Официальный веб-сайт
Türkmen halkynyň Milli Liderinden Şawkat Mirziýoýewe minnetdarlyk bildirdi

Hormatly Şawkat Miromonowiç!

Gadyrly doganym!

Ilki bilen, Türkmenistanyň hem-de Özbegistan Respublikasynyň arasyndaky dost-doganlyk, hoşniýetli goňşuçylyk gatnaşyklaryny ösdürmäge we berkitmäge goşýan şahsy goşandyňyz üçin Size tüýs ýürekden minnetdarlyk bildirýärin. Siziň Özbegistanda beýik türkmen şahyry we akyldary Magtymguly Pyragynyň 300 ýyllygyny giňden bellemek hakynda Karary kabul etmegiňiz hem bu ugurdaky tagallalaryňyzyň aýdyň subutnamasydyr.

Siziň döredijiligi, filosofik mirasy bilen adamzadyň ruhy genji-hazynasynda hemişelik orun alan mugallym we ynsanperwer Magtymguly Pyragynyň umumydünýä edebiýatynyň hem-de medeniýetiniň taryhynda görnükli orny baradaky sözleriňiz bilen doly ylalaşýaryn. Elbetde, biz Magtymgulynyň türkmen we özbek halklarynyň doganlygynyň, dostlugynyň, ykballarynyň bitewüliginiň binýadyny döretmäge goşan uly goşandyny hemişe aýratyn minnetdarlyk we buýsanç duýgusy bilen belleýäris.

Şahyryň terjimehalynda we döredijiliginde Özbegistan aýratyn orny eýeleýär. Hywada bilim alan döwri, ol Özbegistanyň taryhyny oňat özleşdiripdir, çuňňur hormat hem-de gyzyklanma esasynda onuň topragyna, halkyna, däp-dessurlaryna tüýs ýürekden söýgi bilen aralaşypdyr. Häzirki wagtda Magtymgulynyň goşgularynyň özbek dilinde ýaňlanmagy, Özbegistanyň mekdeplerinde, ýokary bilim ojaklarynda öwrenilmegi kanunalaýyk ýagdaýdyr. Türkmenistanda hem Alyşir Nowaýy, Mirzo Ulugbek, Munis Horezmi ýaly beýik özbek şahyrlary, akyldarlary hem alymlary tanalýar we hormatlanýar.

Özbegistanda Magtymguly Pyragynyň 300 ýyllygynyň giňden bellenilmegi biziň halklarymyzyň we döwletlerimiziň arasyndaky doganlyk gatnaşyklarynyň mäkämliginiň, taryhy ykballarynyň umumylygynyň, agzybirligimiziň, hemişe bile bolmaga taýýardygymyzyň nobatdaky aýdyň beýanyna öwrüler. Kabul edilen Karar üçin Size ýene-de bir gezek minnetdarlyk bildirýärin.

Mümkinçilikden peýdalanyp, Size berk jan saglyk, abadançylyk, döwlet we syýasy işiňizde täze üstünlikleri, Özbegistanyň halkyna bolsa parahatçylyk, gülläp ösüş arzuw edýärin.

Çuňňur hormatlamak bilen,

Türkmen halkynyň Milli Lideri,

Türkmenistanyň Halk Maslahatynyň Başlygy

Gurbanguly BERDIMUHAMEDOW.

maglumat çeşmesi: https:atavatan-turkmenistan.com

Новости
30 июл 2025
Состоялось заседание Межправительственной туркмено- азербайджанской комиссии по экономическому сотрудничеству
29 июл 2025
Предстоящая Третья конференция ООН в Авазе: Ключевое событие года
28 июл 2025
Ашхабад и Баку обсудили расширение инвестиционного сотрудничества
28 июл 2025
В Осаке состоялся Туркмено-японский бизнес-форум
28 июл 2025
Павильон Туркменистана на EXPO 2025 привлёк более миллиона посетителей
26 июл 2025
Президент Туркменистана принял Чрезвычайного и Полномочного Посла Китайской Народной Республики
26 июл 2025
Туркменистан подтвердил экологическую приверженность на форуме в Республике Алтай
25 июл 2025
Сотрудники Международного порта Туркменбаши представляют Туркменистан на Региональной программе в Куала-Лумпуре
25 июл 2025
Встреча Посла Туркменистана в КНР с Вице-Председателем Китайского совета по содействию международной торговле
25 июл 2025
Телефонный разговор Национального Лидера туркменского народа, Председателя Халк Маслахаты Туркменистана с Президентом Республики Узбекистан