Türkmenistan we Azerbaýjan migrasiýa hyzmatdaşlygyny ösdürmegi maslahatlaşdy

Aşgabat şäherinde iki ýurduň daşary syýasat edaralarynyň konsullyk gulluklarynyň ýolbaşçylarynyň derejesinde türkmen-azerbaýjan konsullyk meseleleri boýunça geňeşmeler geçirilip, iki döwletiň arasyndaky migrasiýa, hukuk we hukuk goraýjy ugurlardaky özara hyzmatdaşlyk meseleleri ara alnyp maslahatlaşyldy. Bu barada Türkmenistanyň Daşary işler ministrligi çarşenbe güni habar berdi.

Aşgabatda biodürlüligi gorap saklamak boýunça milli seminar geçirilýär

2026-njy ýylyň 2-nji sentýabrynda Aşgabatda BMG-niň Ösüş Maksatnamasynyň (BMGÖM) we Ählumumy ekologiýa gaznasynyň biodürlüligi gorap saklamak boýunça Milli strategiýany we Hereketleriň meýilnamalaryny täzelemek hem-de Biodürlülik hakynda BMG-niň Konwensiýasy boýunça Ýedinji milli hasabaty taýýarlamak boýunça Ählumumy taslamasynyň çäklerinde milli seminar geçirilýär.

Serdar Berdimuhamedow halkara şahadatnamalaryna mynasyp bolan täze ýokary okuw mekdepleriniň açylyşyna gatnaşdy

1-nji sentýabr — Bilimler we talyp ýaşlar güni Türkmenistanyň bilim ulgamy üçin uly ähmiýetli waka bilen tapawutlandy. Türkmenistanyň Prezidenti Serdar Berdimuhamedowyň gatnaşmagynda ýurduň iki sany ýokary okuw mekdebiniň — Aşgabatdaky Türkmen döwlet binagärlik-gurluşyk institutynyň (TDBGI) we Türkmenabatdaky Seýitnazar Seýdi adyndaky Türkmen döwlet mugallymçylyk institutynyň täze ýokary tehnologiýaly binalar toplumlarynyň dabaraly açylyşy geçirildi. Bu desgalaryň ulanmaga berilmegi döwletiň ylmy we bilimi dünýä derejesinde hil taýdan täze derejä çykarmak, ýokary hünärli işgärleri taýýarlamak we öňdebaryjy sanly ekoulgamlary ornaşdyrmak ugrunda alyp barýan syýasatyny görkezýär.

Aşgabatda Türkmenistanyň we Ýaponiýanyň Daşary işler ministrleriniň duşuşygy geçirildi

2026-njy ýylyň 30-njy awgustynda Türkmenistanyň Daşary işler ministrliginiň binasynda Türkmenistanyň Daşary işler ministri Raşid Meredowyň hem-de sapar bilen Aşgabada gelen Ýaponiýanyň Daşary işler ministri Tosimitsu Moteginiň ýolbaşçylygyndaky wekilleriň duşuşygy geçirildi.

Türkmenistanyň Prezidenti Türkiýäniň Türkmenistanda täze bellenilen ilçisini kabul etdi

Türkmenistanyň Prezidenti Serdar Berdimuhamedow Türkiýe Respublikasynyň Türkmenistanda täze bellenilen Adatdan daşary we Doly ygtyýarly ilçisi Şener Jebejini kabul etdi. Ilçi döwlet Baştutanyna ynanç hatyny gowşurdy. Bu barada Türkmenistanyň resmi metbugaty anna güni habar berdi.

Türkmenistanyň DIM-nde Birleşen Arap Emirlikleriniň Türkmenistandaky Ilçisi bilen duşuşyk geçirildi

2026-njy ýylyň 17-nji awgustynda Türkmenistanyň Daşary işler ministriniň orunbasary M.Bäşimowa Birleşen Arap Emirlikleriniň Türkmenistandaky Ilçisi Ahmed Al-Haý Hamad Hamis Al-Hameli bilen duşuşyk geçirdi.

