Türkmenistanyň Prezidenti Hatyra güni mynasybetli çärelere gatnaşdy

Türkmenistanyň Prezidenti Serdar Berdimuhamedow ýekşenbe güni 1948-nji ýylyň ýertitremesiniň pidalarynyň hem-de söweş meýdanlarynda wepat bolanlaryň hormatyna Aşgabatda gurlan “Halk hakydasy” ýadygärlikler toplumyna gül goýmak hatyra çäresine gatnaşdy. Bu barada Türkmenistanyň resmi metbugaty habar berýär.

“Türkmendeňizderýaýollary” agentligi bilen Halkara Deňiz Guramasynyň (IMO) bilelikde gurnamagynda geçirilen okuw maslahaty

2024-nji ýylyň 1-3 oktýabry aralygynda “Türkmendeňizderýaýollary” agentligi bilen Halkara Deňiz Guramasynyň (IMO) bilelikde gurnamagynda Awaza milli syýahatçylyk zolagynyň “Deňiz” myhmanhanasynda geçirilen okuw maslahaty geçirildi.

Türkmenistanyň Prezidenti Hytaý Halk Respublikasynyň ýolbaşçylaryny gutlady

Hormatly Prezidentimiz Serdar Berdimuhamedow Türkmenistanyň halkynyň we Hökümetiniň adyndan, şeýle-de hut öz adyndan Hytaý Halk Respublikasynyň Başlygy Si Szinpine we Döwlet Geňeşiniň Premýeri Li Sýana hem-de ýurduň dostlukly halkyna Hytaý Halk Respublikasynyň jar edilen güni mynasybetli ýürekden gutlaglaryny, iň gowy arzuwlaryny iberdi.

«Türkmenistan» awiakompaniýasy agentligi Frankfurt şäherine goşmaça gatnawyň ýola goýulandygyny habar berýär

2024-nji ýylyň 8-nji oktýabryndan başlap, «Türkmenistan» awiakompaniýasy paýdarlar jemgyýeti Aşgabat-Frankfurt-Aşgabat ugry boýunça goşmaça gatnawyň ýola goýlandygyny habar berýär. Bu barada howa gatnawlarynyň Baş agentligi habar berýär.

Gahryman Arkadagymyz zähmet we maliýe bazaryny ösdürmäge hem-de telekeçiligi goldamaga degişli birnäçe resminamalary taýýarlamagy teklip etdi

Gahryman Arkadagymyz Gurbanguly Berdimuhamedow Türkmenistanyň Halk Maslahatynyň mejlisinde Ykdysadyýetimiziň pudaklarynda amala aşyrylýan özgertmeler, ilatyň iş bilen üpjünçiligini gowulandyrmaga mümkinçilik berýändigini belledi.

Türkmenistanyň Halk Maslahatynyň Başlygy ýurdumyzyň ykdysady ösüşiniň esasy aýratynlyklaryny belledi

Türkmen halkynyň Milli Lideri Gurbanguly Berdimuhamedow Türkmenistanyň Halk Maslahatynyň mejlisinde ykdysady ösüş her bir ýurduň durnukly öňe gitmeginiň möhüm şertdigini aýtdy.

Türkmenistanda Garaşsyzlygyň 33 ýyllygy mynasybetli sadaka berildi

Çarşenbe güni Türkmenbaşynyň ruhy metjidinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we Türkmenistanyň Prezidenti Serdar Berdimuhamedowyň gatnaşmagynda Garaşsyzlygyň 33 ýyllygy hem-de Türkmenistanyň Halk Maslahatynyň mejlisiniň üstünlikli geçmegi mynasybetli sadaka berildi. 

Aşgabatda Türkmenistanyň Halk Maslahatynyň mejlisi öz işine başlady

Şu gün paýtagtymyzda Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Halk Maslahatynyň nobatdaky mejlisi öz işine başlady. 

