Berkarar döwletiň täze eýýamynyň Galkynyşy döwründe sanly ulgamy hemmetaraplaýyn ösdürmäge aýratyn ähmiýet berilýär. Hormatly Prezidentimiziň parasatly baştutanlygynda milli ykdysadyýetimizde uly üstünlikler gazanylýar. Ýurdumyzyň ykdysadyýetini mundan beýläk hem ösdürmekde we döwrebaplaşdyrmakda sanly ulgamyň hem aýratyn orny bardyr. «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasynyň» wezipeleriniň yzygiderli durmuşa geçirilmegi ýurdumyzyň mundan beýläk-de ösmegine, işewürlik we maýa goýum işjeňliginiň artmagyna, dolandyryşyň öňdebaryjy usullarynyň ornaşdyrylmagyna ýardam berýär.

2024-nji ýylyň ýanwar aýynyň 18-ne “Türkmendeňizderýaýollary” agentliginde sanly-maglumat ulgamlaryny, programma üpjünçiliklerini doly we dogry ulanmak hem-de olaryň maglumat howpsuzlygy we kiberhowpsuzlygyna garşy göreşmegi üpjün etmek boýunça “Türkmendeňizderýaýollary” agentliginiň işgärlerine Agentligiň Sanly tehnologiýalar we maglumat howpsuzlygy bölümi tarapyndan okuw-sapagy geçirildi.   Okuw-sapagynyň dowamynda maglumatlary goramagyň usullary we görnüşleri, maglumat howpsuzlyk we kiberhowpsuzlyk düzgünleri, zyýan beriji programma üpjünçilikleri we olary ýaýratmagyň öňüni almak, kiberhowpsulzygy üpjün etmegiň çözgütleri barada düşündiriş işleri geçirildi.Şeýle hem, edarada gurnalan awtomatlaşdyrylan bellige alyş ulgamy, elektron resminama dolanyşygy ulgamy, web-saýtda maglumatlary täzelemek, lokal tory, Internet tory we elektron poçta ulgamy we beýleki sanly ulgamlaryň düzgünleri barada aýdylyp geçildi.