Resmi web sahypasy
English Русский
Türkmenistanyň Deňiz we derýa ulaglary döwlet gullugy

21:14

27 8 2025
Habarlar
RSS
15 Iýl 2024
Serdar Berdimuhamedow Emmanuel Makrony Fransiýanyň milli baýramy bilen gutlady

Prezident Serdar Berdimuhamedow Fransiýa Respublikasynyň Prezidenti Emmanuel Makrona we ýurduň ähli halkyna Fransiýa Respublikasynyň milli baýramy — Bastiliýanyň eýelenen güni mynasybetli mähirli gutlaglaryny, iň gowy arzuwlaryny iberdi.

14 Iýl 2024
Arkadag şäherindäki çagalar sagaldyş-dikeldiş merkezinde bejergi alýan çagalara sowgatlar gowşuryldy

Arkadag şäherindäki Gurbanguly Berdimuhamedow adyndaky çagalar sagaldyş-dikeldiş merkezinde bejergi alýan we saglyklaryny dikeldýän çagalara edermen gallaçylaryň gazanan ajaýyp zähmet ýeňşi mynasybetli Türkmenistanyň Prezidentiniň we Halk Maslahatynyň Başlygynyň adyndan ýörite sowgatlar gowşuryldy.

14 Iýl 2024
Türkmenistan Bütindünýä intellektual eýeçilik guramasynyň 65-nji mejlisine gatnaşýar

Türkmenistanyň Maliýe we ykdysadyýet ministrliginiň Intellektual eýeçilik boýunça döwlet gullugynyň başlygynyň ýolbaşçylygyndaky Türkmenistanyň wekiliýeti Bütindünýä intellektual eýeçilik guramasyna (WIPO) agza ýurtlaryň Assambleýasynyň 65-nji mejlisine gatnaşýar. Mejlis 9-17-nji iýul aralygynda Ženewada geçirilýär.

13 Iýl 2024
Türkmenistan boýunça iň pes aýlyk zähmet hakynyň we pensiýanyň möçberi bellenildi

2025-nji ýylyň 1-nji ýanwaryndan Türkmenistan boýunça iň pes aýlyk zähmet haky 1410 manat möçberde bellenildi. Degişli Permana Prezident Serdar Berdimuhamedow 12-nji iýulda Ministrler Kabinetiniň giňişleýin mejlisinde gol çekdi.

13 Iýl 2024
6 aýda Türkmenistanda 454,7 müň inedördül metre barabar bolan ýaşaýyş jaýlary ulanmaga berildi

Türkmenistanyň welaýatlarynda, şäherlerinde we etraplarynda meýdany 454,7 müň inedördül metre barabar bolan ýaşaýyş jaýlary ulanmaga berildi. Şeýle hem senagat desgalarynyň, çagalar baglarynyň, mekdepleriň we beýleki desgalaryň gurluşygy meýilnama esasynda alnyp barylýar. Bu barada Prezident Serdar Berdimuhamedow 12-nji iýulda giňişleýin Hökümet mejlisinde çykyşynda belledi.

13 Iýl 2024
2024-nji ýylda Türkmenistanda 1 million 400 müň tonnadan gowrak bugdaý hasyly ýygnaldy

Türkmenistanda 1 million 400 müň tonnadan gowrak bugdaý hasyly öndürilip, welaýatlar boýunça bu ugurda bellenen şertnamalaýyn borçnamalar üstünlikli berjaý edildi. Bu barada anna güni geçirilen giňişleýin Hökümet mejlisinde welaýatlaryň häkimleri habar berdiler.

12 Iýl 2024
Türkmenistanda gümrük edaralaryna ulag serişdeleri we harytlar barada deslapky maglumaty bermek mümkinçiligi döredildi

2024-nji ýylyň iýul aýyndan başlap, daşary ykdysady işine gatnaşyjylar we ulag-logistika kompaniýalary üçin Türkmenistanyň gümrük çägine getirilmegi göz öňünde tutulýan ulag serişdeleri we harytlar barada elektron görnüşde deslapky maglumatlary bermek mümkinçiligi döredildi. Bu barada Türkmenistanyň Döwlet gümrük gullugynyň resmi saýtynda habar berilýär.

12 Iýl 2024
Mary welaýatynyň gallaçylarynyň zähmet ýeňşi

Mary welaýatynyň gallaçylary Watan harmanyna 345 müň tonnadan gowrak bugdaý hasylyny tabşyryp, şertnamalaýyn borçnamalaryny üstünlikli ýerine ýetirdiler. Ýokary öndürijilikli oba hojalyk tehnikalarynyň gije-gündiz işledilmegi netijeli galla oragynyň ýokary depginde alnyp barylmagyna ýardam berdi. Bu zähmet ýeňşi döwlet Baştutanymyzyň ýurdumyzda oba hojalyk pudagyny ösdürmek babatda edýän yzygiderli aladalarynyň, ekerançylaryň mynasyp zähmet çekmekleri üçin döredilýän şertleriň aýdyň netijesidir.