Türkmenistanyň DIM-nde Koreýa Respublikasynyň ýer, infrastruktura we ulag ministri bilen duşuşyk geçirildi

2024-nji ýylyň 23-nji sentýabrynda Türkmenistanyň DIM-nde Türkmenistanyň Daşary işler ministri Raşid Meredow bilen Koreýa Respublikasynyň ýer, infrastruktura we ulag ministri Sangwo Parkyň arasynda duşuşyk geçirildi.Duşuşygyň dowamynda taraplar ulag-üstaşyr geçelgeleri hem-de logistika infrastrukturasyny döretmek baradaky Türkmenistanyň öňe süren başlangyç taslamalaryna laýyklykda hyzmatdaşlygyň häzirki ýagdaýyny we geljegini ara alyp maslahatlaşdylar.Awtoulag pudagynda Türkmenistan bilen Koreýa Respublikasynyň arasyndaky köp ýyllyk hyzmatdaşlygyň üstünlikleri bellendi.Duşuşykda şähergurluşygy, seýsmologiýa we ulag pudaklaryndaky hyzmatdaşlygyň mümkinçiliklerine aýratyn üns berildi.

Elista şäherinde Magtymguly Pyragynyň 300 ýyllygy mynasybetli halkara ylmy-amaly maslahat geçirildi

2024-nji ýylyň 20-nji sentýabrynda Russiýa Federasiýasynyň Galmyk Respublikasynyň Elista şäherinde geçirilýän «Asyrlar boýy halklar bilelikde» atly sebitleýin forumyň çäginde Magtymguly Pyragynyň 300 ýyllygy mynasybetli «Bakylygyň nyşanlary: türkmen we galmyk halklarynyň arasyndaky dostluk-doganlyk köprüsi. Magtymguly Pyragynyň 300 ýyllygyna» atly halkara ylmy-amaly maslahat geçirildi.

Türkmenistanyň Prezidenti Yslam ösüş bankynyň ýolbaşçysyny kabul etdi

2024-nji ýylyň 19-njy sentýabrynda hormatly Prezidentimiz Serdar Berdimuhamedow Yslam ösüş bankynyň (YÖB) ýolbaşçysy Muhammad Al Jasseri kabul etdi.

Aşgabatda Türkmenistanyň ykdysady üstünlikleriniň sergisi açyldy

2024-nji ýylyň 19-njy sentýabrynda paýtagtymyzda ýurdumyzyň Garaşsyzlygynyň 33 ýyllygy mynasybetli Türkmenistanyň ykdysady üstünlikleriniň sergisi öz işine başlydy.

Türkmen-mongol gün tertibiniň wajyp meselelerine garaldy

2024-nji ýylyň 18-nji sentýabrynda Türkmenistanyň Daşary işler ministri Raşid Meredow Mongoliýanyň Türkmenistandaky Adatdan daşary we Doly ygtyýarly Ilçisi (oturýan ýeri Astana ş.) Dorj Baýarhuu bilen duşuşdy. Bu barada Türkmenistanyň DIM-iň resmi internet sahypasynda habar berilýär. Taraplar ikitaraplaýyn hyzmatdaşlygyň häzirki ýagdaýyny hem-de Türkmenistanyň we Mongoliýanyň daşary syýasy edaralarynyň üsti bilen ösdürmegiň geljegini ara alyp maslahatlaşdylar.Duşuşygyň dowamynda özara gyzyklanma bildirilýän ugurlar boýunça ikitaraplaýyn gatnaşyklary mundan beýläk-de ösdürmäge ygrarlylyk beýan edildi.Taraplar şu ýylyň güýzünde Mongoliýanyň Prezidenti Uhnaagiýn Hurelsuhyň Türkmenistana amala aşyrjak döwlet saparyna taýýarlyk işlerine aýratyn üns berdiler.

Türkmen wekiliýetiniň Awstriýa Respublikasyna amala aşyran sapary

2024-nji ýylyň 17-nji sentýabrynda türkmen wekiliýetiniň Atom energiýasy boýunça halkara agentliginiň (IAEA) Baş konferensiýasynyň 68-nji sessiýasyna gatnaşmagynyň çäginde Türkmenistanyň Daşary işler ministriniň orunbasary Mähri Bäşimowa bu sessiýanyň umumy mejlisinde çykyş etdi. Bu barada Türkmenistanyň DIM-niň web-saýtynda habar berilýär.  

