Resmi web sahypasy
English Русский
Türkmenistanyň Deňiz we derýa ulaglary döwlet gullugy

22:39

06 9 2025
Habarlar
RSS
12 Few 2024
Gazagystan Türkmenistan bilen ekologiýa hyzmatdaşlygyny ösdürmäge gyzyklanma bildirýär

Gazagystanyň ekologiýa we tebigy baýlyklar ministri Ýerlan Nysanbaýew BMG-niň ýabany haýwanlaryň göçüp-gonup ýören görnüşlerini gorap saklamak baradaky Konwensiýanyň 14-nji mejlisine (COP 14) gatnaşyjylaryň öňünde eden çykyşynda Respublikanyň Türkmenistan, Özbegistan we Gyrgyzystan bilen ekologiýa pudagyndaky hyzmatdaşlygy ösdürmäge gyzyklanma dowam etdirmäge gyzyklanma bildirýändigini aýtdy. Bu barada “Kazinform” habarlar agentligi mälim edýär.

12 Few 2024
Belarus Türkmenistana ulag hyzmatlarynyň möçberini 4 esse artdyrdy

Belarusyň ulag we aragatnaşyk ministri Alekseý Lýahnowiç geçen ýylyň netijelerine esaslanyp, Respublikanyň Türkmenistana ulag hyzmatlarynyň eksportyny 3,6 esse artdyryp bilendigini aýtdy. Belarus neşiriniň habar bermegine görä, belarus ulag operatorlary tarapyndan awtoulag arkaly halkara ýük daşamalary mümkin bolan ýurtlaryň sany 14-e ýetdi.

12 Few 2024
Azerbaýjanyň iň uly gämileriniň biri türkmen nebitini daşamakda ulanylar

“Azerbaýjanyň Hazar deňiz gämiçiligi” ýapyk görnüşli paýdarlar jemgyýetiniň metbugat gullugynyň başlygy “Zyh” gämigurluşyk we abatlaýyş zawodynda “Gahryman Halilbeýli” tankerini abatlamak işleriniň tamamlanandygyny mälim etdi. Bu barada “Caliber.Az” neşiri habar berýär.

11 Few 2024
Ýurtda ulag hyzmatlary 121% ýokarlandy

Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew Ministrler Kabinetiniň giňişleýin mejlisinde gözegçilik edýän düzümlerinde 2023-nji ýylyň ýanwar - dekabr aýlarynda ýerine ýetirilen işleriň netijeleri barada hasabat berdi.

11 Few 2024
Serdar Berdimuhamedow geçen ýylyň netijelerini jemledi we 2024-nji ýyl üçin meýilnamalary yglan etdi

Prezident Serdar Berdimuhamedow, Türkmenistanyň Ministrler Kabinetiniň giňişleýin mejlisinde, Hökümet agzalary we beýleki ýolbaşçylar tarapyndan 2023-nji ýylyň netijeleri barada hasabat berenden soň, umumy netijeleri gysgaça beýan etdi we 2024-nji ýyldaky wezipeleri kesgitledi.

10 Few 2024
«TÜRKMENHOWAÝOLLARY» AGENTLIGI 6 SANY HOWA GÄMISINI SATYN ALAR

Türkmenistanyň Prezidenti Serdar Berdimuhamedowyň sanly ulgam arkaly ýakynda Hökümet mejlisini geçirdi. Mejlisiň barşyndaTürkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenhowaýollary» agentligine 4 sany «Boeing 737-8» kysymly we 2 sany «Boeing 777-367/ER» kysymly howa gämisini satyn almak barada Amerikanyň Birleşen Ştatlarynyň degişli kompaniýalary bilen üçtaraplaýyn şertnamalary baglaşmaga ygtyýar berildi. Bu resminamalar «Türkmenistanyň raýat awiasiýasyny ösdürmegiň 2012 — 2030-njy ýyllar üçin Milli maksatnamasynda» göz öňünde tutulan wezipeleri üstünlikli durmuşa geçirmek, şeýle-de howa gämileriniň düzümini yzygiderli döwrebaplaşdyrmak we uçuşlaryň howpsuzlygyny üpjün etmek maksady bilen kabul edildi.

10 Few 2024
Katar Döwleti Transowgan demir ýol taslamasynyň maslahatlaşmalaryna goşuldy

Daşkent şäherinde Özbegistanyň, Owganystanyň, Pakistanyň we Katar Döwletiniň ulag we demir ýol ministrlikleriniň ýolbaşçylarynyň gatnaşmagynda dört taraplaýyn duşuşyk geçirildi.

