Baş Assambleýa Türkmenistan tarapyndan işlenip düzülen Kararnama kabul etdi

BMG-niň Baş Assambleýasynyň 78-nji mejlisiniň 48-nji umumy mejlisinde biragyzdan aşakdaky Kararnamany kabul etdi: «Durnukly ösüş maksatlaryna ýetmek üçin ulaglaryň ähli görnüşleriniň arasyndaky arabaglanyşyklary berkitmek». Bu barada Türkmenistanyň DIM-niň resmi saýtynda habar berildi.

ASCO iki sany gury ýük gämisi satyn almak üçin BDÖB karzyny alar

Ýewropanyň Dikeldiş we Ösüş Banky (ÝDÖÝ) “Hazar deňiz gämiçiligi kompaniýasy” (ASCO) ýapyk görnüşli paýdarlar jemgyýetine 60 million dollar karzy tassyklady. Bu barada bankda “Interfaks-Azerbaýjan” gullugyna habar berildi.

Latwiýanyň we Türkmenistanyň ulag pudagynyň işgärleriniň arasynda onlaýn ýygnak geçirildi

2023-nji ýylyň 15-nji dekabrynda Türkmen Logistika Assosiasiýasy Latwiýanyň ekspeditorlary we logistika assosiasiýasy (LAFF) bilen hyzmatdaşlykda halkara söwdasynyň ösmegine goldaw bermek üçin, “Baltika ýurtlary bilen Türkmenistanyň arasyndaky söwda mümkinçilikleri: hyzmatdaşlygy we işewür gatnaşyklary artdyrmagyň kartasy” mowzugyna iki tarapyň birleşmeleriniň islegi boýunça onlaýn maslahat geçirildi.

TÜRKMENBAŞY HALKARA DEŇIZ PORTY TÄZE NYRH ULGAMYNY HÖDÜRLEÝÄR

Hazar deňzinde käbir ugurlar boýunça ýük gatnawlaryny artdyrmak boýunça uly potensialynyň bardygyny bellemek bolar. Hazar deňzindäki ýerleşen deňiz portlaryň infrastrukturasyny gowulandyrmak, nyrh syýasatyny kämilleşdirmek, multimodal mehanizmleri ulanmak, bökdençlikleri azaltmak, resmileşdiriş proseduralary ýeňilleşdirmek ýaly wezipeleri durmuşa geçirmek wajyp bolup durýar.

Türkmenbaşy şäherinde ýerleşýän “Çarlak” myhmanhanasynda döwrebap kinoteatr gurnamak

Türkmenbaşy şäherinde ýerleşýän “Çarlak” myhmanhanasynyň 1-nji gatyndaky 90 adama niýetlenen mejlisler otagynda döwrebap kinoteatry gurnamak boýunça maýa goýum babatynda teklipler kabul edilýär.

2023-nji ýylyň ýanwar-oktýabr aýlarynda Hytaý portlarynyň konteýner dolanyşygy 4,9% artyp, 257 million TEU boldy

Noýabr aýynda Ningbo konteýner transport indeksi 8,8% ýokarlandy.

Ýylyň başyndan Demirgazyk-Günorta halkara ulag geçelgesi boýunça konteýner daşamak iki esse köpeldi

Demirgazyk-Günorta halkara ulag geçelgesi boýunça konteýner dşamagyň mukdary ýylyň başyndan iki esse artdy. Russiýanyň demirýol telegram kanalynyň habaryna görä, Russiýa demir ýollarynyň başlygynyň orunbasary Alekseý Şilo Astrakanda geçirilen «PRO//Движение.Каспий» maslahatynda bu barada aýtdy.

Gyrgyzystan respublikasynyň transport ministrligi ýük awtoulaglarynyň Hazar deňziniň üsti bilen üstaşyr geçirmekligiň mümkinçiligini öwrenýär

Gyrgyz Respublikasynyň ulag we kommunikasiýa ministriniň orunbasary Yrysbek Bariýew Azerbaýjanda iş saparynda bolmagynyň çäginde Alýat deňiz söwda portunyň ýolbaşçylary bilen duşuşdy. Duşuşygyň barşynda taraplaryň Gyrgyzystana Azerbaýjanyň, Türkmenistanyň we Özbegistanyň üsti bilen Hazar deňziniň kenaryndaky Alýat portundan gämilerde awtoulaglary daşamak mümkinçiligini ara alyp maslahatlaşandyklaryny Gyrgyzystanyň Ulag we kommunikasiýa ministrligi habar berdi. 

Wagyz-nesihat çäresi

2023-nji ýylyň 30-njy noýabrynda “Türkmendeňizderýaýollary” agentliginiň garamagyndaky edara-kärhanalaryň işgärleri we Balkan welaýatynyň Türkmenbaşy şäher polisiýa bölüminiň işgärleriniň gatnaşmaklarynda “Halal zähmet – bagtyýar durmuşyň kepili” atly şygar astynda wagyz-nesihat çäresi geçirildi.

