Resmi web sahypasy
English Русский
«TÜRKMENDEŇIZDERÝAÝOLLARY»
AGENTLIGI

10:26

03 7 2025
Habarlar
RSS
06 Iýn 2024
2024-nji ýylyň birinji çärýeginde «DP World» terminallarynda konteýner dolanyşygy ýokarlandy

Dubaý terminalynyň we «DP World» logistika korporasiýasynyň maýa goýum bukjasyndaky terminallar 2024-nji ýylyň birinji çärýeginde 20,7 million TEU-dan geçdi. Bu bolsa bir ýyl ozalkydan 6% köpdür. Bukjanyň düzümindäki üýtgeşmeleri hasaba almazdan deňeşdirip boljak ösüş 5,5% boldy.

06 Iýn 2024
Portlaryň gurluşygyny we ösüşini maliýeleşdirmek işi işewürlik ulgamynyň wekillerine ynanylar

2025-nji ýyldan 2030-njy ýyla çenli Russiýanyň deňiz portlaryny gurmak we ösdürmek üçin meýilleşdirilen taslamalaryň maliýeleşdirilmegi üçin 541,1 milliard rubla barabar serişdäniň gerek boljakdygyny ulag ministri Roman Starowoýtyň çykyşyna salgylanýan «Interfaks» habar berýär. Bu serişdäniň diňe 41,1 milliard rubla barabar möçberi federal býujetden bölünip berler.

06 Iýn 2024
Daşoguz welaýatynyň ilatyna döwrebap ýolagçy awtobuslarynyň ençemesi sowgat edildi

Türkmenistanyň Prezidenti Serdar Berdimuhamedow Daşoguz welaýatyna iş saparyny aşyrdy we bu ýerde ýurdumyzda bir bitewi halkalaýyn energoulgamyny döretmegiň taslamasynyň çäginde «Balkan–Daşoguz» ugry boýunça her biriniň güýjenmesi 500 kilowolt bolan täze howa elektrik geçirijisini we beketleri işe girizmek dabarasyna gatnaşdy. Dabaralaryň çäginde Türkmenistanyň Prezidenti Serdar Berdimuhamedowyň ýurdumyzyň Daşoguz welaýatynyň ilatyna döwrebap ýolagçy awtobuslaryny sowgat etmegi hemmeleriň buýsanjyny goşalandyrdy. Munuň özi Watanymyzyň ykdysady kuwwatynyň görkezijisine öwrülen taryhy ähmiýetli wakalaryň üstüni ýetirdi.

05 Iýn 2024
Söwda, ykdysady, ylmy we tehnologik hyzmatdaşlyk boýunça hökümetara türkmen-koreý toparynyň mejlisi geçirildi

2024-nji ýylyň 3-nji iýunynda wideo aragatnaşyk arkaly Söwda, ykdysady, ylmy we tehnologik hyzmatdaşlyk boýunça hökümetara türkmen-koreý toparynyň nobatdaky 9-njy mejlisi geçirildi. Mejlisiň işine iki ýurduň degişli ministrlikleriniň we pudak edaralarynyň ýolbaşçylary hem-de wekilleri gatnaşdylar.Bu barada Türkmenistanyň Daşary işler ministrliginiň metbugat gullugy habar berdi.

05 Iýn 2024
Aşgabatda TESC 2024 halkara maslahaty öz işine başlady

Şu gün Aşgabatdaky «Arçabil» myhmanhanasynda «Uglewodorod känlerini işläp taýýarlamagyň energetika geljegi, täze tehnologiýalary we ekologiýa jähtleri» atly halkara ylmy maslahat (TESC 2024) öz işine başlady. «Türkmennebit» döwlet konserniniň habar berşi ýaly, halkara forumyň maksady jemgyýetçiligiň ünsüni ekologiýa we durnukly ösüş meselelerini çözmek bilen bagly meselelere gönükdirmekden ybaratdyr.

05 Iýn 2024
“Cargolux” Türkmenistana amala aşyrýan uçuşlarynyň sanyny köpeltmegi meýilleşdirýär

“Türkmenhowaýollary” agentliginiň wekilleri bilen Lýuksemburg Beýik Gersoglygynyň “Cargolux” kompaniýasynyň wise-prezidenti Maksim Ştrausyň arasynda geçirilen duşuşykda kompaniýa Türkmenistana ýerine ýetirýän howa gatnawlarynyň sanyny artdyrmagy meýilleşdirýändigini mälim etdi.

04 Iýn 2024
Türkmen wekiliýeti halkara parlament forumyna gatnaşar

Türkmen wekiliýeti 10-njy iýunda Duşenbe şäherinde geçiriljek Halkara parlament forumyna gatnaşar. Bu barada «Howar» habarlar saýty habar berdi.

