2024-nji 18-nji noýabrynda, Döwlet medeniýet merkeziniň Mukamlar köşgünde Özbegistanyň Medeniýet günleriniň açylyş dabarasy boldy. Dabara belli özbek sungat ussatlarynyň gatnaşmagynda guralan ajaýyp konsert bilen utgaşdy. Bu barada Türkmen habarlar portaly habar berýär.

Mukamlar köşgüniň eýwanynda sergi guraldy, bu ýerde özbek medeni mirasyny şöhlelendirýän el işleri, milli lybaslar we surat eserleri görkezildi.

Özbegistandan gelen wekiliýet üçin baý medeni maksatnama taýýarlanyldy. Şol gün myhmanlar Aşgabat şäheriniň gözel ýerlerine baryp gördüler we paýtagtymyzyň binagärlik keşbi bilen tanyşdylar. Geljekki günlerde türkmen kärdeşleri bilen döredijilik duşuşyklary we iki ýurduň sungat ussatlarynyň bilelikdäki çykyşlary guralar, bu bolsa iki döwletiň medeniýetiniň bitewüligini alamatlandyrýar.

Noýabr aýynyň 20-ne çenli dowam etjek Özbegistanyň Medeniýet günleriniň çäklerinde konsertler, sergiler we beýleki medeni çäreler guralar. Munuň özi ýaşaýjylara we myhmanlara özbek medeniýeti bilen has içgin tanyşmagyna mümkinçilik berer.