«Astrakhan Porty» täze gämi gatnaw kompaniýany döretdi

«Astrakhan Port» paýdarlar jemgyýeti täze «Астрапорт шиппинг» kompaniýasyny döretdi. Bu kararyň Hazar deňzinde gämi gatnawyny ösdürmek maksady bilen kärhananyň eýran paýdarlary tarapyndan kabul edilendigi bellenilýär.

Türkmenbaşy Halkara deňiz portunyň «Deňizçi» futzal topary dördünji gezek ýurdumyzyň Naýbaşy ligasynyň ýeňijisi boldy

Türkmenbaşy Halkara deňiz portunyň «Deňizçi» futzal topary ýurdumyzyň Naýbaşy ligasynyň ýeňijisi boldy. «Deňizçi» futzal topary 2009-njy ýyldan bäri yzygiderli gatnaşyp gelýär we dördünji gezek Türkmenistanyň çempiony boldy. Mundan öň Türkmenistanyň Halkara deňiz portunyň topary şeýle üstünligi 2015-nji, 2021-nji we 2022-nji ýyllarda gazanypdy.

Aşgabatda Bütindünýä durnukly ulag güni mynasybetli halkara forum geçirildi

26-njy noýabrda Aşgabatda Ýer ýüzünde ilkinji gezek bellenilýän Bütindünýä durnukly ulag güni mynasybetli «Durnukly ulag: durnukly ösüşe goşant» atly halkara ylmy-amaly maslahat geçirildi. Mälim bolşy ýaly, şu ýylyň 16-njy maýynda Birleşen Milletler Guramasynyň Baş Assambleýasynyň 77-nji sessiýasynyň 70-nji plenar mejlisinde Türkmenistanyň başlangyjy esasynda, Milletler Bileleşigine agza döwletleriň biragyzdan goldamagynda Kararnama kabul edildi. Oňa laýyklykda, 26-njy noýabr “Bütindünýä durnukly ulag güni” diýlip yglan edildi. 2016-njy ýylda hut şol senede Aşgabatda BMG-niň Durnukly ulag ulgamy boýunça birinji ählumumy maslahaty geçirilipdi. Foruma Türkmenistanyň ulag düzümleriniň ýolbaşçylary, BMG, Demirýol boýunça hyzmatdaşlyk guramasynyň, Halkara awtoulaglar birleşiginiň, Ykdysady Hyzmatdaşlyk Guramasynyň, Halkara howa ulaglary assosiasiýasynyň we beýleki halkara guramalaryň wekilleri gatnaşdylar. Forumyň gün tertibi sebit we ählumumy ulag meýilnamasyny, ykdysady ösüşde möhüm şert hökmünde ulagyň orny, sosial we daşky gurşawyň durnuklylygyna goşant goşmagy öz içine alýar. Bu duşuşyk BMG-niň Dubaýda geçiriljek Howa boýunça ählumumy sammitiniň öňüsyrasynda bolup geçýär we onda ulagyň ýetirýän täsiri netijesinde howanyň üýtgemegi, ulag pudagynyň dekarbonizasiýasy we bu ugurdaky halkara hyzmatdaşlygyna üns berilýär. Forumyň açylyş dabarasynda Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew çykyş etdi. Ol öz çykyşynda sebitdäki ulag geçelgelerine we global torlara birikmek nukdaýnazaryndan ýurduň ulag ulgamynyň ýagdaýy barada gysgaça düşündiriş berdi, şeýle hem elektrikleşdirmek, nyrh syýasaty, howpsuzlyk we täze tehnologiýalary ornaşdyrmak meselelerine ünsi çekdi. Maslahatda çykyş edenleriň arasynda BMG-niň Türkmenistandaky hemişelik utgaşdyryjysy Dmitriý Şlapaçenko, “Türkmendemirýolary” we “Türkmenawtoulaglary” agentlikleriniň ýolbaşçylary - Azat Atamyradow we Guwançmyrat Akmämmedow hem bar. Foruma Demir ýol boýunça hyzmatdaşlyk guramasynyň başlygy Miroslaw Antonowiç, Halkara awtoulaglar birleşiginiň (IRU) Baş sekretary Umberto de Pretto, Ykdysady Hyzmatdaşlyk Guramasynyň (ECO) ýolbaşçysy Hosraw Noziri, Halkara howa ulaglary assosiasiýasynyň (IATA) infrastruktura boýunça müdiriniň orunbasary Dmitriý Kosolapow wideoaragatnaşyk arkaly gatnaşdylar.

