Resmi web sahypasy
English Русский
Türkmenistanyň Deňiz we derýa ulaglary döwlet gullugy

02:39

09 5 2026
Habarlar
RSS
22 Mar 2024
Türkmenistan bilen Özbegistanyň arasyndaky söwda dolanyşygy $185 milliona golaýlady

Türkmenistan bilen Özbegistanyň arasyndaky söwda dolanyşygynyň möçberi 2024-nji ýylyň ýanwar-fewral aýlarynda 184,6 million ABŞ dollaryna deň boldy. Bu barada Özbegistanyň Statistika baradaky döwlet komitetiniň şenbe güni çap eden hasabatynda maglumat berildi.

22 Mar 2024
Tatarystanyň ilkinji Prezidenti Türkmenistanyň Prezidentini türk halklarynyň gadymy baýramy — Nowruz bilen gutlady

Russiýa Federasiýasynyň Tatarystan Respublikasynyň ilkinji Prezidenti Mintimer Şaýmiýew Türkmenistanyň Prezidenti Serdar Berdimuhamedowy türk halklarynyň gadymy baýramy — Nowruz baýramy bilen gutlady.

21 Mar 2024
Halk Maslahatynyň Başlygy Türkmenistanyň Prezidentine baýramçylyk gutlagyny iberdi

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Prezident Serdar Berdimuhamedowa Milli bahar baýramy — Halkara Nowruz güni mynasybetli gutlag iberdi. "Türkmenistan" gazetinde çap edilen gutlagynda Halk Maslahatynyň Başlygy şeýle belleýär:

21 Mar 2024
Ulag hyzmatdaşlygy boýunça türkmen-italýan gepleşikleri geçirildi

20-nji martda Türkmen wekiliýetiniň Rime amala aşyran saparynyň dowamynda Türkmenistanyň Daşary işler ministri R.Meredow we Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory M. Çakyýew bilen Wise-premýer, Italiýanyň infrastruktura we ulag ministri Matteo Salwininiň arasynda duşuşyk geçirildi. Duşuşyga Italiýanyň ulag pudagynyň esasy bölümleriniň wekilleri hem gatnaşdylar.

21 Mar 2024
Türkmenistan Halkara Nowruz gününi belleýär

Türkmenistan Milli bahar baýramy - Halkara Nowruz gününi giňden belleýär. Bu baýramçylyk mynasybetli esasy dabaralar sişenbe güni Ahal welaýatynyň Ak bugdaý etrabyndaky “Nowruz ýaýlasynda” ýaýbaňlandyryldy. Bu barada Türkmenistanyň resmi metbugaty penşenbe güni habar berdi. 

20 Mar 2024
Arkadag şäherinde Nowruz baýramy ilkinji gezek bellenýär

Milli bahar baýramy – täzeden jana gelýän tebigatyň ýene bir tapgyryny we esasy adamzat gymmatlyklarynyň nusgasy bolan Halkara Nowruz güni özboluşly milli däp-dessurlara laýyklykda, Türkmenistanyň ähli künjeginde dürli dabaralar bilen bellenýär. Bu ýyl ömre-ömür goşýan Milli bahar baýramy täze Arkadag şäherinde ilkinji gezek bellenýär.

20 Mar 2024
Gazagystanda awtoulagly daşamalara rugsatnama almagyň täze düzgünleri işlenilip taýýarlanyldy

Gazagystanda awtoulagly halkara daşamalara rugsatnama almagyň täze düzgünleri işlenilip taýýarlanyldy, diýip Zakon.kz. internet-neşiri habar berýär.

20 Mar 2024
Türkmenistanyň Prezidenti Serdar Berdimuhamedowyň wezipä girişen güni mynasybetli baýramçylyk konserti

Hormatly Prezidentimiz Serdar Berdimuhamedowyň iň ýokary döwlet wezipesine girişmegine iki ýyl dolýar. Türkmen halkynyň durmuşynda möhüm waka bolan Türkmenistanyň Prezidentiniň wezipä girişmek dabarasy Garaşsyz, hemişelik Bitarap Watanymyzyň taryhynda täze sahypany açyp, ýurdumyzda asyrlaryň dowamynda kemala gelen halk häkimiýetliliginiň özboluşly däpleri bolan demokratik özgertmeleriň üýtgewsiz dowam etdirilýändigini görkezdi.

20 Mar 2024
Aşgabatda Halkara Nowruz güni mynasybetli ýörite awtobus gatnawy hereket eder

2024-nji ýylyň 21-22-nji martynda Ahal welaýatynyň Ak bugdaý etrabynyň Nowruz ýaýlasynda geçiriljek «Milli bahar baýramy — Halkara Nowruz güni» mynasybetli baýramçylyk günlerinde 72-lik «Awtokombinat — Türkmeniň Ak öýi» ugry ýola goýulýar. Awtobus gatnawy 2024-nji ýylyň 21-nji martyndan başlap hereket eder. Bu barada agentligiň resmi saýtynda habar berildi.

19 Mar 2024
«Türkmenistan» awiakompaniýasy Aşgabat — Moskwa gatnawlarynyň ýygylygyny artdyrar

«Türkmenistan» awiakompaniýasy 2024-nji ýylyň ýaz-tomus meýilnamasyna laýyklykda, Aşgabat bilen Moskwanyň arasyndaky uçuşlaryň ýygylygyny artdyrar. Bu barada Russiýadaky «Türkmenistan» awiakompaniýasynyň baş agentiniň web sahypasynda habar berildi.

