Milli döwletliligiň we agzybirligiň dabaralanmasy: Türkmenistanda Konstitusiýanyň we Döwlet baýdagynyň güni bellenildi

2026-njy ýylyň 18-nji maýynda bütin Türkmenistanda ýurduň syýasy-hukuk we ruhy durmuşynda öçmejek yz galdyran mukaddes seneler — Türkmenistanyň Konstitusiýasynyň hem-de Döwlet baýdagynyň güni dabaraly ýagdaýda bellenilip geçildi. Ýurduň ösüşiň täze tapgyrlaryna gadam basýan döwründe aýratyn many-mazmuna eýe bolan bu goşa baýram mynasybetli paýtagtymyz Aşgabatda, Arkadag şäherinde we ähli welaýatlarda giň gerimli medeni-jemgyýetçilik çäreleri, ylmy-amaly maslahatlar we aýdym-sazly dabaralar guraldy. Resmi metbugatyň habar bermegine görä, şanly sene mynasybetli guralan dabaralaryň çäginde Türkmenistanyň Prezidenti Serdar Berdimuhamedow Konstitusiýa binasyna gül goýmak dabarasyna gatnaşdy hem-de merdana halkymyza baýramçylyk gutlagyny ýollady.

Hazarüsti ulag geçelgesini sanlylaşdyrmak boýunça halkara okuw maslahaty geçirildi

2026-njy ýylyň 11-14-nji maýy aralygynda Gazagystan Respublikasynyň Astana şäherinde BMG-niň Ykdysadyýetleri üçin Ýörite Maksatnamasynyň (SPECA) gatnaşyjy ýurtlary üçin Hazarüsti ulag geçelgesiniň ugrunda multimodal maglumatlaryň we resminamalaryň alyş-çalşygyny sanlylaşdyrmak hem-de BMG-niň ülňülerine laýyk getirmek boýunça halkara okuw maslahaty geçirildi. BMG-niň Ýewropa ykdysady komissiýasy (UNECE), TRACECA-nyň Hemişelik sekretariaty we Gazagystanyň Hökümeti tarapyndan gurnalan bu çärä sebitiň döwletleriniň we halkara guramalaryň wekilleri, şeýle hem Döwlet gullugynyň Daşary ykdysady gatnaşyklar we logistika bölüminiň hem-de Türkmenbaşy Halkara deňiz portunyň hünärmenlerinden ybarat bolan türkmen wekilýeti gatnaşdy.

Türkmenistanyň Mejlisiniň Başlygynyň Özbegistan Respublikasyna iş sapary

Merkezi Aziýanyň logistika strategiyasy Astanada kesgitlener: Türkmen işewürleri halkara foruma çagyrylýar

2026-njy ýylyň 9–10-njy iýulynda Gazagystanyň paýtagty Astana şäherinde sebitiň ulag-logistika ulgamynyň geljegini kesgitlejek “CENTRAL ASIA TRANSPORT, LOGISTICS & INVESTMENT FORUM 2026” atly halkara maslahat we sergi geçiriler. “Türkmen Logistika” assosiasiýasynyň habar bermegine görä, bu iri göwremli çäre Türkmenistanyň ulag we ekspeditorlyk kompaniýalary üçin halkara hyzmatdaşlygy giňeltmekde strategik ähmiýete eýedir.

Türkmenistanyň Halk Maslahatynyň Başlygynyň Russiýa Federasiýasynyň Tatarystan Respublikasyna sapary başlandy

Aşgabat şäherinde GDA agza ýurtlaryň demir ýol ulagy boýunça Geňeşiniň 84-nji halkara mejlisi öz işine başlady

Türkmenistanyň gämi gurluşygynda täze döwür: “Gadamly” ilkinji halkara ýüzüşinde

Türkmenistanyň deňizçilik taryhynda möhüm waka bolup geçen “Gadamly” gämisi ilkinji halkara ýüzüşini üstünlikli amala aşyrdy. Türkmenistanyň Deňiz we derýa ulaglary döwlet gullugynyň buýurmasy esasynda Balkan gämi gurluşyk we abatlaýyş zawody tarapyndan gurlan häzirki zaman “Gadamly” gury ýük gämisi ilkinji halkara saparyny amala aşyryp, Baku Halkara Deňiz Porty portuna bardy.

