Türkmenistan we Monako Knýazlygy diplomatik gatnaşyklaryň 10 ýyllygyny belleýär

Türkmenistanyň Prezidenti Serdar Berdimuhamedow Monako Knýazlygynyň Şazadasy Albert II-a we ýurduň ähli halkyna Türkmenistan bilen Monako Knýazlygynyň arasynda diplomatik gatnaşyklaryň ýola goýulmagynyň 10 ýyllygy mynasybetli gutlaglaryny iberdi. Bu barada Türkmenistanyň resmi metbugaty sişenbe güni habar berdi.

Türkmenistan we ÝB Aşgabatda bilelikdäki iş forumyny geçirmegi maslahatlaşdy

Türkmenistanyň Belgiýa Patyşalygyndaky Ilçisi Sapar Palwanow Ýewropa Bileleşiginiň Halkara hyzmatdaşlyk boýunça Baş müdirýetiniň sebit boýunça direktory Peteris Ustups bilen duşuşyk geçirdi. Duşuşygyň barşynda 2026-njy ýylda Aşgabatda taraplaryň ykdysady gatnaşyklaryny ösdürmäge gönükdirilen “ÝB – Türkmenistan” iş forumyny geçirmegiň mümkinçilikleri ara alnyp maslahatlaşyldy. Bu barada Türkmenistanyň Belgiýadaky Ilçihanasy sişenbe güni habar berdi.

Türkmenistan we Özbegistan göni howa gatnawlaryny dikeltmegi ylalaşdylar

Türkmenistan we Özbegistan göni howa gatnawlaryny dikeltmegi ylalaşdylar. 2025-nji ýylyň 22-nji awgustynda Awazada geçirilen “Azerbaýjan – Türkmenistan – Özbegistan” üçtaraplaýyn duşuşygynyň çäklerinde raýat awiasiýasy babatda hyzmatdaşlygy ösdürmek barada teswirnama Türkmenistanyň “Türkmenhowaýollary” döwlet gullugynyň başlygy Döwran Saburow  bilen Özbegistanyň ulag ministri Ilhom Mahkamow tarapyndan gol çekildi. Bu barada “Gazeta.uz” internet neşiri ýekşenbe güni habar berdi.

TÜRKMENISTANYŇ, AZERBAÝJAN RESPUBLIKASYNYŇ WE ÖZBEGISTAN RESPUBLIKASYNYŇ BILELIKDÄKI BEÝANNAMASY

Türkmenistan, Azerbaýjan we Özbegistan bilelikdäki kärhanalary döretmek barada ylalaşdylar

Türkmenistan, Azerbaýjan we Özbegistan uzak möhletleýin, özara bähbitli hyzmatdaşlygy giňeltmek maksady bilen senagat, söwda-ykdysady, ulag hem-de medeni-ynsanperwer ulgamlarynda bilelikdäki kärhanalary döretmek we bilelikdäki taslamalary durmuşa geçirmek barada ylalaşdylar. Bu karar türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow, Azerbaýjan Respublikasynyň Prezidenti Ilham Alyýew hem-de Özbegistan Respublikasynyň Prezidenti Şawkat Mirziýoýew tarapyndan anna güni “Awaza” milli syýahatçylyk zolagynda geçirilen duşuşykda kabul edildi.

Türkmenistan, Azerbaýjan we Özbegistan täze resminamalar toplumyna gol çekdiler

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow, Azerbaýjan Respublikasynyň Prezidenti Ilham Aliýew we Özbegistan Respublikasynyň Prezidenti Şawkat Mirziýoýew anna güni Awazada üçtaraplaýyn formatyndaky duşuşyk geçirdiler. Duşuşygyň netijeleri boýunça ulag, awiasiýa hem-de söwda ugurlaryndaky hyzmatdaşlygy giňeltmäge gönükdirilen birnäçe resminamalara gol çekmek dabarasy geçirildi. Bu barada Türkmenistanyň resmi metbugaty habar berýär.

Gurbanguly Berdimuhamedow Şawkat Mirziýoýew bilen Awazada ikiçäk duşuşyk geçirdi

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow anna güni “Awaza” milli syýahatçylyk zolagynyň Kongresler merkezinde Özbegistan Respublikasynyň Prezidenti Şawkat Mirziýoýew bilen ikiçäk hem-de giňişleýin düzüminde gepleşikleri geçirdi. Bu barada Özbegistanyň Prezidentiniň resmi metbugat gullugy habar berýär.

Şawkat Mirziýoýew üçtaraplaýyn sammite gatnaşmak üçin Türkmenistana geldi

Özbegistan Respublikasynyň Prezidenti Şawkat Mirziýoýew türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň çakylygy boýunça iş sapary bilen Türkmenistana geldi. Bu barada Özbegistan Prezidentiniň resmi metbugat gullugy habar berýär.

