Resmi web sahypasy
English Русский
Türkmenistanyň Deňiz we derýa ulaglary döwlet gullugy

03:55

23 10 2025
Habarlar
RSS
12 Noý 2024
Türkmenistan “ITTC-2024” forumyny geçirmäge taýýarlyk görýär

Türkmenistan 2024-nji ýylyň 26-27-nji noýabrynda ulag we üstaşyr geçelgeleri boýunça III halkara maslahaty we sergini geçirmäge taýýarlyk görýär. Bu barada Türkmenistanyň resmi metbugaty habar berýär.

11 Noý 2024
Aşgabatda Merkezi Aziýada raýatsyzlygyň soňuna çykmak boýunça sebit maslahaty geçirildi

Anna güni Türkmenistanyň paýtagty Aşgabatda Merkezi Aziýada raýatsyzlygyň soňuna çykmak boýunça ministrler derejesinde sebitleýin maslahat  geçirildi. Onda sebit ýurtlarynyň wekilleri degişli ugurda bilelikdäki çäreleri ara alyp maslahatlaşdylar. “Ýyldyz’ myhmanhanasynda geçirilen çärä Türkmenistanyň Daşary işler ministrliginiň, Döwlet migrasiýa gullugynyň wekilleri, Merkezi Aziýa ýurtlarynyň, halkara bilermenleri we köpçülikleýin habar beriş serişdeleri wekilleri gatnaşdylar. Bu barada Biznes Türkmenistan resmi saýty habar berilýär.

08 Noý 2024
Abu-Dabide Türkmenistanyň söwda, maýa goýum, işewürlik mümkinçilikleri boýunça forum başlandy

Birleşen Arap Emirlikleriniň paýtagty Abu-Dabide “Türkmenistanda söwda, maýa goýum we işewürlik mümkinçilikleri” atly forum öz işine başlady. Ol döwlet we işewür düzümleriň wekillerini bir ýere jemledi. Bu barada Biznes Türkmenistan resmi saýty habar berilýär.

07 Noý 2024
Türkmenistanyň DIM-nde Ýewropanyň täzeleniş we ösüş banky bilen hyzmatdaşlygy berkitmek meseleleri ara alnyp maslahatlaşyldy

2024-nji ýylyň 6-njy noýabrynda Türkmenistanyň DIM-nde Daşary işler ministri bilen Ýewropanyň täzeleniş we ösüş bankynyň Türkmenistandaky wekilhanasynyň ýolbaşçysynyň arasynda duşuşyk geçirildi. Duşuşygyň dowamynda Türkmenistan bilen Ýewropanyň täzeleniş we ösüş bankynyň arasyndaky hyzmatdaşlygyň häzirki ýagdaýy we ony giňeltmegiň geljegi ara alnyp maslahatlaşyldy. Bu barada Türkmenistan habarlar portaly resmi saýtynda habar berilýär.

07 Noý 2024
Berlinde Ykdysady hyzmatdaşlyk boýunça bilelikdäki türkmen-german iş toparynyň mejlisi geçirildi

5-nji noýabrda Berlinde Ykdysady hyzmatdaşlyk boýunça bilelikdäki türkmen-german iş toparynyň mejlisi geçirildi. Türkmenistanyň habarlar portaly resmi saýtynda berilýän habara görä, mejlis iki bölümden ybarat bolup, onuň birinji bölüminde Türkmenistanyň we Germaniýanyň ykdysady mümkinçilikleri, ikitaraplaýyn söwda-ykdysady gatnaşyklaryň häzirki ýagdaýy hem-de ony ösdürmegiň dürli ugurlary ara alnyp maslahatlaşyldy.

06 Noý 2024
Türkmenistan bilen Lihtenşteýn diplomatik gatnaşyklary ýola goýdy

Türkmenistan bilen Lihtenşteýn Knýazlygy Nýu-Ýork şäherinde Bilelikdäki Beýannama gol çekmek bilen diplomatik gatnaşyklary resmi taýdan ýola goýdular. Taryhy ähmiýetli bu dabara Türkmenistanyň Birleşen Milletler Guramasynyň ýanyndaky hemişelik wekilhanasynda geçirildi. Bu barada “Biznes Türkmenistan” resmi saýty habar berdi.