«Hazar deňziniň ekoulgamyny goramak: sebit hyzmatdaşlygy we durnukly ösüş» atly ylmy-amaly maslahaty

Şu gün “Awaza” milli syýahatçylyk zolagynda Hazar deňziniň güni mynasybetli «Hazar deňziniň ekoulgamyny goramak: sebit hyzmatdaşlygy we durnukly ösüş» atly ylmy-amaly maslahaty öz işine başlady. Bu çäre mynasybetli Hormatly Prezidentimiz ylmy-amaly maslahata gatnaşyjylara gutlagyny ýollady. Ylmy-amaly maslahat Türkmenistanyň Daşary işler ministriniň, Daşky gurşawy goramak mnistriniň, Hazar deňzi institutynyň direktorynyň, halkara guramalaryň, diplomatik wekilhanalaryň wekilleriniň gatnaşmaklarynda geçirildi. Ylmy-amaly maslahatyň dowamynda Eýran Yslam Respublikasynyň Türkmenistandaky Ilçisi eden çykyşynda Eýranyň ýedinji Hazar Sammitini geçirmäge taýýardygy barada habar berdi.

Gurbanguly Berdimuhamedow Owganystana iş saparyny amala aşyrdy we Abdul Gani Baradar bilen gepleşikleri geçirdi.

10-njy awgustda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Mary welaýatyna iş saparyny amala aşyrdy we ol ýerden Tahtabazar etrabynyň Serhetabat şäheriniň Yslym-Çeşme serhet ýakasyndan Owganystana ugrady.

Türkmenistanda daşary ýurt raýatlaryny hasaba almagyň onlaýn ulgamy işlenip taýýarlanyldy

Daşary ýurt raýatlaryny bolýan ýerleri boýunça hasaba almak üçin Türkmenistanyň Döwlet migrasiýa gullugy “Onlaýn hasaba alyş ulgamyny” işläp taýýarlady. Bu barada Türkmenistanyň Döwlet migrasiýa gullugy penşenbe güni habar berdi.

“Magtymguly” gaz käninde 1,3 million kub metr gaz akymy alyndy

Hazar deňziniň türkmen bölegindäki “Magtymguly” gaz käniniň A8 belgili ulanyş guýusyndan bir gije-gündizde 1 million 300 müň kub metrden gowrak senagat ähmiýetli tebigy gaz akymy we 130 tonna golaý gaz kondensaty alyndy. Bu barada Türkmenistanyň resmi metbugaty duşenbe güni habar berdi.

Türkmen ilçisi JATA-nyň ýolbaşçysy bilen göni gatnawlary ýola goýmagy maslahatlaşdy

Türkmenistanyň Ýaponiýadaky Adatdan daşary we Doly ygtyýarly ilçisi Atadurdy Baýramow duşenbe güni Ýaponiýanyň Syýahatçylyk Agentlikleriniň Assosiasiýasynyň (JATA) täze saýlanan başlygy Ýuji Hara bilen duşuşyp, Türkmenistan bilen Ýaponiýanyň arasynda göni howa gatnawlaryny ýola goýmagyň meselelerini ara alyp maslahatlaşdy. Bu barada Türkmenistanyň Ýaponiýadaky ilçihanasy habar berdi.

«Deňizçi» futzal topary 15 ýyllygyny «Deňizçi» kubogy ugrundaky ýaryşda gazanan ýeňşi bilen dabaralandyrdy

«Garaşsyz, baky Bitarap Türkmenistan — bedew batly at-myradyň mekany» ýylynda, 2026-njy ýylyň 20–29-njy iýuly aralygynda Türkmenbaşy şäherinde Balkan welaýatynyň toparlarynyň arasynda futzal boýunça «Deňizçi» kubogy ugrundaky ýaryş geçirildi.