04 Iýn 2024
Hökümetara şertnama Hazaryň üstünden uzaýan ugur boýunça ýükleri daşamagyň möhletini iki esse azaldar

Gazagystanyň Parlamenti Hazaryň üstünden uzaýan  halkara ulag ugruny ösdürmek boýunça Hytaý Halk Respublikasy bilen hökümetara şertnamany tassyklady. Ylalaşygyň ýerine ýetirilmegi bu logistika geçelgesi boýunça Hytaýdan Ýewropa Bileleşigine harytlaryň iberiliş möhletini iki esse azaltmalydyr.

04 Iýn 2024
Türkmen telekeçileri “Hytaý ‒ Ýewraziýa” halkara sergisine gatnaşmaga çagyrylýar

Türkmen telekeçileri 2024-nji ýylyň 26‒31-nji iýuny aralygynda Hytaýyň Urumçi şäherinde geçiriljek “Hytaý ‒ Ýewraziýa” atly 8-nji halkara sergä gatnaşmaga çagyrylýar. Bu barada Türkmenistanyň Senagatçylar we telekeçiler bileleşigi çarşenbe güni habar berdi.

03 Iýn 2024
Bütindünýä saglygy goraýyş guramasynyň Türkmenistandaky Ýurt boýunça edarasy gämileri sanitar barlagy geçirmek boýunça okuw geçirdi

Bütindünýä saglygy goraýyş guramasynyň Türkmenistandaky Ýurt boýunça edarasy Bütindünýä saglygy goraýyş guramasynyň Ýewropa sebitleýin bölümi bilen bilelikde gämileriň sanitar barlagy we gäminiň sanitar barlagy boýunça şahadatnamalaryny bermek babatynda okuwyny gurnady.

03 Iýn 2024
"Türkmenistan" awiakompaniýasy Kazana gatnawlaryny wagtlaýyn togtatdy

“Türkmenistan” awiakompaniýasy tarapyndan ýerine ýetirilýän Aşgabat-Kazan-Aşgabat ugry boýunça gatnawlar 2024-nji ýylyň 2-nji iýunyndan başlap wagtlaýyn ýatyryldy.

03 Iýn 2024
3-nji iýun — Bütindünýä welosiped güni: Türkmenistanyň Prezidenti köpçülikleýin welosipedli ýörişe gatnaşdy

Şu gün — 3-nji iýunda, Bütindünýä welosiped gününiň dabaralandyrylýan gününde Aşgabatda hormatly Prezidentimiz Serdar Berdimuhamedowyň gatnaşmagynda köpçülikleýin welosipedli ýöriş geçirildi.

02 Iýn 2024
Türkmenistanda Gurbanguly Berdimuhamedow adyndaky haýyr-sahawat gaznasy tarapyndan yglan edilen döredijilik bäsleşiginiň ýeňijilerini sylaglamak dabarasy geçirildi

1-nji iýunda ýurdumyzda bellenilýän Çagalary goramagyň halkara güni mynasybetli Maslahat köşgünde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy tarapyndan yglan edilen «Biz – Arkadag Serdarly Watanyň bagtyýar nesilleri» atly döredijilik bäsleşiginiň jemi jemlenip, ýeňijileri sylaglamak dabarasy geçirildi.

02 Iýn 2024
Türkmenistanyň Rumyniýadaky Ilçihanasy welosiped ýaryşyny gurnady

2024-nji ýylyň 1-nji iýunynda Türkmenistanyň Rumyniýadaky Ilçihanasy tarapyndan “Bütindünýä welosiped güni” mynasybetli Buharest şäherinde welosiped ýörişi geçirdi.

01 Iýn 2024
“Hazar deňzi-Gara deňzi halkara ulag-üstaşyr geçelgesini döretmek boýunça dört taraplaýyn hökümetara Ylalaşygyň taslamasyny ara alyp maslahatlaşmak üçin wideoaragatnaşyk arkaly duşuşyk gecirildi.

2024-nji ýylyň 30-njy maýynda “Türkmendeňizderýaýollary” agentliginiň wekilleri Hazar deňzi-Gara deňzi halkara ulag-üstaşyr geçelgesini döretmek boýunça dört taraplaýyn hökümetara Ylalaşygyň taslamasyny ara alyp maslahatlaşmak üçin göni wideoaragatnaşyk arkaly geçirilen duşuşyga gatnaşdylar.

