhanasy CRRC Ziyang Co. Ltd. zawodynda üstünlikli täzelendi we abatlandy. Sichuan Daily habar gullugynyň habaryna görä, abatlanan lokomotiwlar ýakyn wagtda Türkmenistana iberiler.

Bu lokomotiwlar Türkmenistana eksport edilen CRRC Ziyang kompaniýasynyň önümleriniň ilkinji partiýasydy. Olar ortaça 20 ýyl bäri işleýär we hersi 2 million kilometrden gowrak ýol geçdi.

2024-nji ýylyň ahyrynda CRRC Ziyang kompaniýasy bilen Türkmenistanyň demir ýol ulaglary ministrligi bu lokomotiwlary abatlamak we tehniki taýdan kämilleşdirmek üçin şertnama baglaşdy.

Şu ýylyň maý aýynda lokomotiwlaryň birinji topary düýpli abatlamak üçin CRRC Ziyang kompaniýasyna geldi.

Häzirki wagta çenli bu kompaniýa Türkmenistana ýerli demir ýol ulaglarynyň 98% -den gowragyny amala aşyrýan 294 lokomotiw eksport etdi.