Türkmenistanyň "Gadamly" gämisi Baku halkara deňiz söwda portunda dabaraly garşy alyndy

2026-njy ýylyň 12-nji maýynda  Baku halkara deňiz söwda portunda Türkmenistanda doly gurlan ilkinji "Gadamly" atly gury ýük gämisini garşylamak dabarasy geçirildi. Dabara wagtynda çykyş eden Türkmenistanyň Azerbaýjan Respublikasyndaky Adatdan daşary we Doly ygtyýarly ilçisi Gurbanmämmet Elýasow bu gäminiň Hazar sebitinde, aýratyn-da, Azerbaýjan ugruna yzygiderli gatnawlary amala aşyrjakdygyny mälim etdi. Diplomat täze gäminiň Baku portuna gelmegini iki ýurduň arasyndaky ulag we logistika hyzmatdaşlygynyň ösüşiniň möhüm görkezijisi hökmünde häsiýetlendirdi. Bu barada trend.az habarlar gullugy habar berýär.

«GADAMLY» GURY ÝÜK GÄMISINIŇ DABARALY AÇYLYŞY MYNASYBETLI HOŞALLYK ÝÝGNAGY GEÇIRILDI

2026-njy ýylyň 11-nji maýynda Türkmenbaşy halkara deňiz portunyň «Beýik Ýüpek ýoly» myhmanhanasynyň mejlisler zalynda «Balkan» gämi gurluşyk we abatlaýyş zawody» açyk görnüşli paýdarlar jemgyýeti tarapyndan Koreýanyň «Koryo Shipbuilding Industry Technology Co., Ltd.» kompaniýasy bilen bilelikde gurlan «Gadamly» gury ýük gämisiniň dabaraly açylmagy mynasybetli hoşallyk ýygnagy geçirildi. Bu dabaraly çärä Türkmenistanyň Deňiz we derýa ulaglary döwlet gullugynyň hünärmenleri we jemgyýetçilik guramalarynyň wekilleri uly ruhubelentlik bilen gatnaşdylar.

Türkmenistanyň Prezidenti täze «Gadamly» gury ýük gämisiniň ulanmaga berilmegi mynasybetli geçirilen dabarara gatnaşdy

8-nji maýda Türkmenistanyň Prezidenti Serdar Berdimuhamedow Balkan welaýatyna amala aşyran iş saparynyň dowamynda täze «Gadamly» gury ýük gämisiniň hyzmat edip başlamagy mynasybetli geçirilen dabaraly çärä gatnaşdy.

Aşgabatda türkmen-hytaý işewürler forumy we sergisi açyldy

Türkmenistanyň paýtagty Aşgabat şäherinde ýerleşýän ýurduň Söwda-senagat edarasynda sişenbe güni türkmen-hytaý işewürler forumy we sergisi öz işine başlady.

Serdar Berdimuhamedow Astanada Aral deňzi boýunça Türkmenistanyň teklibini beýan etdi

Türkmenistanyň Prezidenti Serdar Berdimuhamedow çarşenbe güni Astanada geçirilýän Araly halas etmegiň halkara gaznasyny esaslandyryjy döwletleriň Baştutanlarynyň Geňeşiniň nobatdaky mejlisinde türkmen tarapynyň Merkezi Aziýa ýurtlary bilen bilelikde AHHG-nyň we Birleşen Milletler Guramasynyň hyzmatdaşlygy mowzugy boýunça Baş Assambleýanyň täze Kararnamasyny işläp taýýarlamak meselesine seretmegi teklip etýändigini aýtdy.

Türkmenbaşy Halkara deňiz portunda Täjigistan Respublikasynyň wekilleri bilen duşuşyk geçirildi

2026-njy ýylyň 20-nji aprelinde Türkmenbaşy Halkara deňiz portunyň ýolbaşçy düzümi bilen Täjigistan Respublikasynyň Hökümetiniň ýanyndaky Döwlet maddy ätiýaçlary boýunça agentliginiň wekilleriniň arasynda iş duşuşygy geçirildi. Saparyň esasy maksady portuň tehniki mümkinçilikleri we üstaşyr ýükleri daşamakda hödürleýän amatlyklary bilen tanyşmakdan ybarat boldy.

