Türkmenistan milli pul birligi   manadyň dolanşyga girizilmeginiň 31 ýyllygyny belleýär.

Bu pursatdan peýdalanyp, Türkmenistanyň Prezidenti Serdar Berdimuhamedow ýurduň raýatlaryny milli pul birliginiň - türkmen manadynyň girizilmeginiň 31 ýyllygy bilen gutlady. Türkmenistanyň resmi metbugaty bu barada habar berdi.

"Milli manadyň dolanyşyga girizilmegi ykdysadyýetimiziň sazlaşykly ösmegi, kadaly pul dolanyşygynyň we ýeke-täk döwlet pul-karz syýasatynyň netijeli alnyp barylmagy üçin zerur bolan amatly şertleri döretdi"  diýip döwlet baştutany belledi.

Mundan başga-da, milli pul birliginiň girizilmeginiň 31 ýyllygy mynasybetli Türkmenistanda “Türkmen manaty ýurduň durnukly ösüşiniň nyşanydyr” atly ylmy we amaly konferensiýa geçiriler.

1993-nji ýylyň 1-nji noýabrynda milli pul birligi-manat Türkmenistanda dolanyşyga girizildi we 2009-njy ýylyň 1-nji ýanwarynda denominirlenen manadyň teňňeleri we banknotlary dolanyşyga berildi.