Türkmenistanyň Prezidenti Hytaýyň Döwlet Geňeşiniň Premýeriniň birinji orunbasaryny kabul etdi

Türkmenistanyň Prezidenti Serdar Berdimuhamedow Aşgabatda saparda bolýan Hytaýyň Kommunistik partiýasynyň Merkezi komitetiniň Syýasy býurosynyň hemişelik komitetiniň agzasy, Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýany kabul etdi. Duşuşygyň dowamynda Türkmenistanyň döwlet Baştutany Hytaý bilen gatnaşyklary mundan beýläk-de işjeňleşdirmegiň Türkmenistanyň ileri tutýan ugurlarynyň biri bolup durýandygyny aýdyp, ýurduň netijeli hyzmatdaşlygy giňeltmegi maksat edinýändigini nygtady.

Türkmenistan we Russiýa Federasiýasy deňiz gämiçiligi ulgamynda strategiki hyzmatdaşlygy täzeleýärler

15-nji aprelde Sankt-Peterburg şäherinde Türkmenistanyň wekiliýeti bilen Russiýanyň Deňiz gämileriniň hiline gözegçilik edýän döwlet edarasynyň ýolbaşçy düzüminiň arasynda resmi duşuşyk geçirildi. Duşuşykda Türkmenistanyň döwlet baýdagynyň astynda ýüzýän gämileriň halkara konwensiýalarynyň talaplaryna laýyklygyny tassyklamak üçin gözden geçiriş ygtyýarlyklaryny Russiýanyň Deňiz gämileriniň hiline gözegçilik edýän döwlet edarasyna bermek hakyndaky ylalaşmak boýunça  meseleler ara alnyp maslahatlaşyldy.

Arkadagymyz Birleşen Milletler Guramasynyň Baş sekretarynyň orunbasary bilen duşuşyk geçirdi

Gahryman Arkadagymyz UNIDO-nyň Baş direktory bilen duşuşdy

Gahryman Arkadagymyz Wenada AEHA-nyň Baş direktory bilen duşuşdy

Türkmenistanyň wekiliýeti Seulda geçirilen «Merkezi Aziýa – Koreýa Respublikasy» hyzmatdaşlyk forumynyň ýokary wezipeli wekilleriniň maslahatyna gatnaşdy

2026-njy ýylyň 10-njy aprelinde Koreýa Respublikasyna amala aşyrylan iş saparynyň çäklerinde Türkmenistanyň Daşary işler ministriniň orunbasary Ahmet Gurbanow Seul şäherinde geçirilen «Merkezi Aziýa – Koreýa Respublikasy» hyzmatdaşlyk forumynyň ýokary wezipeli wekilleriniň maslahatyna gatnaşdy.

Gahryman Arkadagymyzyň Awstriýa Respublikasyna sapary başlandy

Türkmenistan we Özbegistan ulag-aragatnaşyk ulgamynda hyzmatdaşlygyň geljegi uly ugurlaryny maslahatlaşdylar

Türkmenistanyň Ministrler Kabinetiniň Başlygynyň ulag-aragatnaşyk toplumyna gözegçilik edýän orunbasary Batyr Annaýew Özbegistanyň Türkmenistandaky ilçisi Rawşanbek Alimow bilen duşuşdy. Duşuşygyň dowamynda taraplar iki ýurduň arasynda ulag, logistika we aragatnaşyk ulgamlarynda hyzmatdaşlygyň häzirki meselelerini ara alyp maslahatlaşdylar.

Bakuda ulag-logistika we söwda-ykdysady ulgamlarynda ikitaraplaýyn hyzmatdaşlygyň geljegi ara alnyp maslahatlaşyldy

Türkmenbaşy halkara deňiz portunda Ýewropa Bileleşiginiň wekilleri bilen duşuşyk geçirildi

2026-njy ýylyň 27-nji martynda Türkmenbaşy halkara deňiz portunda Türkmenistanyň Deňiz we derýa ulaglary döwlet gullugynyň we portuň ýolbaşçy düzüminiň Ýewropa Bileleşiginiň (ÝB) Merkezi Aziýa we Owganystan boýunça bölüminiň başlygy Şarlotta Adrianyň ýolbaşçylygyndaky wekiliýet bilen duşuşygy boldy. Maslahatyň barşynda Hazarüsti ulag koridorynyň mümkinçiliklerini netijeli ulanmak we bu ugurda Türkmenbaşy halkara deňiz portunyň strategiki ornuny has-da berkitmek meseleleri ara alnyp maslahatlaşyldy.

Türkmenbaşy halkara deňiz portunda GIZ we Fransiýanyň tehniki hyzmatdaşlyk baradaky guramasynyň wekilleri bilen duşuşyk geçirildi

2026-njy ýylyň 27-nji martynda Türkmenbaşy halkara deňiz portunda Türkmenistanyň Deňiz we derýa ulaglary döwlet gullugynyň ýolbaşçylarynyň hem-de wekilleriniň Germaniýanyň Halkara hyzmatdaşlyk boýunça jemgyýetiniň (GIZ) we Fransiýanyň tehniki hyzmatdaşlyk baradaky guramasynyň wekilleri bilen duşuşygy geçirildi.