Brýusselde Türkmenistanyň ulag-üstaşyr mümkinçiligi tanyşdyryldy

Belgiýa Patyşalygynyň Brýussel şäherinde Ýewropa bilen Aziýanyň arasynda durnukly we netijeli ulag arabaglanyşygyny ösdürmekde ýurduň ornuny ara alyp maslahatlaşmak boýunça “Kontinentleri birleşdirmek: Türkmenistanyň üstaşyr we logistika mümkinçiliklerini ösdürmek” atly mowzuklaýyn çäre geçirildi.

«Migrasiýa hakyndaky» Türkmenistanyň Kanunyna girizilen täze üýtgetmeler barada

Türkmenistanyň «Migrasiýa hakyndaky» Kanunynyň 12-nji maddasyna girizilen täze üýtgetmeler we goşmaçalar ýurtda daşary ýurt raýatlaryny hem-de raýatlygy bolmadyk adamlary hasaba almagyň tertibini düýpli kämilleşdirdi. Täze redaksiýa laýyklykda, ähli migrasiýa amallary, şol sanda hasaba almak, hasapdan çykarmak we bolmak möhledini uzaltmak ýaly işler doly sanly ulgama geçirilip, Döwlet migrasiýa gullugynyň bitewi maglumat ulgamy arkaly amala aşyrylar.

Türkmenistan bilen Hytaý ikitaraplaýyn resminamalaryň birnäçesine gol çekdi

Türkmenistanyň paýtagty Aşgabat şäherinde penşenbe güni Hyzmatdaşlyk boýunça türkmen-hytaý hökümetara komitetiniň ýedinji mejlisi geçirildi. Mejlisiň netijeleri boýunça ikitaraplaýyn resminamalaryň birnäçesine gol çekildi. Bu barada Türkmenistanyň resmi metbugaty habar berdi.

Türkmenistanyň Prezidenti Hytaýyň Döwlet Geňeşiniň Premýeriniň birinji orunbasaryny kabul etdi

Türkmenistanyň Prezidenti Serdar Berdimuhamedow Aşgabatda saparda bolýan Hytaýyň Kommunistik partiýasynyň Merkezi komitetiniň Syýasy býurosynyň hemişelik komitetiniň agzasy, Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýany kabul etdi. Duşuşygyň dowamynda Türkmenistanyň döwlet Baştutany Hytaý bilen gatnaşyklary mundan beýläk-de işjeňleşdirmegiň Türkmenistanyň ileri tutýan ugurlarynyň biri bolup durýandygyny aýdyp, ýurduň netijeli hyzmatdaşlygy giňeltmegi maksat edinýändigini nygtady.

Türkmenistan we Russiýa Federasiýasy deňiz gämiçiligi ulgamynda strategiki hyzmatdaşlygy täzeleýärler

15-nji aprelde Sankt-Peterburg şäherinde Türkmenistanyň wekiliýeti bilen Russiýanyň Deňiz gämileriniň hiline gözegçilik edýän döwlet edarasynyň ýolbaşçy düzüminiň arasynda resmi duşuşyk geçirildi. Duşuşykda Türkmenistanyň döwlet baýdagynyň astynda ýüzýän gämileriň halkara konwensiýalarynyň talaplaryna laýyklygyny tassyklamak üçin gözden geçiriş ygtyýarlyklaryny Russiýanyň Deňiz gämileriniň hiline gözegçilik edýän döwlet edarasyna bermek hakyndaky ylalaşmak boýunça  meseleler ara alnyp maslahatlaşyldy.

Arkadagymyz Birleşen Milletler Guramasynyň Baş sekretarynyň orunbasary bilen duşuşyk geçirdi

Gahryman Arkadagymyz UNIDO-nyň Baş direktory bilen duşuşdy