09 Few 2024
NOBATDAKY «BOEING 777-300 ER» KYSYMLY TÄZE ÝOLAGÇY UÇARY AŞGABADA GETIRILDI

Türkmenistanyň raýat awiasiýasyny ösdürmegiň 2030-njy ýyla çenli Milli maksatnamasyna laýyklykda, indi ýylyň-ýylyna ýurdumyzyň raýat awiasiýasynyň düzümleriniň döwrebaplaşdyrylyp, iň täze enjamlar bilen üpjün edilýär. Şu gün paýtagtymyzyň Halkara howa menziline gelip gonan «Boeing 777-300 ER» kysymly täze ýolagçy uçary hem Türkmenistanyň raýat awiasiýasynyň üstüni ýetirdi. Amerikanyň Birleşen Ştatlaryň «Boenig» kompaniýasyndan «Boenig-777-300ER» kysymly iki sany täze ýolagçy howa gämilerini satyn almak baradaky Türkmenistanyň Prezidentiniň degişli Kararyna laýyklykda, Aşgabat Halkara howa menziline getirildi. Şeýle howa gämileriniň birinjisi 2023-nji ýylyň 4-nji dekabrynda Aşgabada getirilipdi.

09 Few 2024
«Türkmennebit» döwlet konseriniň we «Dragon Oil» kompaniýasynyň ýolbaşçylary hyzmatdaşlygyň mümkinçilikleri boýunça pikir alyşdylar

«Türkmennebit» döwlet konseriniň ýolbaşçylary bilen ýurdumyzda iş saparynda bolýan BAE-niň «Dragon Oil» kompaniýasynyň Baş ýerine ýetiriji direktory Ali Raşid Al Jarwanyň arasynda duşuşyk geçirildi. Duşuşygyň dowamynda uzak möhletleýin hyzmatdaşlygy we Türkmenistanyň energetika toplumyny mundan beýläk-de ösdürmek boýunça giň gerimli meýilnamalary ösdürmegiň mümkinçilikleri ara alnyp maslahatlaşyldy. Şeýle hem ýurdumyzyň bu ulgamy diwersifikasiýa ýoly bilen ösdürýändigi we ekologiýanyň talaplaryna laýyklykda, öňdebaryjy tehnologiýalary işjeň ornaşdyrýandygy bellenildi diýip, «Türkmenistan: Altyn asyr» elektron gazeti habar berýär.

09 Few 2024
“Türkmenistan” awiakompaniýasy” AGPJ tarapyndan 2024-nji ýylyň Fewral aýynyň 15-den Mart aýynyň 30-na çenli ýerine ýetiriljek Aşgabat- Kuala Lumpur -Aşgabat ugry boýunça awiabiletlara arzanladyş yglan edilýär

Hormatly ýolagçylar! “Türkmenistan” awiakompaniýasy” açyk görnüşli paýdarlar jemgyýeti tarapyndan 2024-nji ýylyň Fewral aýynyň 15-den Mart aýynyň 30-na çenli ýerine ýetiriljek Aşgabat- Kuala Lumpur - Aşgabat ugry boýunça awiabiletlara arzanladyş yglan edilýändigi barada Size habar berýäris.

09 Few 2024
Gazagystan bilen Hytaýyň arasyndaky demir ýol boýunça ýük gatnawy rekord görkezijä ýetdi

Hytaýyň Urumçy şäherinde ýerli hünärmenler bilen Gazagystanyň demir ýol dolandyryjylarynyň arasynda duşuşyk geçirildi. Bu ýerde bilelikdäki işleriň netijeleriniň jemlenendigini «inbusiness.kz» habar berýär. 

08 Few 2024
Russiýanyň ulag kompaniýalaryny halkara gatnawlaryna kabul etmegiň tertibi ýönekeýleşdirildi

2024-nji ýylyň 1-nji sentýabryndan ýerli ulag kompaniýalaryny halkara ýol gatnawlaryna kabul etmek üçin döwlet hyzmatlaryny bermegiň möhleti 20-den 5 iş gününe çenli azaldylar. Bu düzgüniň Russiýa Federasiýasynyň Premýer-ministri Mihail Mişustiniň gol çeken karary bilen tassyklanandygyny ýurduň hökümetiniň metbugat gullugy habar berýär.

08 Few 2024
Şu ýylyň ýazynda Belarusyň ýüklerini Hazaryň üstünden uzaýan ugur boýunça daşamak synag edilip başlanar

Belarus Respublikasynyň Premýer-ministri Roman Golowçenkonyň ýolbaşçylygyndaky wekiliýetiň Astrahan oblastynda bolandygyny senagat önümçiligi boýunça «Lotos» ýörite ykdysady zolagynyň (ÝYZ) metbugat gullugy habar berýär. Sebitiň gubernatory Igor Babuşkin bilen geçirilen duşuşykda taraplar «Demirgazyk-Günorta» Halkara ulag geçelgesi boýunça ýük daşamagy ösdürmek we «Lotos» ÝYZ-de önümçiligiň lokalizasiýasy ýaly ugurlarda hyzmatdaşlygyň geljegini ara alyp maslahatlaşdylar. Mundan başga-da, Belarus tarapynyň wekilleriniň Astrahan port desgalary arkaly ýük daşamagy artdyrmak isleýändikleri bellendi. Belarus Respublikasynyň Russiýa Federasiýasyndaky ilçisi Dmitriý Krutoý ýükleriň Belarusdan Astrahana, soňra bolsa Eýrana getirilmegi, galyberse-de, «Demirgazyk-Günorta» Halkara ulag geçelgesiniň üsti bilen Hindistana ýetirilmek mümkinçiligi üçin netijeli ortaça nyrhy tapmagyň zerurdygyny aýtdy.