12 Iýl 2024
Türkmenistanyň Gyzyl Ýarymaý Milli jemgyýeti bilen BMG-niň Ilat gaznasynyň arasynda Ähtnama gol çekildi

Şu gün Aşgabadyň «Ýyldyz» myhmanhanasynda her ýylyň 11-nji iýulynda bellenilýän halkara baýram – Bütindünýä ilat güni mynasybetli 2024-nji ýyl boýunça bütindünýä ilat hasabatynyň tanyşdyrylyş çäresi geçirildi. Bu barada «Watan» habarlar gepleşiginde habar berildi.

11 Iýl 2024
Kasym-Žomart Tokaýew Gazagystanyň Türkmenistandaky täze ilçisini kabul etdi

Gazagystan Respublikasynyň Prezidenti Kasym-Žomart Tokaýew ýurduň Türkmenistandaky täze bellenilen ilçisi Nurlan Nogaýewi kabul etdi. Bu hakda Türkmenistan Habarlar Portaly habar berýär.

11 Iýl 2024
Türkmenistanyň taryhy ýadygärlikleri «World Heritage Journey» onlaýn-platformasyna ýerleşdirildi

Halkara «World Heritage Journey» onlaýn-platformasynda «Ýewropanyň Merkezi Aziýadaky medeni miras ýylynyň halkara taraplary» atly maksatnama boýunça Ýüpek ýoly barada ýörite bölüm döredildi.  Bu maksatnama Ýewropa Bileleşigi tarapyndan maliýeleşdirilýär we Almatydaky ÝUNESKO-nyň Sebitleýin edarasy tarapyndan 2018-nji ýyldan bäri durmuşa geçirilýär.

11 Iýl 2024
Türkmenistanyň Mejlisiniň nobatdaky maslahatynyň senesi yglan edildi

Türkmenistanyň Mejlisiniň ýedinji çagyrylyşynyň altynjy maslahaty 2024-nji ýylyň 13-nji iýulynda sagat 10:00-da Türkmenistanyň Mejlisiniň binasynda geçirilýär.

10 Iýl 2024
Türkmenistanyň wekilleri Aktauda geçiriljek ilkinji Demirgazyk-Günorta forumyna gatnaşarlar

Türkmenistanyň wekilleri 19-20-nji iýulda Aktauda geçiriljek Demirgazyk-Günorta ulag söwda-eksport forumyna gatnaşarlar.

10 Iýl 2024
Hormatly Prezidentimiziň adyna gelen hat

Onuň Alyhezreti,Türkmenistanyň Prezidentijenap Serdar Berdimuhamedowa

10 Iýl 2024
Türkmenistanyň we Gazagystanyň daşary işler ministrleri strategiki hyzmatdaşlygyň meselelerini ara alyp maslahatlaşdylar

8-nji iýulda Türkmenistanyň Ministrler Kabinetiniň Başlygynyň orunbasary, Türkmenistanyň daşary işler ministri Raşit Meredow Astana iş saparynyň çäginde Gazagystan Respublikasynyň daşary işler ministri Murat Nurtleu bilen duşuşdy. Bu hakda Gazagystanyň Daşary işler ministrligi habar berýär.

09 Iýl 2024
Türkmen gazynyň Türkiýäniň üsti bilen iberilmegi Ýewropanyň energiýa howpsuzlygyna goşant goşar

Türkiýäniň wise-prezidenti Jewdet Ýilmaz türkmen gazynyň Türkiýäniň üsti bilen iberilmeginiň ýurduň milli abadançylygyna we Ýewropanyň energetika howpsuzlygyny pugtalandyrmaga hyzmat etjekdigini belledi. Ol bu pikirini Azerbaýjanda geçirilen Türki döwletleriň guramasynyň resmi däl sammitinde mälim etdi. Bu barada HHM habar berýär.

08 Iýl 2024
Türkmenistanyň we Eýran Yslam Respublikasynyň serhet wekilleriniň ikinji duşuşygy geçirildi

2024-nji ýylyň 3-nji iýulynda Türkmen-eýran serhediniň eýran bölegindäki «Lotfabad»  gümrük nokadynda Türkmenistanyň we Eýran Yslam Respublikasynyň serhet wekilleriniň 2-nji duşuşygy geçirildi. Duşuşyga, iki döwletiň gümrük, serhet we migrasiýa gulluklarynyň, Ilçihanalarynyň hem-de Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» we «Türkmendemirýollary» agentlikleriniň wekilleri gatnaşdy.

08 Iýl 2024
Aşgabatdaky «Türkmenbaşynyň ertekiler dünýäsiniň» ýerine täze seýilgäh gurlar

Türkmenistanyň Gurluşyk we binagärlik ministrligi Aşgabat şäher häkimliginiň buýurmagynda «Türkmenbaşynyň ertekiler dünýäsiniň» ýerine seýilgäh gurmak boýunça bäsleşik yglan etdi.

06 Iýl 2024
Türkmen halkynyň Milli Lideri BMG-nyň Baş sekretary bilen duşuşdy

Şu gün, günüň ikinji ýarymynda paýtagtymyzdaky «Arkadag» myhmanhanasynda türkmen halkynyň Milli Lideri, Halk Maslahatynyň Başlygy Gurbanguly Berdimuhamedow bilen Birleşen Milletler Guramasynyň Baş sekretary Antoniu Guterrişiň arasynda duşuşyk geçirildi.

06 Iýl 2024
Türkmenistanyň Ministrler Kabinetiniň mejlisi

5-nji iýulda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy.