Szinhua şäherinden ilkinji ýük otlusy Türkmenistandan üstaşar geçer

Hytaýyň Çžeszýan welaýatynyň Szinhua şäherinden ugran ilkinji ýük otlusy 2025-nji ýylyň 20-nji iýunynda Türkmenistanyň Türkmenbaşy portuna tarap ýola düşdi. Bu waka Transhazar halkara ulag geçelgesiniň täze böleginiň resmi taýdan açylandygyny alamatlandyrýar.

Brýussel şäherinde Türkmenistan bilen ÝB-niň arasynda adam hukuklary boýunça nobatdaky dialog geçirildi

2025-nji ýylyň 17-nji iýunynda Brýussel şäherinde Türkmenistan bilen Ýewropa Bileleşiginiň arasynda adam hukuklary boýunça dialogyň 17-nji mejlisi geçirildi. Mehanizmiň çäginde adam hukuklary babatynda hereketleriň milli meýilnamalarynyň durmuşa geçirilmegini, hukugyň hökmürowanlygyny berkitmegi, gender deňligini üpjün etmegi we halkara düzümlerde hyzmatdaşlygy öz içine meseleleriň giň toplumy boýunça pikir alyşmalar geçirildi. DIM-iň resmi saýty habar berýär.

Türkmenistan bilen Gondurasyň arasynda diplomatik gatnaşyklar ýola goýuldy

Türkmenistan bilen Gonduras Respublikasy 2025-nji ýylyň 12-nji iýunynda Nýu-Ýork şäherinde ýerleşýän Türkmenistanyň BMG-niň ýanyndaky Hemişelik wekilhanasynda geçirilen dabaraly gol çekişlikden soň resmi taýdan diplomatik gatnaşyklary ýola goýdular. Bu barada diplomatik wekilhananyň habarlar gullugy habar berdi.

Hytaý bilen Merkezi Aziýanyñ arasyndaky söwda dolanyşygy 2025-nji ýylyñ ýanwar-maý aýlarynda iñ ýokary görkezijilerine ýetdi

2025-nji ýylyñ ýanwar-maý aýlarynda Hytaý bilen Merkezi Aziýanyñ bäş ýurdunyñ (Gazagystan, Gyrgyzystan, Täjigistan, Türkmenistan we Özbegistan) arasyndaky söwdanyñ möçberi geçen ýylyñ şol bir döwri bilen deñeşdirilende, 10,4 % artyp, 286,42 mlrd ýuana (39,91 mlrd $ golaý) ýetdi. Bu barada Hytaýyñ Baş gümrük müdiriýeti habar berýär.

Türkmenbaşy Halkara deňiz portunyň we Päkistan Yslam Respublikasynyň portlarynyň wekilleri hyzmatdaşlygy giňeltmek hakynda maslahatlaşdylar

2025-nji ýylyň 17-njy iýunynda Türkmenbaşy Halkara deňiz portunyň wekilleri bilen Päkistan Yslam Respublikasynyň Gwadar hem-de Karaçi portlarynyň wekilleriniň arasynda porty dolandyrmak we işletmek boýunça tejribe alyşmak babatynda hyzmatdaşlyk bilen bagly meseleleri ara alyp maslahatlaşmak üçin wideoaragatnaşyk arkaly gepleşik geçirildi.

Türkmenistanyň Prezidenti Astanada Hytaýyň Başlygy Si Szinpin bilen duşuşdy

2025-nji ýylyň 17-nji iýunynda Türkmenistanyň Prezidenti Serdar Berdimuhamedow “Merkezi Aziýa — Hytaý” sammitine gatnaşmak üçin Gazagystanyň paýtagty Astana şäherine amala aşyran iş saparynyň çäklerinde Hytaý Halk Respublikasynyň Başlygy Si Szinpin bilen duşuşyk geçirdi. Bu barada Türkmenistanyň resmi metbugaty habar berýär.

Türkmenistan-Özbegistan-Eýran: Ýewropa demir ýol ugruny ösdürmek boýunça Teswirnama gol çekildi

2025-nji ýylyň 16-njy iýunynda Türkmenistan, Özbegistan we Eýran Merkezi Aziýany Ýewropa bilen baglanyşdyrýan multimodal ulag geçelgesini ösdürmek boýunça hyzmatdaşlygy giňeltmek baradaky Teswirnama gol çekdiler. Bu barada Türkmenistanyň resmi metbugaty habar berdi.

Türkmen-slowen hyzmatdaşlygynyň wajyp meseleleri ara alnyp maslahatlaşyldy

2025-nji ýylyň 16-njy iýunynda Türkmenistanyň Daşary işler ministri Raşid Meredow Sloweniýa Respublikasynyň Daşary we Ýewropa işleri ministrliginiň Döwlet sekretary Marko Ştusin bilen duşuşdy.Bu barada DIM-iň resmi saýty habar berýär.

