Lebap we Mary welaýatlarynda täze awtotürgenleşik meýdançalary açyldy

Türkmenistanyň Lebap we Mary welaýatlarynda “Türkmenawtoulaglary” agentliginiň buýrmasy esasynda gurlan täze awtotürgenleşik meýdançalarynyň açylyş dabaralary geçirildi. Döwrebap okuw toplumlary sanly tehnologiýalar bilen enjamlaşdyrylyp, sürüjileri taýýarlamak derejesini ýokarlandyrmaga gönükdirilendir. Bu barada sişenbe güni neşir edilen "Neýtralnyý Turkmenistan" gazetinde habar berildi.

Türkmenistanyň Prezidenti Serdar Berdimuhamedow Arkadag şäheriniň ýaşaýjylaryny gutlady

Türkmenistanyň Prezidenti Serdar Berdimuhamedow ýurduň taryhynda ýeke-täk “akylly” şäher bolan Arkadag şäheriniň açylmagynyň iki ýyllygy bilen onuň ýaşaýjylaryny tüýs ýürekden gutlady. Bu barada Türkmenistanyň resmi metbugaty ýekşenbe güni habar berdi.

Gurbanguly Berdimuhamedow bilen Şawkat Mirziýoýew telefon arkaly söhbetdeşlik geçirdiler

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýekşenbe güni Özbegistan Respublikasynyň Prezidenti Şawkat Mirziýoýew bilen telefon arkaly söhbetdeşlik geçirdi. Bu barada Türkmenistanyň resmi metbugaty habar berdi

Türkmenistanyň gümrük gullugynyň ýolbaşçysy Brýusselde BGG-niň Baş sekretary bilen duşuşdy

2025-nji ýylyň 26-njy iýunynda Türkmenistanyň Döwlet gümrük gullugynyň ýolbaşçysy Maksat Hudaýkulyýew Brýussel şäherinde geçirilýän Bütindünýä gümrük guramasynyň (BGG) 145-nji we 146-njy mejlisleriniň çäklerinde BGG-niň Baş sekretary Ýan Sonders bilen duşuşyk geçirdi. Duşuşyga Türkmenistanyň Belgiýadaky ilçisi Sapar Palwanow hem gatnaşdy. Bu barada Türkmenistanyň Belgiýadaky ilçihanasy habar berýär.

Türkmenistanyň wekiliýeti Samarkant şäherinde geçirilen BMG-niň Döwlet gullugy meseleleri boýunça halkara forumyna gatnaşdy

2025-nji ýylyň iýun aýynyň 23-25-i aralygynda Samarkant şäherinde BMG-niň Döwlet gullugy meseleleri boýunça halkara forumy geçirildi. Foruma Türkmenistanyň Prezidentiniň ýanyndaky Döwlet gullugy akademiýasynyň rektory A.Annamyradowyň ýolbaşçylygyndaky Türkmenistanyň wekiliýeti gatnaşdy.

Stambulda Türkmenistanyň eksport harytlarynyň sergisi geçiriler

Türkmenistanyň eksport harytlarynyň sergisi 2025-nji ýylyň 2-5-nji iýuly aralygynda Türkiýäniň Stambul şäherinde geçiriler. Sergi Türkmenistanyň hökümetiniň hem-de degişli döwlet we hususy pudaklarynyň bilelikde guramagynda geçiriler.

Türkmenistanyň Prezidenti Russiýa Federasiýasynyň daşary işler ministrini kabul etdi

25-nji iýunda hormatly Prezidentimiz Serdar Berdimuhamedow ýurdumyza resmi sapar bilen gelen Russiýa Federasiýasynyň daşary işler ministri Sergeý Lawrowy kabul etdi.

Türkmenistanyň DIM-de Türkmenistan bilen Aziýa ösüş bankynyň arasyndaky hyzmatdaşlygyň 25 ýyllygyna bagyşlanan tegelek stol maslahaty geçirildi

2025-nji ýylyň 24-nji iýunynda Türkmenistanyň DIM-iň binasynda Türkmenistan bilen Aziýa ösüş bankynyň arasyndaky hyzmatdaşlygynyň 25 ýyllygyna bagyşlanan tegelek stol maslahaty geçirildi.

Gazagystan şu ýyl Türkmenistan bilen serhedindäki Temir Baba barlag nokadyny kämilleşdirer

2025-nji ýylyň ahyryna çenli Gazagystan Türkmenistan bilen serhetdäki Temir Baba ýaly bäş awtoulag barlag nokadyny döwrebaplaşdyrar. Bu barada Gazagystanyň Maliýe ministrliginiň Döwlet girdeji komitetiniň başlygynyň orunbasary Bakythan Slýamow metbugat ýygnagynda mälim etdi.

Gazagystan Türkmenistana ýük daşamagy artdyrmagy meýilleşdirýär

Gazagystanyň hökümeti Türkmenistan hökümeti bilen ulag, logistika we üstaşyr pudagyndaky strategiki hyzmatdaşlyk baradaky Ylalaşygy tassyklamak baradaky kanunyň taslamasyny taýýarlady.

