“Türkmendeňizderýaýollary” agentliginiň wekilleri Türkmenistanda «Merkezi Aziýada söwda amallaryny ýeňilleşdirmek» (TFCA) sebitleýin taslamanyň Dolandyryş komitetiniň mejlisine we Türkmenistanda söwda amallaryny ýeňilleşdirmek boýunça milli gullugynyň döredilmegi babatynda meseleleri ara alyp maslahatlaşmak üçin tegelek stoluna gatnaşdylar

2024-nji ýylyň 5-nji sentýabrynda “Türkmendeňizderýaýollary” agentliginiň wekilleri Türkmenistanyň söwda we daşary ykdysady aragatnaşyklar ministrliginiň hem-de «Merkezi Aziýada söwda amallaryny ýeňilleşdirmek» GIZ sebitleýin taslamasynyň bilelikde gurnamagynda Aşgabat şäherinde “Arçabil” myhmanhanasynda geçirilen Türkmenistanda «Merkezi Aziýada söwda amallaryny ýeňilleşdirmek» (TFCA) sebitleýin taslamanyň Dolandyryş komitetiniň mejlisine we Türkmenistanda söwda amallaryny ýeňilleşdirmek boýunça milli gullugynyň döredilmegi babatynda meseleleri ara alyp maslahatlaşmak üçin tegelek stoluna gatnaşdylar.

Türkmenistan bilen TÜRKSOÝ-yň arasyndaky hyzmatdaşlygyň möhüm meseleleri ara alnyp maslahatlaşyldy

Türkmenistan bilen “AMC Overseas” türkmen önümleriniň Ýakyn Gündogara eksportyny maslahatlaşdy

2024-nji ýylyň 30-njy awgustynda Birleşen Arap Emirliklerindäki Türkmenistanyň Ilçisi Serdarmämmet Garajaýew bilen “AMC Overseas” kompaniýasynyň direktory Şuwra Çakrabortiniň arasynda duşuşyk geçirildi.

Türkmen halkynyň Milli Lideri, Türkmenistanyň Halk Maslahatynyň Başlygy “Rönesans Holding” kompaniýasynyň ýolbaşçysy bilen duşuşdy

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow «Rönesans Holding» kompaniýasynyň müdiriýetiniň başlygy Erman Ylyjak bilen duşuşdy.

Türkmen halkynyň Milli Lideri, Türkmenistanyň Halk Maslahatynyň Başlygy “Çalyk Holding” kompaniýalar toparynyň ýolbaşçysy bilen duşuşdy

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow «Çalyk Holding» kompaniýalar toparynyň dolandyryjylar geňeşiniň başlygy Ahmet Çalyk bilen duşuşdy.

Türkmen halkynyň Milli Lideriniň «Enä tagzym – mukaddeslige tagzym» atly kitabynyň pars dilindäki neşiriniň tanyşdyrylyş dabarasy geçirildi

Täze mekdep — Türkmenistandan Täjigistana sowgat

Türkmenistanda giňden bellenilýän Bilimler we talyp ýaşlar gününiň şanyna täze bilim edaralarynyň açylmagy asylly däbe öwrüldi. Şu gün — 2024-2025-nji täze okuw ýyly hem ýurdumyzda we dostlukly döwletde möhüm binagärlik desgalarynyň dabaraly açylmagy bilen badalga aldy. Täjigistan Respublikasynyň Hatlon welaýatynyň Dusti etrabynyň Ergeş Sultanow daýhan birleşiginde gurlan 540 orunlyk Magtymguly adyndaky umumybilim berýän orta mekdep ulanmaga berilýän desgalaryň hatarynda aýratyn orun eýeledi. Onuň açylyş dabarasyna sanly ulgam arkaly iki döwletiň Prezidentleri Serdar Berdimuhamedow we Emomali Rahmon gatnaşdylar.

Owganystanyň wekiliýeti Aşgabatda birnäçe duşuşyklary geçirdiler

Şu gün ýurdumyzda saparda bolýan Owganystanyň Magdan we nebit önümleri ministriniň wezipesini ýerine ýetiriji H.Badriniň ýolbaşçylygyndaky wekiliýetiň agzalary paýtagtymyzda geçirilen duşuşyklara gatnaşdylar.

