Resmi web sahypasy
English Русский
«TÜRKMENDEŇIZDERÝAÝOLLARY»
AGENTLIGI

23:02

02 6 2025
Habarlar
RSS
17 Ýan 2025
Türkmenistan TDG-niň elektron rugsat ulgamyna goşular

Türkmenistan Türki Döwletleriň Guramasynyň (TDG) elektron rugsat beriş ulgamyna gatnaşyjy bolmaga taýynlanýar, bu bolsa türki döwletleriň arasyndaky sebit integrasiýasynyň çuňlaşmagyna goşant goşar. Bu barada TDG-niň Baş sekretary Kubanyçbek Omuraliýew guramanyň agza ýurtlarynyň gümrük gullugynyň ýolbaşçylarynyň 10-njy mejlisinde aýtdy diýip, https://tca.gov.tm/ habar berdi.

16 Ýan 2025
Türkmenistanda döwlet emläginiň kärendesine berilmeginiň düzgünleri üýtgedi

Türkmenistanyň Maliýe we ykdysadyýet ministrligi döwlet emläginiň kärendesine berilmeginiň şertnamalaryny bellige almagyň Tertibine möhüm üýtgetmeleri girizdi. Indi şertnamalary bellige almak, olara üýtgetmeleri girizmek we möhletini uzaltmak döwlet edaralaryndan we kärhanalaryndan başga ähli kärendeçiler üçin tölegli esasda amala aşyrylar.

16 Ýan 2025
Aşgabatda «Halkara parahatçylyk we ynanyşmak ýyly: Türkmenistanyň halkara jemgyýetçiligi bilen hyzmatdaşlygy» atly maslahat geçirildi

2025-nji ýylyň 15-nji ýanwarynda Türkmenistanyň Daşary işler ministrliginiň Halkara gatnaşyklary institutynda «Halkara parahatçylyk we ynanyşmak ýyly: Türkmenistanyň halkara jemgyýetçiligi bilen hyzmatdaşlygy» atly dabaraly maslahat geçirildi.

15 Ýan 2025
Türkmen-eýran serhedinde ulag gatnawyny ösdürmek boýunça gepleşikler geçirildi

Türkmen-eýran serhedindäki Artyk gözegçilik-geçiriş ýerinde iki ýurduň arasynda ulag hyzmatdaşlygyny giňeltmäge gönükdirilen Artyk (Türkmenistan) we Lotfabad (Eýran) serhet geçelgeleriniň ýolbaşçylarynyň üçünji duşuşygy geçirildi – diýip Türkmenistanyň Ministrler Kabinetiniň ýanyndaky Ulag we kommunikasiýalar agentliginiň resmi sahypasynda habar berilýär.

15 Ýan 2025
Türkmen gümrükçileri BAE-li kärdeşleri bilen ulag serişdelerini barlamakda tejribe alyşdylar

Türkmenistanyň Döwlet gümrük gullugynyň wekiliýeti 2025-nji ýylyň 6 – 8-nji ýanwarynda Dubaý şäherine bolan iş saparynyň çäklerinde Birleşen Arap Emirlikleriniň “Jebel Ali” portunda ulag serişdeleriniň innowasion radioişjeň ulgamlar arkaly barlagdan geçirilişi bilen tanyşdylar.

14 Ýan 2025
Türkmenistan "Aquatech Amsterdam 2025" halkara ýarmarkasyna gatnaşmaga çagyryldy

Türkmenistanyň Gazagystandaky ilçisi Batyr Rejepow we Niderlandlaryň Astanadaky ilçisi Nikolaas Ýakob Şermers duşuşyk geçirdiler. Duşuşykda iki taraplaýyn hyzmatdaşlygy ösdürmegiň geljegi ara alnyp maslahatlaşyldy diýip, türkmen diplomatik wekilhanasynyň metbugat gullugy habar berdi.

