Resmi web sahypasy
Ýakynda, Türkmenbaşy Halkara deňiz portunda “Azerbaýjandemirýollary” paýdarlar jemgyýetiniň başlygynyň geňeşçisi Aleksandr Oleýnigiň ýolbaşçylygyndaky iş toparynyň sapary amala aşyryldy.
Saparyň çäginde iki ýurduň arasynda ýük dolanşygyny artdyrmak, portlarda gämileriň kabul edilişine gözegçilik etmek, kabul etmegiň wagtyny azaltmak üçin çäreleri işläp düzmek, multimodal üstaşyr gatnawlary ösdürmek boýunça gepleşikler geçirildi. Saparyň dowamynda azerbaýjan wekiliýeti Türkmenbaşy Halkara deňiz portunyň, kuwwatlygy, infrastrukturasy we tehniki mümkinçilikleri bilen ýerinde tanyşdyryldy.
Amala aşyrylan sapar, Hazar deňzinde iki ýurduň arasynda hyzmatdaşlygy mundan beýläk-de pugtalandyrmagyň aýdyň subutnamasy boldy.