Sentýabr: Aşgabatda “HI-TECH Türkmenistan 2024” halkara forumy we sergi geçiriler

Türkmenistanyň paýtagty Aşgabat şäherinde 2024-nji ýylyň 10-11-nji sentýabry aralygynda Türkmenistanyň ykdysadyýetine ýokary tehnologiýalary we innowasiýalary çekmek boýunça “HI-TECH Türkmenistan 2024” halkara forum we sergi geçiriler. Çäre, ýurduň ykdysadyýetiniň dürli pudaklaryna iň täze tehnologiýalaryň ornaşdyrylmagynyň mümkinçiliklerini ara alyp maslahatlaşmak we tejribe alyşmak üçin möhüm platforma bolup hyzmat eder.

Türkmenistan we Eýran deňiz ulaglary pudagynda hyzmatdaşlygy pugtalandyrýar

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Eýran Yslam Respublikasyna iş saparynyň çäklerinde 2024-nji ýylyň 28-nji awgustynda Türkmenbaşy Halkara deňiz porty bilen Eýran Yslam Respublikasynyň Amirabad portunyň arasynda doganlyk port gatnaşyklary barada özara düşünişmek hakynda Ähtnama gol çekildi.

Ýokary derejedäki türkmen-eýran gepleşikleriň netijeleri boýunça ikitaraplaýyn resminamalara gol çekildi

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Eýran Yslam Respublikasynyň Prezidenti Masud Pezeşkianyň arasyndaky gepleşikleriň netijeleri boýunça ikitaraplaýyn resminamalara gol çekmek dabarasy geçirildi.

«Balkan» gämi gurluşyk we abatlaýyş zawody dürli görnüşli resminamalaryň terjimesini hödürleýär

«Balkan» gämi gurluşyk we abatlaýyş zawody hyzmatlaryny giňeltmek bilen, dürli görnüşli resminamalary dürli dillere terjime etmegi hödürleýär.

Türkmenistanyň deňiz we derýa ulaglary pudagy üçin hünärmenleri taýýarlamak meselesi boýunça wideoaragatnaşyk arkaly duşuşyk

2024-nji ýylyň 21-nji awgustynda “Türkmendeňizderýaýollary” agentligi bilen Russiýa Federasiýasynyň General-admiral F.M.Apraksin adyndaky Hazar deňiz we derýa ulaglary institutynyň wekilleriniň arasynda wideoaragatnaşyk arkaly duşuşyk geçirildi.

“Türkmendeňizderýaýollary” agentliginiň hünärmenleri STCW standartlary boýunça hünär derejelerini ýokarlandyrýarlar

2024-nji ýylyň 12-nji awgustynda Amerikanyň Birleşen Ştatlarynyň Halkara ösüş guramasynyň (USAID) Merkezi Aziýada Söwda Maksatnamasynyň gurnamagynda “Türkmendeňizderýaýollary” agentliginiň hünärmenleri üçin, Halkara deňiz guramasynyň (IMO) Deňizçileri taýýarlamak we olara diplom bermek hem-de wahtada durmak barada Konwensiýasyna laýyklykda hünär derejelerini ýokarlandyrmak boýunça türgenleşik okuwy başlandy. Okuwyň dowamlylygy 5 gün. Bu türgenleşik okuwy türkmen deňizçileriniň hünär derejesini ýokarlandyrmakda we sebitde deňizde ýüzüşiň howpsuzlygyny üpjün etmekde möhüm ädim bolup durýar. Hünärmenler öz bilimlerini we başarnyklaryny mundan beýläk hem halkara ülňüleriniň iň soňky talaplaryna laýyklykda ösdürmäge mümkinçilik alarlar. Bu bolsa öz gezeginde, wezipelerini has netijeli ýerine ýetirmäge we Türkmenistanyň deňiz pudagynyň ösmegine goşant goşmaga ýardam eder.

