2023-nji ýylyň 19-njy oktýabrynda “Türkmendeňizderýaýollary” agentliginiň we onuň garamagyndaky edara-kärhanalaryň, işgärleriniň, hünärmenleriniň gatnaşmaklarynda «Balkan» gämi gurluşyk we abatlaýyş zawody» paýdarlar jemgiýetiniň mejlisler zalynda “Sanly ulgamlar we elektron resminama dolanşygy ulgamy” atly amaly okuw maslahaty geçirildi.

Agentligiň Sanly tehnologiýalar we maglumat howpsuzlygy bölüminiň başlygy M.Amandurdyýewa “Türkmenistanda 2019-2025-nji ýyllarda sanly ykdysadyýeti ösdürmegiň Konsepsiýasynyň” 1-nji tapgyry boýunça alnyp barylýan işler (web-saýtlar, wideo-gözegçilik ulgamy, serwerler,awtomatlaşdyrylan bellige alyş ulgamy, tor we internet ulgamy,) hem-de Türkmenistanyň Prezidentiniň Karary bilen tassyklanan “Türkmenistanyň döwlet maglumat  ulgamlaryndaky maglumaty goramak hakyndaky” Düzgünnamasynyň talaplarynyň ýerine ýetirilişi barada çykyş etdi. Şeýle hem elektron resminama dolanşygy ulgamy ulanylanda ulanjylar tarapyndan berjaý edilmeli düzgünler bilen tanyşdyryldy. Maslahata gatnaşyjylar elektron resminama dolanşygy boýunça sorag-jogap, pikir alyşdylar. Bu amaly okuw maslahat elektron resminama dolanşygyny alyp barmakda işgärleriň iş tejribelerini has-da baýlaşdyrmaga ýardam berdi.

Maslahata  gatnaşyjylar Hormatly Prezidentimize berk jan saglyk, uzak ömür, her bir tutýan tutumly işlerinde rowaçlyk arzuw etdiler.