2025-nji ýylyň 28-nji awgustynda Türkmenistanyň Balkan welaýatynyň häkimi Hojamyrat Aşyrmyradowyň ýolbaşçylygyndaky wekiliýet iş sapary bilen Gazagystan Respublikasynyň Mangistau welaýatyna bardy.Saparyň dowamynda Mangistau welaýatynyň häkimi Nurdaulet Kilybaý bilen duşuşyk geçirildi. Onuň çäklerinde serhetýaka özara gatnaşyklaryň ileri tutulýan ugurlaryna seredilip geçildi hem-de 2025-2027-nji ýyllar üçin strategik hyzmatdaşlygyň ösüş maksatnamasy ylalaşyldy.Balkan welaýatynyň häkimi duşuşykda eden çykyşynyň barşynda iki welaýatyň arasyndaky hyzmatdaşlygy berkitmek we giňeltmek Türkmenistanyň hem-de Gazagystanyň baştutanlarynyň kesgitlän ugurlaryna gabat gelýändigini belledi, şeýle-de iki döwletiň arasyndaky hoşniýetli goňşuçylyk gatnaşyklaryň geljekki ösüşine ýardam etjekdigini nygtady.Gepleşikleriň ahyrynda taraplar hyzmatdaşlygy çuňlaşdyrmaga bolan ikitaraplaýyn gyzyklanmany tassykladylar hem-de serhetýaka özara gatnaşyklary ösdürmeklige we dostlukly gatnaşyklary berkitmeklige gönükdirilen anyk çäreleri bilelikde durmuşa geçirmäge bolan taýýarlygy barada bellediler.