08 Few 2024
Halkara deňiz baýragy

Halkara deňiz Guramasynyň (HDG)  Geňeşi tarapyndan her ýyl HDG -nyň işine we üstünliklerine iň möhüm goşant goşan hünärmene ýa-da edara-kärhanalara Halkara deňiz baýragy berilýär.

08 Few 2024
«Türkmenaragatnaşyk» agentliginiň wekiliýeti IT boýunça iň uly gerimli «Cisco Live 2024» atly halkara forumyna gatnaşdy

Şu günler, has takygy fewral aýynyň 5-9-y aralygynda Gollandiýanyň paýtagty Amsterdam şäherinde IT ulgamynyň gerimini giňeltmek, sanlylaşdyrmak, tor hyzmatlary we programma üpjünçiligi, kiberhowpsuzlyk babatynda tejribe alyşmak we bu ugurlarda hyzmatdaşlygy ösdürmek boýunça halkara «Cisco Live 2024» atly uly tehniki okuw çäresi geçirilýär.

07 Few 2024
«Türkmendeňizderýaýollary» agentligiň hünärmenleri Fransiýa Respublikasynyň «Bureau Veritas Marine & Offshore sas» klassifikasion jemgyýetiniň şahadatnamasyny aldylar

2024-nji ýylyň 28-nji ýanwary 3-nji fewraly aralygynda Türkmenistanda gämi gatnawyna döwlet gözegçilik administrasiýanyň hünärmenleri Gazagystan Respublikasynyň Aktau şäherinde Fransiýa Respublikasynyň «Bureau Veritas Marine & Offshore sas»  klassifikasion jemgyýeti (BV klassifikasion jemgyýeti) tarapyndan guralan «Ulanyşdaky gämileri barlamak» ugry boýunça okuwa gatnaşdylar. Bu okuw 2020-nji ýylyň 5-nji dekabrynda «Türkmendeňizderýaýollary» agentligi bilen BV klassifikasion jemgyýetiniň arasynda baglaşylan «Türkmenistanda bellige alnan gämileri şahadatnamalaşdyrmak boýunça hyzmatlara ygtyýar bermek hakynda Ylalaşygyň» çäklerinde geçirildi.

07 Few 2024
Türkmenistan Halkara Deňiz Guramasynyň (IMO) BUNKER-2001 konwensiýasyna goşuldy

Gämilere bunkerleme hyzmatlaryny ýerine ýetirmegiň çäklerinde halkara talaplaryny berjaý etmek maksady bilen, «Bunker ýangyjy bilen hapalanmakdan ýeten zeper üçin raýat jogapkärçiligi barada halkara konwensiýasyna» (BUNKER-2001) goşulmak barada degişli işler geçirilip, Halkara deňiz guramasy (HDG) tarapyndan Türkmenistanyň Konwensiýa goşulmagy makullanyldy. Konwesniýa ýurdumyz üçin 2024-nji ýylyň 23-nji aprelinden başlap girýär.

07 Few 2024
Türkmenistan we Özbegistan awtoulag arkaly ýük daşaýjylar üçin wiza düzgünlerini ýeňilleşdirmek meselelerini maslahatlaşdylar

Türkmenistanyň Daşary işler ministrliginiň, Ministrler Kabinetiniň ýanyndaky Ulag we kommunikasiýalar agentliginiň, “Türkmenawtoulaglary” agentliginiň, Döwlet migrasiýa gullugynyň wekilleri Özbegistanyň Daşary işler we Ulag ministrlikleriniň wekilleri bilen sanly ulgam arkaly gepleşikleri geçirdiler.

07 Few 2024
Eýran Türkmenistanyň serhedine çenli awtomobil ýol gurar

Eýran Yslam Respublikasynyň Gülüstan sebitiniň häkiminiň ykdysady meseleler boýunça utgaşdyryjy orunbasary Saýed Mohammed Dehnewi eýran tarapynyň ýakyn iki aýyň dowamynda Inçeburun şäherçesinden Türkmenistanyň Balkan welaýatyna çenli awtomobil ýolunyň gurluşygyna girişjekdigini mälim etdi. Bu barada “IRNA” habarlar agentligi mälim edýär.

07 Few 2024
Özbegistanyň «MY Freighter» hususy awiakompaniýasynyň uçary Türkmenabatdaky ilkinji gonuşyny amala aşyrdy

«MY Freighter» hususy özbek awiakompaniýasy Türkmenabat Halkara howa menzilinde ilkinji täjirçilik gonuşyny amala aşyrdy.