Ilkinji gämileriniň gurluşygyna başlan «Balkan» gämi gurluşyk we abatlaýyş zawodynyň mümkinçilikleri «New Silk Way» VI halkara ulag we logistika işewürlik forumyna gatnaşyjylaryň arasynda uly gyzyklanma döredendigi barada diýip, “Orient” internet habarlar çeşmesi habar berýär. Bu işewürlik forumy Gazagystanyň paýtagt şäheri Astanada geçirilýär.

Ministrler Kabinetiniň ýanyndaky Ulag we kommunikasiýalar agentliginiň Baş direktorynyň orunbasary Batyr Annaýew, öz çykyşynda ýurdumyzda durmuşa geçirilýän gämi gurluşyk taslamalaryny barada belläp, foruma gatnaşýan wekillleriň aýratyn ünsüni çekdi.

Batyr Annaýew ýurdumyzyň öndürjek birinji gämisini bir ýarym ýylda guruljakdygyny we soňra her iki aýda indiki gämileriň gurulmagy meýilleşdirilýändigi barada aýdyp geçdi. Gämileriň 6100 tonna deň bolan göterijilik ukyby bolup,  Hazar deňziniň häzirki wagtdaky suw derejesiniň göz öňünde tutulyp guruljakdygyny belledi.

Türkmenistanyň Ulag we kommunikasiýalar agentliginiň wekili türkmen gämi gurluşykçylarynyň täze gämileri gurmak baradaky sargytlarynyň kabul etmäge taýýardyklaryny habar berdi. Bu teklip öz gezeginde gatnaşyjylarda gyzyklanma döretdi.

Bu babatynda forumyň çäginde «Казмортрансфлот» kompaniýasy bilen ikitaraplaýyn duşuşygy geçirildi. Gazagystanyň milli deňiz daşaýjysy «Balkan» gämi gurluşyk we abatlaýyş zawodynda gämilerini abatlamaga gyzyklanma bildirdi. Bu babatynda, türkmen tarapy bilen degişli gepleşikleriniň geçirilmegi ara alyp maslahatlaşyldy.