Türkmenistanyň Deňiz we derýa ulaglary döwlet gullugy

«Türkmendeňizderýaýollary» agentligiň hünärmenleri Fransiýa Respublikasynyň «Bureau Veritas Marine & Offshore sas» klassifikasion jemgyýetiniň şahadatnamasyny aldylar

2024-nji ýylyň 28-nji ýanwary 3-nji fewraly aralygynda Türkmenistanda gämi gatnawyna döwlet gözegçilik administrasiýanyň hünärmenleri Gazagystan Respublikasynyň Aktau şäherinde Fransiýa Respublikasynyň «Bureau Veritas Marine & Offshore sas» klassifikasion jemgyýeti (BV klassifikasion jemgyýeti) tarapyndan guralan «Ulanyşdaky gämileri barlamak» ugry boýunça okuwa gatnaşdylar. Bu okuw 2020-nji ýylyň 5-nji dekabrynda «Türkmendeňizderýaýollary» agentligi bilen BV klassifikasion jemgyýetiniň arasynda baglaşylan «Türkmenistanda bellige alnan gämileri şahadatnamalaşdyrmak boýunça hyzmatlara ygtyýar bermek hakynda Ylalaşygyň» çäklerinde geçirildi.

Türkmenistan Halkara Deňiz Guramasynyň (IMO) BUNKER-2001 konwensiýasyna goşuldy

Gämilere bunkerleme hyzmatlaryny ýerine ýetirmegiň çäklerinde halkara talaplaryny berjaý etmek maksady bilen, «Bunker ýangyjy bilen hapalanmakdan ýeten zeper üçin raýat jogapkärçiligi barada halkara konwensiýasyna» (BUNKER-2001) goşulmak barada degişli işler geçirilip, Halkara deňiz guramasy (HDG) tarapyndan Türkmenistanyň Konwensiýa goşulmagy makullanyldy. Konwesniýa ýurdumyz üçin 2024-nji ýylyň 23-nji aprelinden başlap girýär.

Türkmenistan we Özbegistan awtoulag arkaly ýük daşaýjylar üçin wiza düzgünlerini ýeňilleşdirmek meselelerini maslahatlaşdylar

Türkmenistanyň Daşary işler ministrliginiň, Ministrler Kabinetiniň ýanyndaky Ulag we kommunikasiýalar agentliginiň, “Türkmenawtoulaglary” agentliginiň, Döwlet migrasiýa gullugynyň wekilleri Özbegistanyň Daşary işler we Ulag ministrlikleriniň wekilleri bilen sanly ulgam arkaly gepleşikleri geçirdiler.

Eýran Türkmenistanyň serhedine çenli awtomobil ýol gurar

Eýran Yslam Respublikasynyň Gülüstan sebitiniň häkiminiň ykdysady meseleler boýunça utgaşdyryjy orunbasary Saýed Mohammed Dehnewi eýran tarapynyň ýakyn iki aýyň dowamynda Inçeburun şäherçesinden Türkmenistanyň Balkan welaýatyna çenli awtomobil ýolunyň gurluşygyna girişjekdigini mälim etdi. Bu barada “IRNA” habarlar agentligi mälim edýär.

Özbegistanyň «MY Freighter» hususy awiakompaniýasynyň uçary Türkmenabatdaky ilkinji gonuşyny amala aşyrdy

«MY Freighter» hususy özbek awiakompaniýasy Türkmenabat Halkara howa menzilinde ilkinji täjirçilik gonuşyny amala aşyrdy.

«Koryo Shipbuilding Industry Technology Co., Ltd.» kompaniýasy bilen «Balkan» gämi gurluşyk we abatlaýyş zawody gämi gurmak boýunça hyzmatdaşlygy ösdürýär

2024-nji ýylyň 29-njy ýanwarynda «Balkan» gämi gurluşyk we abatlaýyş zawody» paýdarlar jemgyýetiniň ýolbaşçylary we bölüm başlyklarynyň gatnaşmaklarynda ýygnaklar zalynda «Koryo Shipbuilding Industry Technology Co., Ltd.» kompaniýasynyň wekilleri bilen duşuşyk geçirildi.