Türkmenistan bilen Ýewropa Bileleşigi hyzmatdaşlygy ösdürmek boýunça indiki ädimleri kesgitledi

Türkmenistanyň Belgiýa Patyşalygyndaky Adatdan daşary we Doly ygtyýarly ilçisi Sapar Palwanow Brýusselde Ýewropa Parlamentiniň Prezidentiniň diplomatik geňeşçisi Silwiýa Kosinska bilen duşuşyk geçirdi. Duşuşygyň dowamynda taraplar Türkmenistanyň we Ýewropa Bileleşiginiň arasyndaky häzirki hyzmatdaşlygy hem-de geljekdäki gatnaşyklary ara alyp maslahatlaşdylar.

Türkmenistan bilen Belarus ýükleri awtoulagda daşamak boýunça rugsatnamalaryň kwotasyny ylalaşdy

Türkmenistan bilen Belarus Respublikasy 2027-nji ýylda halkara awtoulag arkaly ýük daşamalaryny ýerine ýetirmek üçin rugsatnamalary alyş-çalyş etmek boýunça kwotany ylalaşdy.

Aşgabatda TSTB-niň 18 ýyllygy mynasybetli sergi öz işine başlady

Türkmenistanyň paýtagty Aşgabat şäherinde ýerleşýän ýurduň Söwda-senagat edarasynda sişenbe güni Türkmenistanyň Senagatçylar we telekeçiler birleşmesiniň (TSTB) döredilmeginiň 18 ýyllygy mynasybetli sergi öz işine başlady.

“Daşoguzýersuwgurluşyk” kärhanasyna Hytaýyň ponton görnüşli ýer gazyjy gämisi gelip gowuşdy

“Daşoguzýersuwgurluşyk” hojalyk hasaplaşygyndaky önümçilik kärhanasynyň maddy-tehniki binýady Hytaý Halk Respublikasynda öndürilen täze ponton görnüşli ýer gazyjy gämi bilen dolduryldy. Bu barada Türkmenistanyň resmi metbugaty penşenbe güni habar berdi.

Türkmenistanyň 2026-njy ýylda GDA-a başlyklyk etmeginiň Konsepsiýasy çap edildi

Garaşsyz Döwletleriň Arkalaşygynyň (GDA) Ýerine ýetiriji komitetiniň resmi web-sahypasynda Türkmenistanyň 2026-njy ýylda GDA-a başlyklyk etmeginiň Konsepsiýasy we ony durmuşa geçirmek boýunça çäreleriň Meýilnamasy çap edildi.

Bahar Paslynyň Gözelligi we Zenan Mertebesiniň Belent Sarpasy

Türkmenistanyň gözel tebigatynyň oýanyp, bahar paslynyň ilkinji buşlukçylarynyň görünip başlan şu günlerinde, ýurdumyzyň deňiz derwezesi has-da dabaraly keşbe girdi. 2026-njy ýylyň 4-nji martynda “Balkan” gämi gurluşyk we abatlaýyş zawody” açyk görnüşli paýdarlar jemgyýetiniň mejlisler zalynda Halkara zenanlar güni mynasybetli guralan çäre hakyky baýramçylyk şowhunyna öwrüldi.

Türkmenistanyň Deňiz we Derýa Ulaglary Döwlet Gullugynyň Zenanlary Bahar Baýramyny Dabaralandyrýarlar

Gözelligiň we täzelenişiň nyşany bolan bahar paslynyň ilkinji günlerinde ýurdumyzda 8-nji mart — Halkara zenanlar güni uly dabaralara beslenip bellenilýär. Zenan mertebesiniň mukaddes saýylýan, enelere goýulýan hormatyň belent tutulýan ýurdunda bu baýram aýratyn mazmuna eýedir. Şu mynasybetli, 2026-njy ýylyň 4-nji martynda “Balkan” gämi gurluşyk we abatlaýyş zawody” açyk görnüşli paýdarlar jemgyýetiniň mejlisler zalynda Türkmenistanyň Deňiz we derýa ulaglary döwlet gullugynyň jemgyýetçilik guramalary bilen bilelikde gurnamagynda “Berkarar döwletiň bagtyýar zenanlary” ady bilen dabaraly maslahat geçirildi.

Duşenbede Söwda-ykdysady we ylmy-tehniki hyzmatdaşlyk boýunça bilelikdäki türkmen-täjik hökümetara toparynyň 14-nji mejlisi geçirilýär

Türkmenistanyň Deňiz-Derýa Ulaglary Pudagy: Milli Ösüşiň we Global Logistikanyň täze belentlikleri

Türkmenistan häzirki zaman talaplaryna laýyk gelýän halkara ulag-üstaşyr geçelgeleriniň strategik ulgamyny döretmek bilen, dünýäniň ykdysady kartasyndaky ornuny ynamly berkidýär. Ýurdumyzyň ulag strategiýasynyň ileri tutulýan ugurlarynyň biri bolan deňiz ulaglary pudagy, durnukly ykdysady ösüşiň, parahatçylygyň we dostlukly gatnaşyklaryň hakyky merkezine öwrüldi. Aziýanyň we Ýewropanyň çatrygynda ýerleşýän Türkmenbaşy Halkara deňiz porty, bu gün diňe bir sebit däl, eýsem global derejelerdäki strategik logistik merkez hökmünde özüni tassyklady.