05 Noý 2024
«Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forumynyň Jemleýji resminamasy BMG-niň resminamasy hökmünde çap edildi.

2024-nji ýylyň 11-nji oktýabrynda Aşgabat şäherinde geçirilen Magtymguly Pyragynyň doglan gününiň 300 ýyllygyna bagyşlanan «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forumynyň Jemleýji resminamasy Birleşen Milletler Guramasynyň Baş Assambleýasynyň 79-njy sessiýasynyň resminamasy hökmünde BMG-niň alty resmi dilinde çap edildi. Bu barada TDH-nyň gullugy  habar berýär.

04 Noý 2024
Ikinji gün «CIET 2024»: Durnukly ösüş, innowasiýalar we halkara hyzmatdaşlyk

Aşgabatda «Türkmenistanyň gurluşygy, senagaty we energetikasy» CIET 2024 atly halkara konferensiýasy we sergisi dowam edýär. Çäre öňdebaryjy hünärmenleri, döwlet we hususy kompaniýalaryň wekillerini, maýa goýumçylary we giňişleýin seljerme hem-de öňdebaryjy tejribe alyşmak üçin hünärmenleri jemledi.

01 Noý 2024
Türkmen manady 31 ýaşady

Türkmenistan milli pul birligi   manadyň dolanşyga girizilmeginiň 31 ýyllygyny belleýär.

31 Okt 2024
Türkmenistanyň Prezidenti Monako Knýazlygyna Türkmenistanyň täze ilçisini belledi

Türkmenistanyň Prezidenti Serdar Berdimuhamedow 31-nji oktýabrda Türkmenistanyň Fransiýa Respublikasyndaky Adatdan daşary we Doly ygtyýarly ilçisi Maksat Esenowiç Çaryýew, şol bir wagtda, Türkmenistanyň Monako Knýazlygyndaky Adatdan daşary we Doly ygtyýarly ilçisi (oturýan ýeri Pariž şäheri) wezipesine bellemek baradaky Permana gol çekdi. Bu barada TDH habar berýär.

30 Okt 2024
Türkmenistan bilen Ýewropa Bileleşiginiň arasyndaky hyzmatdaşlygyň häzirki zaman meseleleri ara alnyp maslahatlaşyldy

2024-nji ýylyň 29-njy oktýabrynda Türkmenistanyň DIM-nde Daşary işler ministriniň orunbasary bilen Ýewropa Bileleşiginiň Türkmenistandaky Ilçisi arasynda duşuşyk geçirildi. Bu barada TDH habar berýär.

29 Okt 2024
“Belavia” Minsk bilen Türkmenbaşynyň arasynda ýolagçy howa gatnawlarynyň sanyny artdyrýar

Belarusuň “Belavia” awiakompaniýasy Minsk bilen Türkmenbaşy şäherleriniň arasyndaky uçuşlaryň ýygylygyny artdyrýar. Bu barada BT metbugat gullugynda  habar berilýär.

29 Okt 2024
Aşgabat halkara ulag geçelegeleri boýunça meseleleriň maslahatlaşylýan merkezi bolar

Aşgabat şäheri 2024-nji ýylyň 26-27-nji noýabrynda Türkmenistanyň Söwda-senagat edarasynyň (TSSE) binasynda geçiriljek “Halkara ulag-üstaşyr geçelgeleri: özara arabaglanyşyk we ösüş-2024” atly maslahatda we sergide halkara ulag geçelgeleriniň möhüm meseleleri maslahatlaşylýan merkezi bolar. 

28 Okt 2024
Türkmenistanda türkmen Alabaýynyň baýramy bellenildi

Türkmenistanda her ýyl 27-nji oktýabrda türkmen alabaýynyň günini baýram etmek däbe öwrüldi - bu ýurduň milli medeniýetiniň we buýsanjynyň nyşanydyr. Bu baýram, tohum arassalygy saklamagyň wajyplygyny, alabaýlary halkara meýdançasynda giňden tanatmak we türkmen alabaýlaryny kemala getirmek däbini ähli taraplaýyn ösdürmek ähmiýetini görkezýär.