Türkmenistan Gündogar – Günbatar we Demirgazyk – Günorta ugurlarynda geljegiň möhüm ulag merkezine öwrülip biler

Demirgazyk – Günorta halkara ulag geçelgesi üçin ulag we logistika merkezleriniň sanly sanawy döredilýär. Oňa Türkmenbaşy Halkara deňiz portunyň infrastrukturasy barada maglumatlary girizmek meýilleşdirilýär.

HDG-nyň Baş sekretary deňiz ulagy pudagynda täze gün tertibi kesgitledi

Halkara Deňiz Guramasynyň Baş sekretary Arsenio Domínguez, has howpsuz, has ygtybarly we ekologiýa taýdan arassa ýük daşamagy üpjün etmek üçin guramanyň geljek dört ýyl üçin meýilnamalaryny we ugurlaryny paýlaşdy.

TRASEKA ulag geçelgesiniň ugrunda ýerleşýän türki döwletleriň gümrük hyzmatlarynyň bitewi portalyny döreder

Ýewropa bileleşiginiň hem-de “Ýewropa — Kawkaz — Aziýa” ulag geçelgesini guramak boýunça hyzmatdaş ýurtlaryň arasyndaky halkara hyzmatdaşlyk maksatnamasyna gatnaşyjy ýurtlaryň gümrük edaralary elektron hyzmatlaryň bitewi portalyny döretmek boýunça çarçuwaly ylalaşygy taýýarlaýarlar.

"Arkadagly Ýaşlar" žurnalynyň nobatdaky sany çap edildi

Türkmenistanyň Magtymguly adyndaky Ýaşlar guramasynyň Merkezi geňeşiniň ýanyndaky «Arkadagly Ýaşlar» atly elektron žurnalynyň 2024-nji ýyldaky ilkinji sany okyjylara ýetirildi.

Türkmenistanyň Prezidentiniň kitaby Astrahan şäherinde tanyşdyryldy

Türkmenistanyň Russiýa Federasiýasynyň Astrahan şäherindäki konsullyk edarasynda Prezident Serdar Berdimuhamedowyň "Ýaşlar - Watanyň daýanjy" atly kitabynyň tanyşdyrylyş dabarasy geçirildi. Çärä Russiýanyň Hazarýaka sebitindäki ýokary okuw mekdeplerinde bilim alýan türkmen ýaşlary hem-de Magtymguly adyndaky orta mekdebiň wekilleri gatnaşdylar. Bu barada Türkmenistanyň Astrahandaky konsullyk edarasy habar berýär.

Deňiz ýangyjyny bahalandyrmak guraly indiki tapgyra gadam basýar

IAPH-nyň kyrkdan gowrak agzasy 16-njy ýanwarda howa we energiýa komitetiniň wirtual ýygnagyna gatnaşdy. Gün tertibine ünsi çekmek, IAPH Arassa deňiz ýangyjy (CMF) iş topary we Bütindünýä portlary we howa hereketi bilen bilelikde işlenip düzülen deňiz ýangyjy üçin portuň taýýarlyk derejeleriniň (PRL-MF) guralynyň häzirki ýagdaýy we Portlaryň howa hereketi Meýilnamasynyň geljekdäki ösüşi barada (WPCAP) pikir alyşmak boldy.

Russiýa Türkmenbaşy Halkara deňiz porty arkaly Gyrgyzystana uzaýan ulag geçelgesini ösdürer

Russiýa Demirgazyk - Günorta halkara ulag geçelgesi bilen baglannyöýan iki geljegi uly ulag geçelgesini ösdürmek işlerine gatnaşmagy meýilleşdirýär. Bu barada Garaşsyz Döwletleriň Arkalaşygynyň ulag boýunça işewürlik dialogynyň ikinji mejlisinde "GDA-nyň ykdysady ösüşi boýunça işewürlik merkezi" birleşiginiň baş direktory Wadim Ganin belledi.

Aziýadan Ýewropa konteýner daşamagyň bahasy iki esse ýokarlandy

Halkara bron platformasy bolan “Freightos”-yň habar bermegine görä, 2024-nji ýylyň ýanwar aýynda Aziýadan Demirgazyk Ýewropa 40 futlyk konteýneri daşamagyň bahasy iki esse artyp, 4000 ABŞ dollaryna ýetdi, şol bir wagtyň özünde Ortaýer deňziniň ýurtlaryna Gyzyl deňziň we Sues kanalynyň üsti bilen konteýner ugratmagyň bahasy bolsa 5175 ABŞ dollaryna çenli ýokarlandy.