"Awaza" milli syýahatçylyk zolagynda Birleşen Milletler Guramasynyň Deňe çykalgasy bolmadyk ösüp barýan döwletler boýunça üçünji halkara maslahatynyň açylyş dabarasy boldy. Oňa ýurtlaryň Baştutanlary, hökümet wekilleri, halkara guramalaryň wekilleri hem-de BMG-niň ýolbaşçylary gatnaşdy.

Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedow foruma gatnaşyjylary mähirli garşylap, dabaranyň açylyşynda çykyş etdi. Şeýle hem BMG-niň Baş sekretary Antoniu Guterriş we BMG-niň Baş Assambleýasynyň 79-njy sessiýasynyň Başlygy Filemon Ýang çykyş etdiler.

Forumda Türkmenistanyň hemişelik Bitaraplygynyň 30 ýyllygyna we BMG-niň döredilmeginiň 80 ýyllygyna bagyşlanan Halkara parahatçylyk we ynanyşmak ýylynyň çäklerinde bu çäreleriň ähmiýeti bellenildi.

Maslahatyň çäklerinde ýokary derejeli tegelek stollar, duşuşyklar we forumlar geçirilýär.