Türkmenistanyň Prezidenti Serdar Berdimuhamedow bilen Russiýanyň Astrahan sebitiniň gubernatory Igor Babuşkiniň arasyndaky duşuşygy iki sebitiň arasyndaky gatnaşyklaryň ösmegine täze itergi berdi. Astrahan bilen Türkmenistanyň arasynda ykdysady we söwda gatnaşyklaryny giňeltmäge gönükdirilen esasy başlangyç hökmünde yzygiderli gämi gantaw ugurlaryny açmak bolup, şeýle hem deňizde ýük daşamagy artdyrmak we oba hojalyk önümlerini Astrahandan Türkmenistana eksport etmek mümkinçiligi bolup durýar.

Gubernator Babuşkin özara söwdany giňeltmegi, yzygiderli gämi gatnawyny ýola goýmaklygy we syýahatçylygy ösdürmekligi babatynda hyzmatdaşlygyň möhüm ugurlarynyň bolup durýandygyny aýratyn belläp geçdi. Şeýle hem, Astrahan sebitinde Türkmenistanyň logistika merkezini döretmek meselesi hem ara alnyp maslahatlaşyldy. Bu bolsa “Demirgazyk-Günorta” halkara ulag geçelgesini berkitmäge ýardam eder.

Duşuşygyň möhüm ugurlarynyň biri hem, Astrahan bilen Türkmenbaşynyň arasyndaky howa gatnawy babatyndaky gepleşikleri bolup, şeýle hem Türkmenistandaky “Awaza” milli syýahatçylyk zolagyna baryp görmek isleýän rus syýahatçylary üçin wiza düzgünini ýeňilleşdirmek boldy.

Mundan başga-da, Astrahan sebitiniň uniwersitetlerinde okaýan türkmen talyplarynyň sanynyň köpelmegi bellenilip, bilim ulgamyndaky hyzmatdaşlyk hem ara alnyp maslahatlaşyldy. Bu bolsa, sebitleriň arasynda bilim alyş-çalyşlarynyň ösmeginiň möhümdigini we medeni gatnaşyklarynyň çuňlaşdyrmagyna bolan islegi görkezýär.

Gubernator, Türkmenistanyň Prezidentine ikitaraplaýyn hyzmatdaşlygy ösdürmäge gyzyklanma bildirýändigi üçin çuňňur minnetdarlyk bildirip, Türkmenistanyň diňe bir strategiki hyzmatdaş bolman, eýsem Astrahan üçin ýakyn, ygtybarly dostluk gatnaşyklary bardygyny aýratyn belläp geçdi.