Paýtagtymyzda halkara ylmy maslahat we sergi geçirilýär

Şu gün paýtagtymyzda «Oba hojalyk ekinleriniň tohumçylygynda ýetilen sepgitler we öňde durýan wezipeler» atly halkara ylmy maslahat hem-de onuň çäklerinde Türkmenistanyň oba hojalyk pudagynda gazanylanlaryň sergisi açyldy. “Ýyldyz” myhmanhanasynda geçirilýän forum Türkmenistanyň, Russiýa Federasiýasynyň, Belarusuň, Gazagystanyň, Gyrgyzystanyň, Özbegistanyň, Täjigistanyň we beýleki döwletleriň ugurdaş ministrlikleriniň, pudaklaýyn dolandyryş edaralarynyň, ylmy-barlag, önümçilik merkezleriniň, Garaşsyz Döwletleriň Arkalaşygynyň Ýerine ýetiriji komitetiniň wekillerini bir ýere jemledi. Bu barada "Türkmenistan Altyn Asyr" resmi internet sahypasynda habar berilýär.

Türkmenistanyň Bütindünýä söwda guramasyna agza bolmagynyň mümkinçilikleri ara alnyp maslahatlaşyldy

2024-nji ýylyň 16-njy sentýabrynda Türkmenistanyň DIM-iň binasynda Daşary işler ministriniň orunbasary Ahmet Gurbanow bilen Bütindünýä söwda guramasyna (BSG) agza bolmak departamentiniň direktory Maika Oşikawanyň ýolbaşçylygyndaky BSG-niň wekiliýetiniň agzalarynyň arasynda duşuşyk geçirildi. Bu barada Türkmenistanyň DIM-iň resmi internet sahypasynda habar berilýär.

Türkmenistan we Germaniýa ikitaraplaýyn hyzmatdaşlygy mundan beýläk-de berkitmegi goldaýarlar

2024-nji ýylyň 17-nji sentýabrynda Türkmenistanyň Prezidenti Serdar Berdimuhamedow «Merkezi Aziýa – Germaniýa» görnüşindäki ýokary derejeli ikinji duşuşygyna gatnaşmak üçin Gazagystan Respublikasynyň Astana şäherine iş saparyny amala aşyrýar. Bu barada Türkmenistanyň DIM-iň resmi internet sahypasynda habar berilýär.

Brýusselde Türkmenistan bilen ÝB-niň bilelikdäki komitetiniň mejlisine taýýarlyk maslahatlaşyldy

Türkmenistanyň Belgiýadaky ilçisi Sapar Palwanow Ýewropanyň Daşarky Hereket Gullugynyň (ÝDHG) Gündogar Ýewropa we Merkezi Aziýa boýunça Direktorynyň ýerine ýetiriji direktorlygynyň orunbasary Lýuk Dewin bilen duşuşyk geçirdi. Duşuşykda ÝB bilen Türkmenistanyň arasyndaky ikitaraplaýyn hyzmatdaşlyk platformalary we Brýussel hem-de Aşgabatda geçiriljek gepleşikleriň guramaçylygy ara alnyp maslahatlaşyldy.

Koreýanyň Türkmenistandaky Ilçisiniň “Balkan” gämi gurluşyk we abatlaýyş zawodyna iş sapary

2024-nji ýylyň 12-nji sentýabrynda Koreýanyň Türkmenistandaky Ilçisi we Ilçihananyň wekilleri “Balkan” gämi gurluşyk we abatlaýyş zawodyna iş saparyny amala aşyrdylar. Saparyň dowamynda myhmanlar zawodyň önümçilik mümkinçilikleri we kuwwaty bilen tanyş boldular. Zawodyň wekilleri tarapyndan häzirki wagtda alnyp barylýan taslamalaryň durmuşa geçirilişi barada gürrüň berildi. Myhmanlar hususanda, zawodda gurulýan 2 sany gury ýük gämisiniň gurluşyna syn etdiler. Myhmanlar “Balkan” zawodynda ornaşdyrylan häzirki zaman enjamlary we tehniklary aýratyn belläp, alnyp barylýan hyzmatdaşlygy mundan beýläk hem çuňlaşdyrmaga taýýardygyny nygtadylar.

Türkmenistanyň Halk Maslahatynyň Başlygynyň Owganystanyň Ministrler Kabinetiniň Başlygynyň wezipesini ýerine ýetirijisi bilen duşuşygy hakynda