28 Okt 2024
BMG “Merkezi Aziýa—parahatçylyk, ynanyşmak we hyzmatdaşlyk zolagy” Kararnamany tassyklady

Birleşen Milletler Guramasynyň Baş Assambleýasynyň 79-njy sessiýasynyň 25-nji plenar mejlisinde Türkmenistanyň başlangyjy bilen “Merkezi Aziýa — parahatçylyk, ynanyşmak we hyzmatdaşlyk zolagy” atly Kararnama biragyzdan kabul edildi. BMG agza ýurtlaryň köpüsi we sebitdäki hemme ýurtlar bu resminamanyň awtordaşy bolup çykyş etdi. Bu barada Türkmenistanyň resmi metbugaty habar berýär.

25 Okt 2024
Türkmenistan bilen Türkiýe sürüjiler üçin wiza ýygymlary azaltmagy maslahatlaşdylar

Türkiýäniň Halkara awtomobil ýük daşaýjylar birleşigi (UND) bilen “Türkmenistanyň Ulag-logistika merkezi” açyk görnüşli paýdarlar jemgyýetiniň arasynda yzygiderli geçirilýän gepleşikleriň çäklerinde, Türkmenistan we Türkiýe sürüjiler üçin wiza ýygymlaryny azaltmagy maslahatlaşdylar. Bu barada business.com.tm neşiri habar berýär.

24 Okt 2024
Hazar deňzi meseleleri boýunça ýokary derejeli iş toparynyň X ýygnagy Türkmenistanda geçiriler

22-23-nji oktýabrda Astana şäherinde Hazar deňzi meseleleri boýunça ýokary derejeli iş toparynyň IX ýygnagy geçirildi. Daşary işler ministrleriniň orunbasarlarynyň, hazarýaka döwletleriniň doly ygtyýarly wekilleriniň derejesinde geçirilen bu ýygnaga Azerbaýjanyň, Eýranyň, Gazagystanyň, Russiýanyň we Türkmenistanyň wekiliýetleri gatnaşdylar.Bu barada http//turkmenistaninfo.gov.tm neşiri habar berýär.

23 Okt 2024
Aşgabatda «OGT 2024» 29-njy Halkara konferensiýasy we «Türkmenistanyň nebiti we gazy – OGT 2024» sergisi açyldy

Aşgabatda «Türkmengaz» we «Türkmennebit» döwlet konsernleri tarapyndan, Türkmenistanyň Söwda-senagat edarasy hem-de «Türkmengeologiýa» döwlet korporasiýasy bilen hyzmatdaşlykda gurnalan «OGT 2024» 29-njy Halkara konferensiýasy we «Türkmenistanyň nebiti we gazy – OGT 2024» sergisi açyldy.

22 Okt 2024
“Daewoo E&C” Türkmenistanda mineral dökünleri öndürýän zawod gurar

“Daewoo Engineering & Construction” (Daewoo E&C) kompaniýasy “Türkmenhimiýa” döwlet konserniniň mineral dökünleri öndürýän zawody gurmak baradaky tenderine esasy gatnaşyjy hökmünde saýlanyp alyndy. Bu barada “Business Korea” neşiri duşenbe güni habar berdi. 

21 Okt 2024
Astrahandaky Hazar deňiz we derýa ulaglary institutynda Magtymguly Pyragynyň 300 ýyllygyna bagyşlanan aýdym-sazly edebi agşam geçirildi

2024-nji ýylyň 17-nji oktýabrynda Astrahandaky General-admiral F.M.Apraksin adyndaky Hazar deňiz we derýa ulaglary institutynda beýik türkmen şahyry we akyldary Magtymguly Pyragynyň doglan gününiň 300 ýyllygyna bagyşlanan aýdym-sazly edebi agşam geçirildi.