01 Iýn 2024
"Türkmendeňizderýaýollary" agentliginiň wekilleri Şri-Lankanyň Portlar, deňiz gatnawy we awiasiýa ministrliginiň wekilleri bilen wideoaragatnaşyk arkaly duşuşyk geçirdiler

2024-nji ýylyň 29-njy maýynda “Türkmendeňizdarýaýollary” agentliginiň we Şri-Lankanyň Portlar, deňiz gatnawy we awiasiýa ministrliginiň wekilleriniň arasynda göni wideoaragatnaşyk arkaly duşuşygy geçirildi. Duşuşygyň dowamynda iki ýurduň arasynda deňiz ulag ulgamynda özarabäbitli hyzmatdaşlygy ösdürmek babatynda meseleler ara alyp maslahatlaşyldy. Türkmen tarapy, Türkmenbaşy halkara deňiz portunyň mümkinçilikleri we kuwwatlylygy barada gürrüň berdiler. Şri-Lankanyň wekilleri portuň öňdebaryjy tehnologiýalary bilen ornaşdyrylan hem-de dürli hyzmatlary hödürleýän häzirki zaman  bäş sany terminaly bilen tanyşdylar.

01 Iýn 2024
Russiýanyň demirýol boýunça ýük daşamak ulgamyna täze düzgünler girizilýär

Çäklendirilen demir ýol infrastrukturasyndaky ýük gatnawynda Russiýa Federasiýasynyň Prezidentiniň aýry-aýry kararlaryna, buýruklaryna we görkezmelerine laýyklykda daşalýan harytlaradyr ýüklere uly orun berilýär. Bu barada demirýol ulagy infrastruktirasy boýunça ýük daşaýjylaryň diskriminasiýa ýol bermezlik düzgünleri boýunça degişli resminama salgylanýan «Kommersant» habar berýär. Ol 27-nji maýda hökümetiň karary bilen tassyklandy we 2024-nji ýylyň 1-nji sentýabrynda güýje girer.

31 Maý 2024
Harytlaryň Eýrandan geçmegi 56% ýokarlandy

«IRICA» ýekşenbe güni Eýranyň senenama ýylynyň ilkinji iki aýynda (20-nji mart — 20-nji maý) 3,6 million tonnadan gowrak harydyň Eýranyň üsti bilen daşalandygyny habar berdi. Munuň özi geçen ýylyň degişli döwri bilen deňeşdirilende 56,5% köpdür.

31 Maý 2024
Türkmenistanyň Prezidenti Serdar Berdimuhamedow Buýruga gol çekdi. Resminama laýyklykda, haj parzyny berjaý etmek üçin ildeşlerimizi Saud Arabystany Patyşalygyna ibermek bellenildi.

Türkmenistanyň Prezidenti Serdar Berdimuhamedow Buýruga gol çekdi. Resminama laýyklykda, haj parzyny berjaý etmek üçin ildeşlerimizi Saud Arabystany Patyşalygyna ibermek bellenildi.Türkmenistanyň ministrler kabinetiniň ýanyndaky Ulag we kommunikasiýalar agentliginiň «Türkmenhowaýollary» agentligine 2024-nji ýylyň 1-nji iýun — 9-njy iýul aralygynda zyýaratçylary Saud Arabystany Patyşalygyna ýörite gatnawy guramak arkaly eltmek we yzyna getirmek tabşyryldy.

31 Maý 2024
Tomusky dynç alyş möwsüminiň başlanýandygyny göz öňünde tutup, “Türkmenistan” awiakompaniýasy” açyk görnüşli paýdarlar jemgyýeti 2024-nji ýylyň iýun aýynyň 1-den raýatlarymyzyň rahat dynç almak we syýahat...

Tomusky dynç alyş möwsüminiň başlanýandygyny göz öňünde tutup, “Türkmenistan” awiakompaniýasy” açyk görnüşli paýdarlar jemgyýeti 2024-nji ýylyň iýun aýynyň 1-den raýatlarymyzyň rahat dynç almak we syýahat etmek üçin, dürli isleglerini kanagatlandyrmak maksady bilen:Aşgabat – Türkmenbaşy – AşgabatUgurlar boýunça gatnawlaryň sanynyň köpeldilendigini, şeýle-de welaýatlarymyzyň Halkara howa menzillerinden ýerine ýetirilýän gatnawlarda täze ugurlar boýunça gatnawlaryň ýola goýulandygyny, has takygy:Türkmenbaşy – Türkmenabat – Türkmenbaşy;Türkmenbaşy – Daşoguz – Türkmenbaşy;Türkmenbaşy – Mary – Türkmenbaşy.Ugurlar boýunça gatlaryň ýola goýulandygyny Size mälim edýäris.Hormatly ýolagçylar, ýokarda görkezilen ugurlar boýunça sanly ulgam arkaly türkmenistanairlines.tm web sahypasy we mobil goşundysyny ullanmak bilen awiabiletleri resmileşdirip bilersiňiz.