Gurbanguly Berdimuhamedow Awazada Ilham Aliýew bilen duşuşdy

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow anna güni “Awaza” milli syýahatçylyk zolagynda Azerbaýjan Respublikasynyň Prezidenti Ilham Aliýew bilen duşuşyk geçirdi.

Azerbaýjanyň Prezidenti iş sapary bilen Türkmenbaşy şäherine geldi

Azerbaýjan Respublikasynyň Prezidenti Ilham Aliýew anna güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň çakylygy esasynda iş sapary bilen Türkmenistana geldi. Bu barada Azerbaýjanyň Prezidentiniň resmi metbugat gullugy habar berýär.

Gazagystan Türkmenistanyň serhedine barýan ýolunyň durkuny täzeleýär

Gazagystan Respublikasynyň Mangistau oblastynyň Žanaozen şäherini türkmen-gazak serhedi bilen birikdirýän gara ýolunyň abatlaýyş işleri başlandy. Bu barada çarşenbe güni “24KZ” teleýaýlymy habar berdi.

Türkmenistan bilen ABŞ-nyň arasynda syýasy geňeşmeler geçirildi

2025-nji ýylyň 20-nji awgustynda Waşington şäherinde Türkmenistan bilen ABŞ-nyň arasynda her ýyl geçirilýän ikitaraplaýyn syýasy geňeşmeleriň on birinji tapgyry geçirildi. Bu barada Türkmenistanyň Daşary işler ministrligi habar berýär.

Türkmenistanyň Daşary işler ministriniň Amerikanyň Birleşen Ştatlarynyň Döwlet sekretary bilen duşuşyk geçirdi

2025-nji ýylyň 20-nji awgustynda Waşington şäherinde Türkmenistanyň Daşary işler ministri Raşid Meredow bilen Amerikanyň Birleşen Ştatlarynyň Döwlet sekretary Marko Rubio duşuşdylar.

Palestina Türkmenistanyň ýolbaşçylaryna ynsanperwer kömek üçin minnetdarlyk bildirdi

Türkmenistanyň Daşary işler ministriniň orunbasary Mähri Bäşimowa Palestinanyň Türkmenistandaky Adatdan daşary we Doly ygtyýarly ilçisi Rana Abu Hijleh bilen duşuşyk geçirdi. Duşuşykda ilçi özüniň hem-de ýurduň ýolbaşçylarynyň adyndan Palestinanyň halkyna berilýän ynsanperwer kömek üçin Türkmenistanyň ýolbaşçylaryna çuňňur minnetdarlyk bildirdi.

Merkezi Aziýa ýurtlary suw serişdelerini dolandyrmak boýunça hyzmatdaşlygy güýçlendirýärler

Gazagystanyň Borowoý şäherçesinde 2025-nji ýylyň 14-nji awgustynda Merkezi Aziýanyň döwletleriniň gatnaşmagynda Hökümetara utgaşdyrylan Suw Komissiýasynyň 90-njy mejlisi geçirildi.

"Arkadag Medisina Klasteri" we Haýyr-sahawat gaznasy “Kids EXPO-2025” sergisine gatnaşar

Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa şenbe güni Arkadag şäherine amala aşyran iş saparynyň çäklerinde Aşgabatda 21–23-nji awgust aralygynda geçiriljek “Kids EXPO: ähli zat çagalar üçin” atly halkara sergi-ýarmarkasynda görkeziljek Arkadag lukmançylyk klasteriniň hem-de Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň alyp barýan işini beýan edýän diwarlyklaryň şekil taslamalary bilen tanyşdy. Bu barada Türkmenistanyň resmi metbugaty şenbe güni habar berdi.

Türkmenistan bilen BAE-iň arasyndaky hyzmatdaşlygyň möhüm meseleleri ara alnyp maslahatlaşyldy

TULM ilkinji gezek Türkiýe–Türkmenistan–Gyrgyzystan ugry boýunça otlusyny iberdi

“Türkmenistanyň ulag-logistika merkezi“ (TULM) açyk görnüşli paýdarlar jemgyýeti ýurdumyzda demir ýol daşamalarynyň operatory hökmünde Türkiýe – Türkmenistan – Gyrgyzystan ugry boýunça ilkinji konteýner otly gatnawyny gurady. Bu barada TULM habar berýär.

Transhazaryň optiki-süýümli kabelini çekmek üçin deňizasty ugurlary öwrenilýär

“Sanly Ýüpek Ýoly” taslamasynyň möhüm bölegi bolan Transhazar optiki-süýümli kabel geçirijini çekmek boýunça deňziň astyndaky ugurlary öwrenmek işleri başlady. Taslama, Ýewropa bilen Aziýany birleşdirjek täze sanly aragatnaşyk geçelgesini döretmäge gönükdirilip, geljekde bu geçelge Azerbaýjanyň, Gazagystanyň we Türkmenistanyň çäginden geçiriler.

Türkmenistanyň DIM-nde türkmen-hytaý hyzmatdaşlygynyň esasy ugurlary ara alnyp maslahatlaşyldy