2024-nji ýylyň 4-nji sentýabrynda Arkadag şäheri Koreýa Respublikasynyň Koýan şäherinde geçirilen akylly şäherleriň «World Smart City Expo 2024» sergisinde üç sany baýrak bilen sylaglandy.Dürli ugurlarda tapawutlanan ýerli we daşary ýurt şäherleri, şeýle hem kompaniýalary ýokary sylaglara eýe boldular. Arkadag akylly şäheriniň çärede ilkinji sylaglanan gatnaşyjy bolandygy bellärliklidir.Türkmen tarapyna aşakdaky baýraklar: Diňe Arkadag şäherine gowşurylan «akylly şäher» ulgamyndaky belent üstünlikler üçin (Smart City Excellence Award) sylagy, şeýle hem «Daşary ýurt «akylly şäheri» (Foreign city award) we ««World Smart City Expo 2024» Bütindünýä «akylly şäherleriň» sergisine goşan goşandy üçin» ýaly ugurlardaky baýraklar gowşuryldy.Sylag gowşurylyş dabarasynda türkmen wekiliýetiniň başlygy, Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow hoşallyk sözi bilen çykyş etdi.D.Orazow koreý tarapynyň Bütindünýä sergisini ýokary guramaçylyk derejesinde geçirendigini, «World Smart City Expo 2024» sergisinde hödürlenen akylly şäher tehnologiýalarynyň we ulgamlarynyň häzirki zaman standartlaryna laýyk gelýän iň ösen çemeleşmeleri şöhlelendirýändigini belledi.Bu babatda, akylly şäheriniň sergisine gatnaşan Arkadag şäheriniň üstünlikleri ýokary baha mynasyp boldy. Gowşurylan baýraklar üçin minnetdarlyk bildirip, türkmen wekiliýetiniň başlygy olaryň Türkmenistanyň Prezidenti Serdar Berdimuhamedowyň we Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň ýolbaşçylygynda milli şähergurluşyk pudagynda gazanylan üstünlikleriň ykrarnamasy bolandygyny aýtdy.Koreýa Respublikasynyň sebitlerinden başga-da, «2024 World Smart City Expo 2024» Bütindünýä sergisine Türkmenistan, Hytaý Halk Respublikasynyň, Ýaponiýanyň, Malaýziýanyň, Taýland Patyşalygynyň, Wýetnam Sosialistik Respublikasynyň, Daniýa Patyşalygynyň, Finlýandiýanyň, Ysraýyl döwletiniň we, şol sanda ýerli we daşary ýurt kompaniýalarynyň gatnaşandygyny bellemelidiris.60-dan gowrak ýurduň wekilleriniň, şol sanda ministrleriň we häkimleriň derejesinde gatnaşylan sergide jemi 116 pawilýon görkezildi.