2025-nji ýyldaky Bütindünýä sergisi Ýaponiýanyň Osaka şäherinde işini dowam etdirýär we gatnaşyjy ýurtlaryň arasynda iň meşhur pawilionlaryň biri Türkmenistanyň Milli pawiliony boldy, diýip https://www.newscentralasia.net/ ýazýar.

Ýapon teleýaýlymy ABC tarapyndan geçirilen jemgyýetçilik pikir soralyşyklaryna görä, Türkmenistanyň pawiliony sergä gatnaşanlaryň arasynda abraýly üçünji orny eýeledi. Diňe bir günde, 31-nji maýda, EXPO-2025-e gelen 190,000 adamdan 24,000 adam, uly meşhurlyga eýe bolan türkmen pawilionyna baryp gördi.

Pawilion binasy täzelenmegi we durnukly ösüşi alamatlandyrýan tegelek üçburçluk görnüşinde bezelendir. Onuň üçegi türkmen halkynyň zenanlarynyň bezegi bolan "gulýaka" şekilini görkezýär we daşky bezegi Garagum çölüniň çägeleri, türkmen halysynyň keşpleri, Ahal-Teke atynyň şekili we ýurduň täsin tebigaty bilen şöhlelendirilýär. Gurluşykda ekologiýa taýdan arassa materiallar ulanyldy, bu bolsa Türkmenistanyň durnuklylyk ýörelgelerine ygrarlydygynyalamatlandyrýar.

Pawilionyň birinji gatyndaky sergi zaly myhmanlary Türkmenistanyň taryhy, medeniýeti, ykdysady ösüşi we tebigy baýlyklary bilen tanyşdyrýar.

Ikinji gatda, myhmanlar Arkadag akylly şäheriniň gazananlary, şeýle hem ýurduň ministrlikleriniň we pudak edaralarynyň tanyşyp bilerler. Türkmenistanyň dürli ekosistemalarynda ösýän dermanlyk ösümlikleriň özboluşlylygy we ähmiýeti aýratyn üns çekýär.

Üçünji gatda myhmanlar türkmenleriň milli aşhanasynyň tagamlaryny dadyp görüp, halkyň medeniýetine we däp-dessurlaryna ýugrulan milli bezegli çaýhana baryp bilerler.

EXPO-2025 sergisinde Türkmenistanyň milli pawiliony ýurduň durmuş-ykdysady ugurda, önümçilikde, medeniýetde, mirasda, telekeçilikde, hyzmatlarda, ylymda, bilimde, sportda we saglygy goraýyşda gazananlaryny giňişleýin görkezýär.