2026-njy ýylyň 15–16-njy aprelinde Astrahan şäherinde “Hazar sebitiniň ulag-logistikasy 2026” atly V Halkara forum geçiriler. Bu forum halkara Demirgazyk–Günorta ulag geçelgesi hem-de oňa ýanaşyk ugurlar boýunça ýük daşamalarynyň möhüm meselelerine bagyşlanar, diýip çäräniň guramaçylary habar berýärler.

Forumyň işewürlik maksatnamasy Hazar ulag-logistika düwüninde bitewi ulag-logistika giňişligini kemala getirmäge, ýük daşamalarynyň netijeliligini ýokarlandyrmaga, ugurlaryň infrastruktura taýdan taýýarlygyna hem-de 2026-njy ýylda Wolga derýasynda nawigasiýanyň üpjünçiligine gönükdirilendir.

Gün tertibine gümrük düzgünleşdirilmegi, resminama dolanyşygy hem-de serhetara maliýe hasaplaşyklary bilen baglanyşykly meseleler hem giriziler.

Forumyň işine portlaryň we terminallaryň, logistika we ulag kompaniýalarynyň, ýük eýeleriniň, ugurdaş birleşikleriň hem-de döwlet edaralarynyň wekilleri bolan 250-den gowrak gatnaşyjynyň gatnaşmagyna garaşylýar.

Forumyň guramaçysy hökmünde “VIVA KONSALT” kompaniýasy Afanasiý Nikitin birleşigi bilen bilelikde çykyş edýär. Çäre birnäçe pudaklaýyn birleşikleriň, şol sanda “Türkmen Logistika” birleşiginiň goldamagynda geçiriler.