Hazaryň Halkara günine bagyşlanyp geçirilen maslahat

2024-nji ýylyň 7-nji awgustynda “Türkmendeňizderýaýollary” agentliginiň gurnamagynda “Çarlak” myhmanhanasynyň mejlisler jaýynda 12-nji awgustda bellenilýän “Hazaryň Halkara” güni mynasybetli “Hazar deňziniň deňiz gurşawyny goramak” atly maslahat çäresi geçirildi. Oňa agentliginiň ýanyndaky Türkmenistanda gämi gatnawyna döwlet gözegçilik administrasynyň işgarleri, Türkmenistanyň Magtymguly adyndaky Ýaşlar guramasynyň Türkmenbaşy şäher Geňeşiniň hem-de Türkmenbaşy şäheriniň Hazar ekologiýa gözegçilik gullugynyň wekilleri gatnaşdylar.

“Türkmendeňizderýaýollary” iki sany Ro-Ro gämisiniň gurulmagy babatynda bäsleşik yglan etdi

Türkmenistanyň deňiz söwda flotunyň gämileriniň gurluşygyny maliýeleşdirmek boýunça Türkmenistanyň Hökümeti bilen Yslam Ösüş Bankynyň, hem-de OPEK halkara ösüş gaznasynyň arasynda baglaşylan Ylalaşyklary durmuşa geçirmegiň çäklerinde 2024-nji ýylyň 5-nji awgustynda “Türkmendeňizderýaýollary” agentligi “Ro-Ro” görnüşli iki sany demir ýol paromlarynyň gurluşygy boýunça taslamalaşdyrmak, enjamlar bilen üpjün etmek hem-de gämi gurluşygyny dolandyrmak barada bäsleşik yglan etdi.   

Balkan” gämi gurluşyk we abatlaýyş zawody paýdarlar jemgyýetinde ilkinji gezek Halkara talaplaryna doly laýyk gelýän iki sany täze gury ýük gämileriň gurluşygyna girişildi

2024-nji ýylyň 6-njy awgustynda “Balkan” gämi gurluşyk we abatlaýyş zawody” paýdarlar jemgyýetinde ilkinji gezek Halkara talaplaryna doly laýyk gelýän iki sany täze gury ýük gämileriň gurluşygyna ýokary ruhubentlik bilen girişildi. Hormatly Prezidentimiziň Berkarar döwletiniň täze eýýamynyň Galkynyşy döwründe ulag ulgamynyň maddy enjamlaýyn binýadynyň kämilleşdirmek maksady bilen, gury ýük gämilerini gurmak hakynda kabul eden Kararyna laýyklykda, Türkmenistanyň Ministrler Kabinetiniň ýanyndaky Ulag we kommunikasiýalar agentliginiň “Türkmendeňizderýaýollary” agentligine iki sany gury ýük gämilerini gurmak barada “Balkan” gämi gurluşyk we abatlaýyş zawody bilen şertnama baglanyşmaga ygtyýar berildi. Şu taryhy Kararyň esasynda “Balkan” zawody Koreýa Respublikasynyň «Koryo shipbuilding industry technology Co., Ltd.» kompaniýasy bilen her biriniň ýük göterijiligi 6100 tonna bolan, 2 sany gury ýük gämilerini taslamalaşdyrmak we bilelikde gurmak babatynda degişli şertnamalar baglaşyldy we häzirki wagtda bu täze gämileriň gurluşygyna guramaçylykly girişildi.

Türkmenistanyň çägindäki dürli ugurlara uçuşlaryň tertibi täzelendi

«Türkmenistan» awiakompaniýasy 2024-nji ýylyň 1-nji awgustyndan başlap Türkmenistanyň çägindäki dürli ugurlara uçuşlaryň tertibini täzeledi.

Sarahs etrabyna täze häkim bellenildi

Ýazgulyýew Gurbanmyrat Jumamyradowiç, özüne ynanylan wezipäni oňarmandygy üçin, Ahal welaýatynyň Sarahs etrabynyň häkimi wezipesinden boşadyldy. Bu wezipä Begenç Durdymyradowiç Taýyrow bellenilip, ol Ahal welaýatynyň Sarahs etrabynyň häkiminiň orunbasary wezipesinden boşadyldy.

Ýylyň birinji ýarymy: «Türkmenawtoulaglary» agentligi ýolagçy gatnatmak boýunça meýilnamasyny 105,2% ýerine ýetirdi

Ýolagçy gatnatmak boýunça şu ýylyň birinji ýarymynyň görkezijileri Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentliginiň netijeli işiniň beýanydyr.