"Türkmenistanyň Ulag-logistika merkezi" açyk görnüşli paýdarlar jemgyýeti Astrahan we Mahaçkala portlaryndan Türkmenbaşy halkara deňiz portunyň üsti bilen däne önümlerini multimodal görnüşde daşamak üçin nyrhlary hödürleýär.

"Türkmenistanyň Ulag-logistika merkezi" açyk görnüşli paýdarlar jemgyýeti Russiýanyň Astrahan we Mahaçkala portlaryndan Türkmenbaşy Halkara deňiz portunyň üsti bilen geçirilýän konteýner ýükleri üçin täzelenen nyrhnamalary hödürleýär

Türkmenbaşy halkara deňiz portunyň başlygy Londonda geçirilen maýa goýum forumynda çykyş etdi

2023-nji ýylyň 22-23-nji noýabrda Beýik Britaniýanyň paýtagty London şäherinde Türkmenistanyň maýa goýum forumy geçirildi.

“Turkmendenizderyayollary” administrasiýasynyň hünärmenleri Aktau teswirnamasynyň çäginde “Hazar deňzi ALPHA / BRAVO” atly bäşinji türgenleşige gatnaşdylar

2023-nji ýylyň 14-nji noýabrynda Aktau teswirnamasynyň çäginde “Hazar deňzi ALPHA / BRAVO” atly bäşinji türgenleşikleri geçirildi. Türgenleşikler göni wideoaragatnaşyk arkaly geçirildi. Bu türgenleşikler, Hazarýaka ýurtlarynyň adatdan daşary ýagdaýlara garşy göreşmek boýunça döwlet edaralarynyň gatnaşmagynda Tähran konwensiýasynyň wagtlaýyn sekretariaty (ВСТК) tarapyndan gurnaldy.

Baýramçylyk çäresi

2023-nji ýylyň 16-njy noýabrynda “Türkmendeňizderýaýollary” agentliginiň garamagyndaky Türkmenbaşy şäherindäki deňizçilik orta hünär okuw mekdebiniň, Türkmenistanyň Inžener-tehniki we ulag kommunikasiýalary institutynyň hem-de Türkmenistanyň Magtymguly adyndaky Ýaşlar guramasynyň Türkmenbaşy şäher Geňeşiniň bilelikde gurnamaklarynda 26-njy noýabr “Butindünýä durnukly ulag güni” mynasybetli Türkmenbaşy Halkara deňiz portunyň “Beýik Ýüpek ýoly” myhmanhanasynyň mejlisler zalynda “Türkmeniň döwletli ýoly birleşdirýär dost-dogany” atly konferensiýasy geçirildi.

Aşgabatda “Merkezi Aziýa – Koreýa Respublikasy” 16-njy hyzmatdaşlyk Forumynyň çäklerinde “Ulag we logistika” atly 1-nji mejlisi geçirildi

“Merkezi Aziýa – Koreýa Respublikasy” 16-njy hyzmatdaşlyk Forumynyň  çäklerinde  “Ulag we logistika” atly 1-nji mejlisi gibrid formatda geçirilip, duşuşygyň mowzugy “Mer­ke­zi Azi­ýa­nyň we Ko­re­ýa Res­pub­li­ka­sy­nyň ulag-lo­gis­ti­ka insf­rast­ruk­tu­ra­sy­nyň ara­bag­la­ny­şy­gy: çagyryşlar we müm­kin­çi­lik­ler” te­ma­sy­na ba­gyş­lan­dy.

Translogistika Uzbekistan 2023

2023-nji ýylyň 1-3-nji noýabry aralygynda Özbegistan Respublikasynyň Daşkent şäherinde “TransLogistika Uzbekistan 2023” atly halkara sergisi geçirilýär. Bu çärä 15 ýurtdan 60 dan gowrak kompaniýa gatnaşyp, Türkmenbaşy Halkara deňiz porty hem öz sergi stendi bilen çykyş edýär.

“Türkmendeňizderýaýollary” agentliginiň Daşary ykdysady gatnaşyklar we logistika bölümi okuw seminaryny geçirdi

Logistika – häzirki wagtda möhüm ugurlaryň biri bolup, kärhanalara ýa-da kompaniýalara harytlaryň üpjünçiligini we dolanşygyny, ammarlarda ýükleri düzmegi we eltip bermegi netijeli dolandyrmaga kömek edýär. Bu pudakda üstünlik gazanmak üçin logistika boýunça bilimleri we başarnyklary yzygiderli täzelemek wajyp bolup durýar. Bu maksat bilen, “Türkmendeňizderýaýollary” agentliginiň Daşary ykdysady gatnaşyklar we logistika bölümi 2023-nji ýylyň 26-njy oktýabrynda Agentligiň we onuň garamagyndaky kärhanalaryň Logistika we marketing bölümleriniň işgärleri üçin okuw seminaryny geçirdi.