19 Mar 2024
Türkmenistan we ÝB hyzmatdaşlyk hakyndaky Ylalaşygyň Teswirnamasyna gol çekdiler

Türkmenistan we Ýewropa Bileleşigi hyzmatdaşlyk hakyndaky Ylalaşygyň Teswirnamasyna gol çekdiler. Bu barada Türkmenistanyň DIM-i sişenbe güni habar berdi.

19 Mar 2024
“Türkmendeňizderýaýollary” agentliginde “Arhiw we arhiw işi” boýunça amaly okuw sapagy geçirildi

2024-nji ýylyň 18-nji martynda Balkan welaýatynyň döwlet arhiwiniň hem-de “Türkmendeňizderýaýollary” agentliginiň we onuň garamagyndaky edara-kärhanalaryň işgärleriniň gatnaşmaklarynda agentligiň mejlisler zalynda “Arhiw we arhiw işi” boýunça amaly okuw sapagy geçirildi.

19 Mar 2024
Gazagystanda awtoulagda ýük daşamak üçin rugsatnamalary almagyň täze düzgünleri işlenip taýýarlanyldy

«Zakon.kz» habarlar gullugynyň maglumatlary Ulag ministrliginiň Gazagystan Respublikasynda ýol ulaglary üçin ygtyýarnama ulgamyny halkara düzgünlerinde ulanmak boýunça üýtgeşmeleri girizýändigini tassyklaýar.

19 Mar 2024
«WindWing» atly innowasion ýelken gämileriň her gün 12 tonna ýangyjy tygşytlamagyna kömek eder

Geçen ýylyň awgustynda «WindWing» innowasion ýelkenleri bilen enjamlaşdyrylan ägirt uly, beýikligi 10 gata ýetýän ýük gämisi — «Pyxis Ocean» Hytaýdan Braziliýa tarap ýola düşdi. Alty hepdelik ilkinji syýahatdan soň ýene birnäçe deňiz gatnawy amala aşyryldy we gämi ugurlarynyny seljeren «Cargill» kompaniýasy ýakynda bu syýahatyň netijelerini paýlaşdy. Şeýlelikde, «WindWing» gämisiniň ýelkenleri bar bolan gämilerden zyňyndylary azaltmagyň geljegi uly usuly hökmünde görünýär.

18 Mar 2024
Bahar dynç alyşlaryňyzy Awaza milli syýahatçylyk zolagyndaky «DEŇIZ» myhmanhanasynda geçiriň

Ýaz pasly bu dynç almak we syýahat etmek üçin ajaýyp döwürdir. Eger-de dynç alyşyňyzy gowy geçirmek işleseňiz, onda Awaza milli syýahatçylyk zolagynyň merkezinde ýerleşýän «DEŇIZ» myhmanhanasyna geliň. Bu, Hazar deňziniň çägeli kenarlarynyň, ýaşyl seýilgähleriniň we häzirki zaman infrastrukturasynyň gözelliklerinden lezzet alyp boljak ajaýyp ýerdir.

18 Mar 2024
«Magtymguly sözlär tili türkmeniň» atly maslahaty

«Türkmendeňizderýaýollary» agentligi we Türkmenistanyň Demokratik partiýasynyň Balkan welaýat komiteti we Türkmenbaşy şäher komiteti bilen bilelikde «Magtymguly sözlär tili türkmeniň» ady bilen maslahat geçirildi.

18 Mar 2024
Aşgabatda TSTB-niň 16 ýyllygyna bagyşlanan sergi öz işine başlady

Türkmenistanyň paýtagty Aşgabat şäherinde ýerleşýän ýurduň Söwda-senagat edarasynyň sergiler merkezinde ýekşenbe güni Türkmenistanyň Senagatçylar we telekeçiler birleşmesiniň (TSTB) döredilmeginiň 16 ýyllygyna bagyşlanan üç günlük sergi we öz işine başlady. Onuň çäklerinde birleşmäniň agzalarynyň maslahaty hem geçirildi.

18 Mar 2024
Moskwanyň demir ýollarynda «akylly geçelge» ulgamy ornaşdyrylýar

Moskwada demirýol ugurlarynyň kesişýän çatryklarynda päsgelçilikleri habar berýän tehnologiýa oturdyldy. Bu barada Moskwanyň demir ýollarynyň resmi saýtynda habar berilýändigi «ТАСС» tarapyndan beýan edilýär.

18 Mar 2024
Tokioda türkmen-ýapon kiçi we orta telekeçileriniň işewürlik maslahaty geçiriler

Ýaponiýanyň Tokio şäherinde 2024-nji ýylyň 27-nji martynda türkmen-ýapon kiçi we orta telekeçileriniň işewürlik maslahatyny geçirmek meýilleşdirilýär.

17 Mar 2024
Paýtagtymyzda «Arkaç» söwda-dynç alyş merkezi açyldy

Şu gün paýtagtymyzyň häzirki zaman binagärlik gurluşy esasy köçeleriniň biriniň ugrunda – Magtymguly şaýolunda bina edilen ajaýyp toplum bilen üsti ýetirildi. Bu işewürlik merkezli we ýerasty awtoduralgaly «Arkaç» söwda-dynç alyş merkezidir. Täze toplum işewürlik durmuşynyň jemlenýän ýene bir merkezine, guramaçylykly lomaý we bölek söwda amallarynyň ýerine ýetirilýän künjegine öwrüler. Onuň açylmagy bilen bu ýerde ýüzlerçe täze iş orunlary hem döredildi.