Resmi web sahypasy
English Русский
«TÜRKMENDEŇIZDERÝAÝOLLARY»
AGENTLIGI

1:27

17 Iýun 2025
Habarlar
RSS
17 Iýl 2024
Gazagystan türkmen gazynyň Hytaýa geçirilýän mukdaryny artdyrar

2024-nji ýylda Gazagystan türkmen hem-de özbek gazynyň Hytaýa geçýän mukdaryny 37,1 milliard kub metre çenli artdyrar. Munuň özi tebigy gazyň bu ýerden geçýän böleginiň 1,5 milliard kub metre çenli artdyryljakdygyny görkezýär. Bu barada 16-njy iýulda geçirilen Hökümetiň mejlisinde gaz pudagynyň ýeten sepgitleri hakynda çykyş eden Gazagystanyň energetika ministri Almasad Satkaliýewiň belländigini «NewsCentralAsia» habar berýär.

17 Iýl 2024
Gazagystanyň täze ilçisi Aşgabatda diplomatik işine başlady

16-njy iýulda Türkmenistanyň daşary işler ministri Raşid Meredow Gazagystan Respublikasynyň Türkmenistanda täze bellenilen ilçisi Nurlan Nogaýew bilen duşuşdy. Ilçi özüniň ynanç hatynyň nusgalaryny gowşurdy.

16 Iýl 2024
«Türkmenistan-BMG» Strategik maslahat beriş geňeşiniň 2-nji mejlisi geçirildi

Sişenbe güni, 16-njy iýulda Aşgabatda "Türkmenistan-BMG" Strategik maslahat beriş geňeşiniň ikinji ýygnagy geçirildi. Daşary işler ministrliginiň binasynda geçirilen mejlisiň gün tertibinde BMG-niň Baş Sekretarynyň Türkmenistana amala aşyran saparynyň netijelerine seredildi, şeýle hem BMG-niň Baş Assambleýasynyň “2025-nji ýyl, Halkara parahatçylyk we ynanyşmak" ýyly atly Karanamasyny durmuşa geçirmek boýunça ýurtda we daşary ýurtlarda meýilleşdirilýän çäreleriň Meýilnamasy ara alnyp maslahatlaşyldy.

16 Iýl 2024
Halkbank sanly karz we göni aragatnaşyksyz töleg ulgamlaryny ornaşdyrdy

Türkmenistanyň «Halkbank» paýdarlar täjirçilik banky täze «Sanly karz» ulgamyny işläp düzdi we ornaşdyrdy. Innowasiýa hyzmaty raýatlaryň karz almakda sanly ulgamy ulanmak arkaly artykmaçlyklary döretmek ýaly internet arkaly uzakdaky müşderi hyzmatyny üpjün edýär.

16 Iýl 2024
Daşkentde Türkmen-Özbek işewürlik geňeşiniň dördünji mejlisi geçirildi

  15-nji iýulda Daşkent şäherinde Türkmen-Özbek işewürlik geňeşiniň dördünji mejlisi geçirildi.  

15 Iýl 2024
Dalaşgär-2024 Dalaşgär-2024: saglygy goraýyş barlagyny nirede geçmeli?

Türkmenistanyň ýokary we orta hünär okuw mekdeplerine 2024-nji ýylda okuwa girmäge isleg bildirýänleriň saglygy goraýyş barlaglary 2024-nji ­ýylyň ­15-nji­ iýuly­ — ­19-njy ­awgusty­ aralygynda­ welaýatlaryň,­ Aşgabat­ we­ Arkadag­ şäherleriniň­ şu­ aşakdaky ­bejeriş-öňüni­ alyş­ edaralarynda­ geçiriler.

15 Iýl 2024
Birža söwdalarynda geleşikleriň 19-sy hasaba alyndy

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 19-sy hasaba alyndy. Bu barada TDH habar berdi.

15 Iýl 2024
Serdar Berdimuhamedow Emmanuel Makrony Fransiýanyň milli baýramy bilen gutlady

Prezident Serdar Berdimuhamedow Fransiýa Respublikasynyň Prezidenti Emmanuel Makrona we ýurduň ähli halkyna Fransiýa Respublikasynyň milli baýramy — Bastiliýanyň eýelenen güni mynasybetli mähirli gutlaglaryny, iň gowy arzuwlaryny iberdi.

14 Iýl 2024
Arkadag şäherindäki çagalar sagaldyş-dikeldiş merkezinde bejergi alýan çagalara sowgatlar gowşuryldy

Arkadag şäherindäki Gurbanguly Berdimuhamedow adyndaky çagalar sagaldyş-dikeldiş merkezinde bejergi alýan we saglyklaryny dikeldýän çagalara edermen gallaçylaryň gazanan ajaýyp zähmet ýeňşi mynasybetli Türkmenistanyň Prezidentiniň we Halk Maslahatynyň Başlygynyň adyndan ýörite sowgatlar gowşuryldy.

14 Iýl 2024
Türkmenistan Bütindünýä intellektual eýeçilik guramasynyň 65-nji mejlisine gatnaşýar

Türkmenistanyň Maliýe we ykdysadyýet ministrliginiň Intellektual eýeçilik boýunça döwlet gullugynyň başlygynyň ýolbaşçylygyndaky Türkmenistanyň wekiliýeti Bütindünýä intellektual eýeçilik guramasyna (WIPO) agza ýurtlaryň Assambleýasynyň 65-nji mejlisine gatnaşýar. Mejlis 9-17-nji iýul aralygynda Ženewada geçirilýär.