13 Ýan 2025
«Türkmenawtoulaglary» agentligi Hytaýdan 700 sany täze awtobuslary satyn alar

Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentligine 700 sany «Yutong ZK6128HG» kysymly awtobusy satyn almak barada Hytaý Halk Respublikasynyň «Yutong Bus Сo.,Ltd.» kompaniýasy bilen şertnama baglaşmaga ygtyýar berildi. Prezident Serdar Berdimuhamedow 10-njy ýanwarda geçirilen Hökümet mejlisiniň barşynda degişli Karara gol çekdi. Bu barada "Watan" habarlar gepleşiginde habar berildi.

13 Ýan 2025
Yslamabatda geçirilen seminarda Türkmenistanyň sebitde we dünýäde ulag we energiýa pudagyndaky hyzmatdaşlygy ösdürmekde işjeň roly barada habar berildi

2025-nji ýylyň 9-njy ýanwarynda Türkmenistanyň Päkistandaky ilçihanasy Strategiki Ylmy-gözleg we Derňew Instituty (ISSRA) tarapyndan Milli Logistika Korporasiýasy (NLC) bilen bilelikde gurnalan “Sebitleýin söwda we özara arabaglanyşyk: täze gözýetimleri we mümkinçilikleri açmak” atly halkara seminara gatnaşdy. Bu barada  Türkmenistanyň habarlar portaly resmi saýtynda habar berilýär.

11 Ýan 2025
Türkmenistan 2025-nji ýyldaky iri halkara sergileri we forumlary mälim etdi

Türkmenistan 2025-nji ýylda ýokary derejeli halkara forumlary we sergileri guramak işini dowam eder. Türkmenistanyň Söwda-senagat edarasy ykdysadyýetden başlap, ylym we tehnologiýa ulgamlaryna çenli dürli ugurlary öz içine alýan giň gerimli maksatnama bilen tanyşdyrdy.

10 Ýan 2025
Türkmenistanyň raýatlaryna Malaýziýada 90 güne çenli wizasyz bolmaga rugsat berilýär

2024-nji ýylda 2 müňden gowrak Türkmenistanyň raýaty Malaýziýa syýahat etdi. Bu barada resmi türkmen metbugatyny habar berilýär.

09 Ýan 2025
Türkmenistanyň Eýran Yslam Respublikasyndaky Ilçisi ynanç hatlaryny gowşurdy

2025-nji ýylyň 7-nji ýanwarynda Türkmenistanyň Eýran Yslam Respublikasyndaky Adatdan daşary we Doly ygtyýarly Ilçisi Ylýas Gaýypow Eýran Yslam Respublikasynyň Prezidenti Masud Pezeşkiana ynanç hatlaryny gowşurdy.

08 Ýan 2025
Halkara parahatçylyk we ynanyşmak ýylynda ilkinji gäminiň «Keel Laying» dabarasy geçirildi

“Balkan gämi gurluşyk we abatlaýyş zawodynyň" esasy işi deňiz desgalaryny abatlamak we gurmakdan ybarat bolup durýar. Hormatly Prezidentimiziň taýsyz tagallalary bilen, ýurdumyzy ykdysady taýdan ösdürmek, ulag toplumynyň gerimini we mümkinçiligini giňeltmek, hususanda deňiz we derýa ulaglarynyň kuwwatlygyny ýokarlandyrmak, şeýle-de,  gämi gurluşyk pudagyny ösdürmek boýunça edýän tagallalary bilen iki sany gury ýük gämileriniň bilelikde gurulmak işi güýçli depginde dowam edip dur.

08 Ýan 2025
Türkmenistan Saud ösüş gaznasy bilen hyzmatdaşlygy pugtalandyrýar

2025-nji ýylyň 7-nji ýanwarynda Türkmenistanyň daşary işler ministri Saud ösüş gaznasynyň Baş ýerine ýetiriji direktory Sultan Al-Marşadyň ýolbaşçylygyndaky wekiliýetiň agzalary bilen duşuşdy. Türkmenistanyň DIM-inde geçirilen duşuşygyň dowamynda maliýe ulgamyndaky hyzmatdaşlygyň özara gyzyklanma bildirilýän meseleleri ara alnyp maslahatlaşyldy hem-de gatnaşyklary ösdürmegiň mümkinçiliklerine garaldy.

