Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň saýasynda ýurdumyz bedew bady bilen ösýär, özgerýär. “Pähim -paýhas ummany, Magtymguly Pyragy” ýylynda akyldar şahyrymyzyň 300 ýyllyk toýy uly dabara bilen bellenilýär. Magtymguly Pyragy türkmen nusgawy edebiýatynda özüniň ajaýyp eserleri bilen yz galdyran beýik şahsyýetdir. Onuň şygyrlary baý ene dilimizi beýgeldip, milli edebiýatymyzy täze belentlige çykarýar, türkmen jemgyýetiniň aýrylmaz sütünine öwrülen möhüm, syýasy durmuşy, ruhy we ynsanperwer pelsepewi garaýyşlary öňe sürýär. Ady bütin dünýä meşhur bolan şahyrymyzyň eserleri - düýpsiz umman, elýetmez hazynadyr. Ol adamzadyň akyl-parasat genji-hazynasyna ägirt goşant goşan beýik akyldardyr.

Magtymguly Pyragynyň döredijilik dünýäsi aňyrsyna göz ýetmeýän asman we düýbüne aralaşyp bolmaýan umman ýalydyr. ÝUNESKO-nyň ýerine ýetiriji geňeşiniň 2023-nji ýylyň maý aýynda geçirilen mejlisinde Magtymguly Pyragynyň golýazmalar toplumynyň bu guramanyň “Dünýäniň hakydasy” maksatnamasynyň halkara sanawyna girizilmegi, söz ussadynyň dünýäde belent sarpasynyň has-da, ýokarydygyna şaýatlyk edýär. Şeýle hem türkmen halkynyň beýik şahyry Magtymguly Pyragynyň doglan gününiň 300 ýyllygy 2024-2025-nji ýyllarda ÝUNESKO we bilelikde bellenip geçilýän şanly seneleriň sanawyna goşulmagy-da, buýsanjyňy goşalandyrýar. Bularyň hemmesi Magtymguly Pyragynyň belent sarpasynyň, şan–şöhratynyň has-da belentdigini görkezýär.

Akyldar şahyrymyz Magtymguly Pyragynyň arzuw eden zamanasynda Berkarar döwletiň täze eýýamynyň Galkynyşy döwründe şahyryň sarpasynyň belent tutulmagy, dürdäne setirleriniň çuňňur öwrenilmegi, eserleriň dünýä döwletlerinde wagyz edilmegi elbetde, bagtyýar halkymyzy buýsandyrýar. Çünki şahyryň şygyrlary bahasyna ýetip bolmajak terbiýe mekdebidir. Şahyryň ajaýyp öwüt-nesihatlary, gymmatly pikirleri täze türkmen jemgyýeti hem-de, biz ýaşlar üçin ruhy ýörelgedir. Şeýle ýörelgeleri ile ýaýýan, beýik şahsyýetlermiziň sarpasyny belent tutýan Gahryman Arkadagymyzyň, Arkadagly Gahryman Serdarymyzyň janlary sag ömürleri uzak bolsun!

Orazbagt Ataýewa Türkmenistanyň Daşary işler ministrliginiň Halkara gatnaşyklary institutynyň 1-nji ýyl talyby