Türkmenistanyň wekiliýeti “Täze dünýä tertibi: geosyýasy nukdaýnazarlar we ählumumy wehimler” atly halkara maslahata gatnaşdy

2025-nji ýylyň 15-nji iýunynda Türkmenistanyň Demokratik partiýasynyň başlygy A.Serdarowyň ýolbaşçylygyndaky Türkmenistanyň wekiliýeti  Azerbaýjan Respublikasynyň Şuşa şäherinde geçirilen “Täze dünýä tertibi: geosyýasy nukdaýnazarlar we ählumumy wehimler” atly halkara maslahata gatnaşdy. Bu barada diplomatik wekilhanalaryň habarlar gullugy habar berýär.

Türkmenistan Russiýada geçiriljek Halkara ykdysady forumyna gatnaşar

2025-nji ýylyň 17-21-nji iýunynda Russiýada geçiriljek Halkara ykdysady forumyna Türkmenistan gatnaşar.Türkmenistanyň wekiliýetine premýer-ministriň orunbasary N.Ataguliýew ýolbaşçylyk eder.

GDA-nyň içeri işler ministrlikleriniň guramaçylykly jenaýatçylyga garşy göreş baradaky mejlisine Türkmenistan gatnaşdy

GDA agza ýurtlaryň içeri işler ministrlikleriniň iş bölümleriniň ýolbaşçylarynyň Gazagystanyň paýtagtynda guramaçylykly jenaýatçylyga garşy göreş meselelerine bagyşlanan ýygnak geçirildi. TASS-nyň habaryna görä, bu döwletara çärä Russiýanyň, Azerbaýjanyň, Özbegistanyň, Belarusyň, Täjigistanyň we Gyrgyzystanyň wekilleri gatnaşdy.

Türkmenistanyň we Wenesuela Boliwarian Respublikasynyň Daşary işler ministrlikleriniň arasynda syýasy geňeşmeler geçirildi

Aşgabatda “Parahatçylyk, durnukly ösüş we migrasiýa” atly halkara maslahat geçirildi

Hazarda alnyp barylýan iş: “Neptun” desgasy Türkmenistandan Azerbaýjana geçirildi

“Neptun” buraw desgasy Hazar deňziniň türkmen böleginden Azerbaýjana geçirildi. Deňiz işleri üç günläp dowam edip, AZCON holdinginiň düzümine girýän Azerbaýjanyň Hazar deňiz gämiçiliginiň (ASCO) gämileri arkaly geçirildi, diýip Türkmenistanyň Ministrler Kabinetiniň ýanyndaky Ulag we Kommunikasiýalar agentliginiň resmi saýty habr berdi.

Türkmenistanyň Ilçisiniň Filippinler Respublikasyna iş sapary amala aşyryldy

Konsullyk meseleleri boýunça Türkmenistan bilen Ermenistan Respublikasynyň arasynda geňeşmeler geçirildi

Päkistan Türkmenistanyň üsti bilen Russiýa ilkinji ýük demirýol ugruny açýar

Päkistan Russiýa ilkinji ýük demirýol ugruny 22-nji iýunda açar, otly Lahordan ugrar, diýlip metbugat maslahatynda Pakistanyň demirýol ministri Muhammad Hanif Abbasi tarapyndan habar berildi.

Aşgabat Halkara howa menzili ýolagçylar üçin güýmenje çeşmesiniň işe girizilendigini habar berdi

Aşgabat Halkara howa menziliniň ýolagçylary içerki Wi-Fi ulgamy arkaly häzirki zaman maglumat we dynç alyş platformasyna girip bilerler. Bu barada Aşgabat halkara howa menzili habar berdi.

Türkmenistanyň Prezidenti Ak bugdaý etrabynda bugdaý oragyna badalga berdi

Türkmenistanyň Prezidenti Serdar Berdimuhamedow penşenbe güni Ahal welaýatynyň Ak bugdaý etrabyna iş saparyny amala aşyryp, welaýatyň çäklerinde galla oragynyň depgini bilen tanyşdy hem-de etrabyň Magtymguly daýhan birleşiginde bugdaý oragyna ak pata berdi. Bu barada Türkmenistanyň resmi metbugaty habar berdi.

Ýük daşaýyş ulgamy dekarbonizasiýa üçin uly maýa goýumlaryna taýýarlanýar

Global ýük daşaýyş pudagy üpjünçilik zynjyrlaryna, işewürlik modellerine, gämilere, portlara we işçi güýjüne täsir edip, “net-zero” öwrülişigi başdan geçirýär. Oktýabr aýynda kabul edilmegi üçin kesgitlenen nol ýangyç we zyňyndylar üçin IMO-nyň täze düzgünleri, alternatiw ýangyç önümçiligini giňeltmek we port infrastrukturasyny kämilleşdirmek ýaly dekarbonizasiýa üçin ep-esli maýa goýumlarynyň zerurdygyny nygtaýar. Bu "doly özgeriş" ekosistemada giň hyzmatdaşlygy talap edýär, diýip Halkara deňiz guramasynyň (IMO) resmi saýtynda habar berilýär.