07 Ýan 2025
Türkmenistanda çäreleri ýokary derejede guramak boýunça döwlet topary döredildi

Türkmenistanyň Prezidenti Serdar Berdimuhamedow Ministrler Kabinetiniň geçirilen nobatdaky mejlisinde 2025-nji ýylyň «Halkara parahatçylyk we ynanyşmak ýyly» diýlip yglan edilmegi we Türkmenistanyň hemişelik Bitaraplygynyň 30 ýyllygy mynasybetli çäreleri ýokary derejede geçirmek boýunça guramaçylyk döwlet toparyny döretmek hakynda Permana gol çekdi. Bu barada Türkmenistanyň resmi metbugaty habar berýär.

07 Ýan 2025
Türkmenistanyň Bilim ministrligi daşary ýurt hukuk diplomlaryny ykrar etmegiň tertibini täzeledi

Türkmenistanyň bilim ministriniň 2024-nji ýylyň 9-njy dekabrynda çykaran 392 belgili buýrugy bilen (Bilim ministriniň 2019-njy ýylyň 29-njy martynda çykaran 80 belgili buýrugy bilen tassyklanan) daşary ýurt döwletlerinde berlen ýokary we orta hünär bilimi hakyndaky resminamalary Türkmenistanda ykrar etmegiň Tertibini ulanmak boýunça Gözükdirijä üýtgetmeler we goşmaça girizildi.

03 Ýan 2025
Özbegistan Türkmenistandan gelen ýük ulaglary üçin giriş töleglerini ýokarlandyrdy

2025-nji ýyl üçin Özbegistanyň döwlet býujeti baradaky kanunyna laýyklykda, hökümet respublikanyň çägine daşary ýurt ýük ulaglarynyň girmegi üçin töleg nyrhlaryny täzeden gözden geçirdi. Bu barada Türkmenistanyň Ministrler Kabinetiniň ýanyndaky Ulag we kommunikasiýalar agentliginiň resmi saýty  habar berýär.

02 Ýan 2025
Hytaýda awtoulaglar üçin dünýäde iň uzyn ötügiň gurluşygy tamamlandy

Hytaýyň demirgazyk-günbataryndaky Sinzýan awtonom etrabynda dünýäde iň ýokary tizlikli «Týanşan Şenli» awtoulag ýol ötüginiň gurluşygy tamamlandy. Bu barada «Sinhua» habarlar gullugy habar berýär.

01 Ýan 2025
Türkmenistan 2025-nji ýyly uly ynam bilen garşylady

Türkmenistanda Täze 2025-nji ýyly garşylamak üçin baýramçylyk dabaralary giňden ýaýbaňlandyryldy. Bezelen arçalar we çagalaryň gatnaşmagy söýgüli baýramçylyga aýratyn öwüşgün çaýdy.

31 Dek 2024
Türkmenistanyň Prezidenti Täze ýyl mynasybetli baýramçylyk dabaralaryna gatnaşdy

Türkmenistanyň Prezidenti Serdar Berdimuhamedow Täze ýyl baýramçylygy mynasybetli Aşgabatdaky "Älem" medeni-dynç alyş merkeziniň öňündäki meýdançada, ýurduň Baş arçasynyň ýanynda guralan dabaralara gatnaşdy. Bu barada "Watan" habarlar gepleşiginde habar berildi.

30 Dek 2024
Türkmenistan 2025-nji ýyly “Halkara parahatçylyk we ynanyşmak ýyly” diýip atlandyrdy

Türkmenistanyň Mejlisi tarapyndan geljek ýyly “Halkara parahatçylyk we ynanyşmak ýyly” diýip yglan etmek hakynda kararyň taslamasy taýýarlanyldy. Bu barada Mejlisiň Başlygy Dünýägözel Gulmanowa Ministrler Kabinetiniň we Döwlet howpsuzlyk geňeşiniň giňişleýin mejlisiniň barşynda maglumat berdi diýip, Türkmenistanyň resmi metbugaty habar berýär.