BMG-niň Ženewadaky edarasynyň ýanyndaky Türkmenistanyň Hemişelik wekilhanasy “Bitaraplygyň halkara ölçegi” atly halkara çäre geçirdi

Türkmenistan we ÝB sebit howpsuzlygy hem-de Owganystanyň ösüşi bilen bagly meseleleri ara alyp maslahatlaşdylar

Sankt-Peterburgda Ykdysady hyzmatdaşlyk boýunça hökümetara türkmen-rus toparynyň bilelikdäki başlyklarynyň duşuşygy geçirildi

Sankt-Peterburg halkara ykdysady forumynyň çäklerinde Ykdysady hyzmatdaşlyk boýunça hökümetara türkmen-rus toparynyň bilelikdäki başlyklary – Türkmenistanyň Ministrler Kabinetiniň Başlygynyň orunbasary Nökerguly Atagulyýew bilen Russiýa Federasiýasynyň Hökümetiniň Başlygynyň orunbasary Marat Husnulliniň duşuşygy geçirildi.

Azerbaýjan bilen Türkmenistan Hazar deňzindäki portlar arkaly logistika hyzmatdaşlygyny güýçlendirýär

2025-nji ýylyň 18-nji iýunynda Türkmenistanyň Azerbaýjan Respublikasyndaky Ilçihanasynyň we Azerbaýjanyň Halkara gatnaşyklary boýunça seljeriş merkeziniň bilelikde guramagynda 2025-nji ýylyň Halkara parahatçylyk we ynanyşmak ýyly diýlip yglan edilmegi we Türkmenistanyň hemişelik Bitaraplygynyň 30 ýyllygy mynasybetli “Türkmenistanyň we Azerbaýjanyň köpugurly hyzmatdaşlygy: gazanylan üstünlikler we geljekki mümkinçilikler” atly halkara ylmy-amaly simpozium geçirildi.

Szinhua şäherinden ilkinji ýük otlusy Türkmenistandan üstaşar geçer

Hytaýyň Çžeszýan welaýatynyň Szinhua şäherinden ugran ilkinji ýük otlusy 2025-nji ýylyň 20-nji iýunynda Türkmenistanyň Türkmenbaşy portuna tarap ýola düşdi. Bu waka Transhazar halkara ulag geçelgesiniň täze böleginiň resmi taýdan açylandygyny alamatlandyrýar.

Brýussel şäherinde Türkmenistan bilen ÝB-niň arasynda adam hukuklary boýunça nobatdaky dialog geçirildi

2025-nji ýylyň 17-nji iýunynda Brýussel şäherinde Türkmenistan bilen Ýewropa Bileleşiginiň arasynda adam hukuklary boýunça dialogyň 17-nji mejlisi geçirildi. Mehanizmiň çäginde adam hukuklary babatynda hereketleriň milli meýilnamalarynyň durmuşa geçirilmegini, hukugyň hökmürowanlygyny berkitmegi, gender deňligini üpjün etmegi we halkara düzümlerde hyzmatdaşlygy öz içine meseleleriň giň toplumy boýunça pikir alyşmalar geçirildi. DIM-iň resmi saýty habar berýär.

Türkmenistan bilen Gondurasyň arasynda diplomatik gatnaşyklar ýola goýuldy

Türkmenistan bilen Gonduras Respublikasy 2025-nji ýylyň 12-nji iýunynda Nýu-Ýork şäherinde ýerleşýän Türkmenistanyň BMG-niň ýanyndaky Hemişelik wekilhanasynda geçirilen dabaraly gol çekişlikden soň resmi taýdan diplomatik gatnaşyklary ýola goýdular. Bu barada diplomatik wekilhananyň habarlar gullugy habar berdi.

Hytaý bilen Merkezi Aziýanyñ arasyndaky söwda dolanyşygy 2025-nji ýylyñ ýanwar-maý aýlarynda iñ ýokary görkezijilerine ýetdi

2025-nji ýylyñ ýanwar-maý aýlarynda Hytaý bilen Merkezi Aziýanyñ bäş ýurdunyñ (Gazagystan, Gyrgyzystan, Täjigistan, Türkmenistan we Özbegistan) arasyndaky söwdanyñ möçberi geçen ýylyñ şol bir döwri bilen deñeşdirilende, 10,4 % artyp, 286,42 mlrd ýuana (39,91 mlrd $ golaý) ýetdi. Bu barada Hytaýyñ Baş gümrük müdiriýeti habar berýär.

Türkmenbaşy Halkara deňiz portunyň we Päkistan Yslam Respublikasynyň portlarynyň wekilleri hyzmatdaşlygy giňeltmek hakynda maslahatlaşdylar

2025-nji ýylyň 17-njy iýunynda Türkmenbaşy Halkara deňiz portunyň wekilleri bilen Päkistan Yslam Respublikasynyň Gwadar hem-de Karaçi portlarynyň wekilleriniň arasynda porty dolandyrmak we işletmek boýunça tejribe alyşmak babatynda hyzmatdaşlyk bilen bagly meseleleri ara alyp maslahatlaşmak üçin wideoaragatnaşyk arkaly gepleşik geçirildi.

Türkmenistanyň Prezidenti Astanada Hytaýyň Başlygy Si Szinpin bilen duşuşdy

2025-nji ýylyň 17-nji iýunynda Türkmenistanyň Prezidenti Serdar Berdimuhamedow “Merkezi Aziýa — Hytaý” sammitine gatnaşmak üçin Gazagystanyň paýtagty Astana şäherine amala aşyran iş saparynyň çäklerinde Hytaý Halk Respublikasynyň Başlygy Si Szinpin bilen duşuşyk geçirdi. Bu barada Türkmenistanyň resmi metbugaty habar berýär.