Amirabad portunyň baş müdiri Muhammet Ali Musapur, Eýran senenamasynyň ilkinji dokuz aýynda Eýranyň demirgazygyndaky Amirabad portundaky ýük dolanyşygynyň üç million tonnadan gowrakdygyny aýtdy.

Häzirki wagtda portda ýüklemek we düşürmek işleri geçen ýylyň degişli döwri bilen deňeşdirilende 47% ýokarlandy diýip, Eýranyň habar beriş agentligi "Mehr News"-a salgylanyp, "Каспийский вестник" maglumat we seljeriş portaly  habar berdi.

Ýylyň ahyryna (2024-nji ýylyň 20-nji marty) galla önümlerini saklamak üçin gurlan infrastrukturanyň esasynda harytlary ýüklemek we düşürmek boýunça täze rekord goýulmagyna garaşylýar diýip Mohammad Ali Musapur aýtdy.

Onuň aýtmagyna görä, häzirki wagtda Hazar deňzinde deňiz söwdasynyň 59% göterimi Amirabad portuna eýe bolup durýar. Musapur, bunkerleriň we ýapyk ammar desgalarynyň gurluşygyna hususy pudagyň goýýan maýa goýumlary, şeýle hem Amirabad portunyň Demirgazyk-Günorta halkara ulag geçelgesinde amatly ýerleşmegi sebäpli porta haryt importynyň ep-esli artandygyny aýtdy.

Eýran çeşmeleriniň belleýşi ýaly, Eýran porty bilen Mahaçkala portunyň arasynda ýaşyl gümrük geçelgesi döredilenden soň Amirabaddan önümleriň eksportynyň artmagyna garaşylýar.