Duşuşygyň dowamynda Umumy ýygnaga gatnaşyjylar TMTM ugry boýunça ýük daşamalarynyň artandygyny belläp, TMTM ugry boýunça konteýner otlylaryndan ýük daşamaklygy gurnamakda bilelikdäki hereketler we jogapkärçilik barada çäreler babatynda Ylalaşyga we Hazar deňziniň portlarynyň arasynda (Aktau – Baku (Alýat)) halkara demir-deňiz ýollaryndan fider gämileriniň gatnaşmagynda konteýner daşamalary gurnamak baradaky Ylalaşyga gol çekdiler.

Assosiasiýanyň agzalary hökmünde şu kompaniýalar kabul edildi: Alport (Azerbaýjan), BMF Port Burgas (Bolgariýa), Semurg Invest (Gazagystan), LTG Cargo (Litwa), Global DTC Pte.Ltd (Singapur) we Eastcomtrans LLP (Gazagystan) . Şeýlelikde, Assosiasiýanyň agzalary 25 sany kompaniýa çenli artyp, 11 sany ýurt tarapyndan çykyş edildi.

2023-nji ýylyň 29-njy sentýabrynda Aktau portunyň 60 ýyllygy mynasybetli geçirilen baýramçylygyň çäginde Aktau şäherinde Trans-Hazar halkara ulag geçelgesi sebitiniň ýagdaýy ösýän we üýtgeýän meselelerine bagyşlanan, «ТMTM 2023: инновации и развитие в эпоху цифровизации» atly işewürlik-forumy geçirildi.

 Forumyň çäklerinde çykyş edenler we foruma gatnaşyjylar TMTM ugry boýunça iri infrastruktura taslamalaryny, ulag we logistika bazarynyň yzygiderli üýtgeýän şertlerinde öz wagtynda çäreleri görmek üçin strategiki kararlary we innowasion çemeleşmeleri ara alyp maslahatlaşdylar.