Türkiýäniň ýokary bilimler geňeşiniň başlygy Erol Özvar 21-23-nji maýda Türkmenistanyň bilim ministri Jumamyrat Gurbangeldiýewiň resmi çakylygy boýunça üç günlük iş saparynda boldy.

Özvar we Türkiýäniň ýokary bilimler geňeşine degişli delegasiýa, Türkmenistanyň ministrler kabinetiniň başlygynyň orunbasary Orazdurdyýewa we Türkmenistanyň bilim ministri Gurbangeldiýew bilen gepleşikler geçirildi.

Özvar saparynyň örän netijeli bolandygyny nygtap: “Türkiýe bilen Türkmenistanyň arasynda informatika, emeli intellekt, oba hojalygy, energiýa, inženerçilik ugurlary boýunça bilelikde akademiki bölümleri açmak boýunça işler alyp barmak ileri tutulýan ugurlardandyr. Uniwersitetleriň gözleg infrastrukturasyny berkitmek üçin maglumat we tejribe alyşmak üpjün ediler. Şu ýyldan başlap Türkiýe-Türkmenistan uniwersitetleri arasynda forumlar geçiriler. Hiliň barlagy we akkreditasiýa meselelerinde tejribe paýlaşylar. "diýip belledi.

“Atavatan Turkmenistan” resmi saýtynyň habarlaryna görä, Özvar, bilelikdäki iş komitetiniň ýygnaklarynda ylalaşylan meseleleri durmuşa geçirmek üçin şu ýyl gepleşiklere başlanjakdygyny aýtdy.