13 Iýl 2024
Türkmenistan boýunça iň pes aýlyk zähmet hakynyň we pensiýanyň möçberi bellenildi

2025-nji ýylyň 1-nji ýanwaryndan Türkmenistan boýunça iň pes aýlyk zähmet haky 1410 manat möçberde bellenildi. Degişli Permana Prezident Serdar Berdimuhamedow 12-nji iýulda Ministrler Kabinetiniň giňişleýin mejlisinde gol çekdi.

13 Iýl 2024
6 aýda Türkmenistanda 454,7 müň inedördül metre barabar bolan ýaşaýyş jaýlary ulanmaga berildi

Türkmenistanyň welaýatlarynda, şäherlerinde we etraplarynda meýdany 454,7 müň inedördül metre barabar bolan ýaşaýyş jaýlary ulanmaga berildi. Şeýle hem senagat desgalarynyň, çagalar baglarynyň, mekdepleriň we beýleki desgalaryň gurluşygy meýilnama esasynda alnyp barylýar. Bu barada Prezident Serdar Berdimuhamedow 12-nji iýulda giňişleýin Hökümet mejlisinde çykyşynda belledi.

13 Iýl 2024
2024-nji ýylda Türkmenistanda 1 million 400 müň tonnadan gowrak bugdaý hasyly ýygnaldy

Türkmenistanda 1 million 400 müň tonnadan gowrak bugdaý hasyly öndürilip, welaýatlar boýunça bu ugurda bellenen şertnamalaýyn borçnamalar üstünlikli berjaý edildi. Bu barada anna güni geçirilen giňişleýin Hökümet mejlisinde welaýatlaryň häkimleri habar berdiler.

12 Iýl 2024
Türkmenistanda gümrük edaralaryna ulag serişdeleri we harytlar barada deslapky maglumaty bermek mümkinçiligi döredildi

2024-nji ýylyň iýul aýyndan başlap, daşary ykdysady işine gatnaşyjylar we ulag-logistika kompaniýalary üçin Türkmenistanyň gümrük çägine getirilmegi göz öňünde tutulýan ulag serişdeleri we harytlar barada elektron görnüşde deslapky maglumatlary bermek mümkinçiligi döredildi. Bu barada Türkmenistanyň Döwlet gümrük gullugynyň resmi saýtynda habar berilýär.

12 Iýl 2024
Mary welaýatynyň gallaçylarynyň zähmet ýeňşi

Mary welaýatynyň gallaçylary Watan harmanyna 345 müň tonnadan gowrak bugdaý hasylyny tabşyryp, şertnamalaýyn borçnamalaryny üstünlikli ýerine ýetirdiler. Ýokary öndürijilikli oba hojalyk tehnikalarynyň gije-gündiz işledilmegi netijeli galla oragynyň ýokary depginde alnyp barylmagyna ýardam berdi. Bu zähmet ýeňşi döwlet Baştutanymyzyň ýurdumyzda oba hojalyk pudagyny ösdürmek babatda edýän yzygiderli aladalarynyň, ekerançylaryň mynasyp zähmet çekmekleri üçin döredilýän şertleriň aýdyň netijesidir.

12 Iýl 2024
Türkmenistanyň Gyzyl Ýarymaý Milli jemgyýeti bilen BMG-niň Ilat gaznasynyň arasynda Ähtnama gol çekildi

Şu gün Aşgabadyň «Ýyldyz» myhmanhanasynda her ýylyň 11-nji iýulynda bellenilýän halkara baýram – Bütindünýä ilat güni mynasybetli 2024-nji ýyl boýunça bütindünýä ilat hasabatynyň tanyşdyrylyş çäresi geçirildi. Bu barada «Watan» habarlar gepleşiginde habar berildi.

11 Iýl 2024
Kasym-Žomart Tokaýew Gazagystanyň Türkmenistandaky täze ilçisini kabul etdi

Gazagystan Respublikasynyň Prezidenti Kasym-Žomart Tokaýew ýurduň Türkmenistandaky täze bellenilen ilçisi Nurlan Nogaýewi kabul etdi. Bu hakda Türkmenistan Habarlar Portaly habar berýär.

11 Iýl 2024
Türkmenistanyň taryhy ýadygärlikleri «World Heritage Journey» onlaýn-platformasyna ýerleşdirildi

Halkara «World Heritage Journey» onlaýn-platformasynda «Ýewropanyň Merkezi Aziýadaky medeni miras ýylynyň halkara taraplary» atly maksatnama boýunça Ýüpek ýoly barada ýörite bölüm döredildi.  Bu maksatnama Ýewropa Bileleşigi tarapyndan maliýeleşdirilýär we Almatydaky ÝUNESKO-nyň Sebitleýin edarasy tarapyndan 2018-nji ýyldan bäri durmuşa geçirilýär.

11 Iýl 2024
Türkmenistanyň Mejlisiniň nobatdaky maslahatynyň senesi yglan edildi

Türkmenistanyň Mejlisiniň ýedinji çagyrylyşynyň altynjy maslahaty 2024-nji ýylyň 13-nji iýulynda sagat 10:00-da Türkmenistanyň Mejlisiniň binasynda geçirilýär.

10 Iýl 2024
Türkmenistanyň wekilleri Aktauda geçiriljek ilkinji Demirgazyk-Günorta forumyna gatnaşarlar

Türkmenistanyň wekilleri 19-20-nji iýulda Aktauda geçiriljek Demirgazyk-Günorta ulag söwda-eksport forumyna gatnaşarlar.