Hazar deňziniň türkmen böleginde nebit-gaz gazyp çykarýan platformalarda we beýleki dürli maksatly desgalarda (gurluşlarda) tehnogen heläkçilikleriň öňüni almak we olary ýok etmek boýunça toplumlaýyn türgenleşik okuwy

Türkmenistanyň Prezidentiniň 2025-nji ýylyň 28-nji dekabryndaky 1630 belgili karary bilen tassyklanan Türkmenistanyň Adatdan daşary ýagdaýlar baradaky döwlet toparynyň 2026-njy ýylyň iş meýilnamasyna laýyklykda, 2026-njy ýylyň    24-nji iýulynda Türkmenistanyň Deňiz we derýa ulaglary döwlet gullugy jogapkär ýerine ýetiriji hökmünde Hazar deňziniň türkmen böleginde nebit-gaz gazyp çykarýan platformalarda we beýleki dürli maksatly desgalarda (gurluşlarda) tehnogen heläkçilikleriň öňüni almak we olary ýok etmek boýunça toplumlaýyn türgenleşik okuwy geçirildi. Toplumlaýyn türgenleşik okuwynyň maksady:

ÝUNESKO-nyň işleri barada Türkmenistanyň milli toparynyň nobatdaky mejlisi geçirildi

Türkmenistanyň Hazar deňziniň meseleleri boýunça pudagara toparynyň nobatdaky mejlisi geçirildi

Türkmenistanyň Prezidenti Gruziýanyň Prezidenti bilen duşuşdy

Gruziýada döwlet saparynda bolýan Türkmenistanyň Prezidenti Serdar Berdimuhamedow Gruziýanyň Prezidenti Mihail Kawelaşwili bilen duşuşdy. Bu barada Gruziýanyň metbugat gulluklary habar berýär.

Türkmenistanyň Prezidenti ilkinji döwlet sapary bilen Gruziýa bardy

Türkmenistanyň Prezidenti Serdar Berdimuhamedow iki günlük ilkinji döwlet sapary bilen Gruziýa bardy. Bu barada «Türkmenistan» elektron gazeti habar berýär.

Türkmenbaşy Halkara deňiz portunda German wekilýeti bilen duşuşyk geçirildi

2026-njy ýylyň 15-nji iýulynda Türkmenbaşy Halkara deňiz portunyň edara binasynda Türkmenistanyň Deňiz we derýa ulaglary döwlet gullugynyň ýolbaşçy düzüminiň hem-de German ykdysadyýetiniň Gündogar komitetiniň wekilleriniň arasynda ikitaraplaýyn duşuşyk geçirildi. Iki ýurduň degişli düzümleriniň ygtyýarly wekilleriniň gatnaşmagynda geçirilen gepleşikleriň dowamynda taraplar Germaniýanyň öňdebaryjy kompaniýalary bilen ulag-logistika, innowasion tehnologiýalar we port düzümini döwrebaplaşdyrmak boýunça özara bähbitli hyzmatdaşlygy ýola goýmanyň we ösdürmegiň strategik ugurlaryny ara alyp maslahatlaşdylar.

Türkmenistan bilen Özbegistanyň arasynda hyzmatdaşlyk Maksatnamasyna gol çekildi

Aşgabat şäherinde Türkmenistanyň we Özbegistan Respublikasynyň daşary işler ministrleri Raşid Meredowyň we Bahtiýor Saidowyň ýolbaşçylygynda daşary syýasat edaralarynyň arasynda nobatdaky syýasy geňeşmeler geçirildi. Gepleşikleriň dowamynda taraplar iki ýurduň arasyndaky strategik hyzmatdaşlygy pugtalandyrmak, ikitaraplaýyn syýasy-diplomatik gatnaşyklary we parlamentara hem-de sebitara baglanyşyklary işjeňleşdirmek meselelerini ara alyp maslahatlaşdylar.

Türkmenistanyň wekiliýeti Nýu-Ýork şäherinde BMG-niň EKOSOS-yň howandarlygynda geçirilýän Ýokary derejeli syýasy foruma gatnaşýar